هى صدفه ؟ منشية ناصر - أمبابه - تهديد جبرائيل -عملة ساويرس - طلب الحمايه

**adelseliem** · 27-06-2011 10:45 AM

قبل الثوره .......أحتقان طائفى غريب ومحدش فاهمه

طول أحداث الثوره ......مفيش حد قرب لكنيسه ( مع غياب الأمن )والمسيحيين فهموا اللعبه

طول أحداث الثوره...... المسلمين والمسيحيين فى ميدان التحرير وفى كل شارع وحاره كلنا عارفين بيعملوا أيه مع بعض

من بعد الثوره......

منشية ناصر ....ناس سخنت المسيحيين والمسلمين بأن كل مجموعه هتهد دار عبادة الأخرى علشان يولعوا فى بعض

أمبابه..... ناس سخنت المسلمين لتحرير فتاه وسخنت المسيحيين دول جايين يحرقوا الكنيسه علشان يولعوا فى بعض

جبرائيل ...هدد المحامي القبطي نجيب جبرائيل، رئيس منظمة الاتحاد المصري لحقوق الإنسان، بأنه سيلجأ لطلب الحماية الدولية للأقباط لو لم يتم تنفيذ كافة المطالب التي ينادي بها الأقباط في مصر

ساويرس .... حط صوره على موقعه علشان الناس تسخن وتعمل حمله لمقاطعه أعماله ويبان أنه مضطهد

الحمايه الدوليه....تقدم وفد من أقباط المهجر في أمريكا، رسميا، بطلب فرض الحماية الدولية على مصر الى منظمة الأمم المتحده ودولة الفاتيكان والدول الخمس الأعضاء الدائمين في مجلس الأمن والكونجرس الأمريكي ومراكز اتخاذ القرار في الولايات المتحده الامريكيه.

كل ده صدفه

ياريت المسلمين والمسيحيين يفهموا اللعبه تانى

**تامر.محمد** · 27-06-2011 11:36 AM

يا رب الناس تفهم على رأيك

الاحداث موجودة , و من زمان
مش عارف شفت ولا لأ , بس صاحب اشاعة اضطهاد و تعذيب الاقباط في مصر هما اقباط المهجر , و اللطيف ان فيه ناس في مصر صدقوها

**Ahmed.Fahmy** · 27-06-2011 12:14 PM

ساويرس مش عبيط
ممكن بيعمل كدا عشان يوقع اسهم موبينيل علشان يعرف يبيعها زى ما حاول قبل كدا وفشل
البيزنس مش كل خسارته خسارة بجد

**MaZaGAngeE** · 27-06-2011 03:36 PM

و الحماية الدولية دي هتعمل ايه ؟
امريكا هتبعت حرس لكل مسيحي في مصر و لا هتعمل عقوبات علينا و لا هيعملوا ايه ؟

ده كلام فارغ و لا ليه لازمة و لا هيفرق معانا بساغ

المسيحيين في مصر جيرانا و اخواتنا و احنا اللي هنحميهم ..... بس لما واحد فيهم يقل أدبه همه اللي يربوه عشان مش عايزين مشاكل مالهاش داعي ..... يا اما بقى احنا نعمل اللي احنا عايزينه.

**M_selim** · 27-06-2011 04:21 PM

المشاركة الأصلية كتبت بواسطة mazagangee

..... بس لما واحد فيهم يقل أدبه همه اللي يربوه عشان مش عايزين مشاكل مالهاش داعي ..... يا اما بقى احنا نعمل اللي احنا عايزينه.

المفروض لما واحد أي كانت ديانته بيقل أدبه زي ما بتقول , القانون هو اللي يربيه لاننا نعيش في دولة تحاول ان تكوت متحضرة لا دولة القرون الوسطى

ميشيل سليم

**MaZaGAngeE** · 27-06-2011 04:45 PM

المشاركة الأصلية كتبت بواسطة m_selim

المفروض لما واحد أي كانت ديانته بيقل أدبه زي ما بتقول , القانون هو اللي يربيه لاننا نعيش في دولة تحاول ان تكوت متحضرة لا دولة القرون الوسطى

ميشيل سليم

الكلام ده امل يكون عندك جهاز أمني ملنزم بحقوق الانسان و لكن لحد ما يكون عندنا وزارة داخلية مصرية مش اسرائيلية فاحنا مضطرين ناخد حقنا بادينا

**aminibrahim** · 27-06-2011 08:51 PM

المشاركة الأصلية كتبت بواسطة mazagangee

الكلام ده امل يكون عندك جهاز أمني ملنزم بحقوق الانسان و لكن لحد ما يكون عندنا وزارة داخلية مصرية مش اسرائيلية فاحنا مضطرين ناخد حقنا بادينا

ايه الي سيادتك بتقوله ده اللهم احفظنا---- حتي لو ما فيش لازم احنا نحترم حق البلد علينا غشان انت مش عايش فيها لوحدك

اللهم سلم سلم

**abogogo** · 27-06-2011 10:07 PM

المشاركة الأصلية كتبت بواسطة m_selim

المفروض لما واحد أي كانت ديانته بيقل أدبه زي ما بتقول , القانون هو اللي يربيه لاننا نعيش في دولة تحاول ان تكوت متحضرة لا دولة القرون الوسطى

ميشيل سليم

كلام سليم بس لما يضرب بأحكام القانون عرض الحائط ؟؟؟!!!!