انا يا رجالة عمري ما غيرت الكاوتش ومش عارف هعمل ايه لو اطريت اغيرة ارجو المساعده
انا يا رجالة عمري ما غيرت الكاوتش ومش عارف هعمل ايه لو اطريت اغيرة ارجو المساعده
بسيطة
وانت تحت البيت قعد ادرب عليها
اهى تكون مركونة
ومنها لو لقدر الله معرفتش تعملها
تسيبها زى ما هيا وتجيب الواد بتاع الكاوتش يعملها
المشكلة اني مش عارف ترتيب تركيبها ومش عارف احط فين الكوريك في كل عجلة
انت تريح دماغك من الفك والتركيب.قولى ازاى؟؟
انا اقولك.بص ياسيدى.انت تجيب كومبرسيور هوا ب 50 جنيه من هايبر وان او كارفور او اى محل اكسسوارات.بيشتغل فى ولاعة العربيه.
لما تلاقى الكاوتش نايم ومريح تقوم مزوده شويه .هيلخد بتاع 10 دقايق لحد مايقوم معاك وتعرف تمشى عليه.
حضرتك بقا تروح بيه لاى حدا بتاع كاوتش ويفكهولك ويلحمهولك.ولا بهدله ولاتراب ولاهدومك تبوظ وانت بتغيرو.
وعلى فكره التيوبلس مبيريحش الااما تقف عليه فتره يعنى لو اتخرم وانت ماشى مش هيريح منك الا اما تقف.
اشكرنى بقا.
انا لسه مغير العجله النهارده شوف
إنتا تفك الطاسه الاول
بعد كده تفك المسامير شويه تهويهم كده ماتفكهمش خالص
بعد كده تجيب الكوريك وترفع العربيه مكان العجله
هتلاقي سن في الكوريك وهتلاقيله مبيت تحت العربيه
هاترفع لحد اما العجله تبقي حره في إيدك
فك الاربع مسامير خالص
طلع العجله وحطها علي جنب
هات العجله التانيه وركبها
ظبط مكان القلاوظ قصاد فتحه المسامير
اربط المسامير كويس بس ماتجمدش عليهم
نزل الكوريك وطلعه من تحت العربيه
هات المفتاح وقرط علي المسامير لحد اما تسمع صوت التزييق
ركب الطاسه
اركب العربيه وإنطلق
اي خدمه
ياعمى هات الكمبريسور وكبر دماغك وريح جمجمتك بلا فك وتركيب وقرف ووجع قلب.انا ياما فكيت وركبت وياما اتأخرت عالشغل عشان الفك والتركيب ايام ال128 حبيبتى .ياااااه اياااام لسه النهارده خالع منها البطاريه وموديها تتشحن
هات الكوريك وثبته فى الحديده اللى تحت العتبه ورا الدلايات علطول
ارفع شويه يعنى يادوب الكوريك يسند كده فى الحديده ويعدين فك المسامير بالمفتاح ودوس عليه برجلك عشان مش هيفك بأيدك
وكمل رفع رفع وشيل العجله وحط العجله التانيه
اومال تعمل ايه لو بتغير فردتين فى جنب واحد
بحط الكوريك فى نص الباب كده وارفع ارفع الجمب كله بيترفع
وبشيل العجلتين وابدلهم
لازم لو من النص تكون فاتح الباب ولا انصح بذلك لآن الكوريك ده موش ثابت قوي وفي التوكيل نصحوني بشراء واحد تمساح لآنه امن اكتر وثابت
لوسمحت يارجالة حد يعرف يركب الكوريك تانى !!
انا حاولت ارجعة اركبة تانى معرفتش عايز ذكاءءءء فاحتتتت هههههه
انا سمعت ان كل اللى فك الكوريك معرفشى يركبه تانى
الكوريك اللي علي شكل معين لازم يتقفل للآخر و يركب في مكانه و يتفتح تاني علشان يبات في مكانه
ياجماعة ممكن حد يصورة بس صورة واضحة فحتتت التنين,
انا معايا صورة بس مش واضحة وهو راكب بس برضة معرفتش عايزة ذكاءءءءء فحتتت هههه
فية صورة هنا بس مش واضحة نص نص يعنى من موضوع صور اللوجان تقرير كامل مصور
http://photos-d.ak.fbcdn.net/hphotos..._3797623_n.jpg