واحد غلبان عايز يقسط مستعمل
السلام عليكم و رحمة الله
</p>الي كل اعضاء منتدي نايل موتورز الكرام اسعد الله ايامكم الواد الاساتذ اخويا مهبول بالنايل موتورز من ساعة ما رجع من قطر، وعضو معاكم في المنتدي من فترة بالرغم من اني طول عمري باحب العربيات اكتر منه الا انه سبقني بمراحل في الاشتراك في منتداكم مش هاطول عليكم انا يعني "معيد" علي قد حالي و بهدلة المواصلات جننتني خلاص ،قلت يا واد لو هاتشحت جيب عربية بيني و بينكم الجمعيات ده اختراع اثبت فشله علشان يوم ما هاتقبض فلوسها هايبقي سعر العربية اتضرب في اتنين و بما ان العربيات الجديدة ولعت مع دخول الصيف فكرت اقسط مستعمل ، المشكلة اني ممعاييش مقدم بس ممكن ادفع قسط شهري لحد 1000 جنيه بس اركب عربية من فترة قصيرة لاقيت اعلان علي موقع عن عربية كورسا 96 بدون مقدم 1000 جنيه علي 42 شهر ، كلمت الراجل قالي اتباعت لو حد ممكن يفيدني يا ريت ما تترددوش اتمني الاقي ردود علي اول مشاركاتي ما تحسسونيش بالاحباطشكرا لكم جميعا</p>
وأحل الله البيع وحرم الربا
يا جماعة إبعدوا عن حاجة إسمها تقسيط من خلال بنك - دة ربا في ربا مش تقيسط ولا حاجة.
والبنك لا بيبيع ولا بيشتري ، البنك بيدفعلك وياخد زيادة على اللي دفعه
التقسيط الحلال بيكون مع مالك السلعة ، مش مع طرف ثالث لا يملك السلعة ولا تهمه في شيء ؟؟؟!!
" اتقوا الله وذروا ما بقي من الربا إن كنتم مؤمنين ، فإن لم تفعلوا فأذنوا بحرب من الله ورسوله "