صوت غريب والعربية عايزة زرجينة (ابيزا 2000)

السلام عليكم

العربية فيها صوت غريب وانا ماشى صوت منظم طق طق طق وكلما زادت السرعة زاد الصوت ودا مش فى الملفات دا وانا ماشى على طول وكمان احيانا بيختفى ويظهر لما اشيل رجلى من على البنزين
وقفت ونزلت بصيت تحت العربية مفيش حاجة غريبة
لفيت الدريكسون وانا واقف يمين وشمال مفيش صوت طقطقة ولا اى صوت
مع العلم انى لسة مظبط زوايا قريب هل ممكن الراجل يكون نسى يربط حاجة ؟؟؟؟؟؟؟
بعد ظبط الزوايا عملت مشوار طويل 200 كم وبعد كدة ظهرت الطقطقه



وانا باظبط زوايا من يومين الراجل قاللى ان العجل خارج لبرة من تحت 3 سم ولازم يعمل زرجينة وطبعا قبل ما اعمل ايى حاجة اتصلت باخ فاضل من الاخوة فى المنتدى وسالتة والمهم رفضت الزرجينة والراجل قاللى طيب هاحلهالك واظبطهالك بس هافك وهاركب مسمار فين ومش عارف اية المهم رفضت وخليتة يظبط الزوايا فقط ومشيت

اية هى الزرجينة وهل ال 3 سم ليهم تاثير عل حاجة تانى ويعملوا مشاكل بعد كدة

كيفية الحل لو حد عدى عليه موقف ذى كدة

جزاكم الله خيرا

متابع وهل الزرجينة دي لها اثر علي شاسيه العربية وايه سبب الحاجة لزرجينة؟

السلام عليكم

اولا بخصوص الصوت الغريب
وانا مروح امبارح عديت على الاسطى سيد اللى بعد كوبرى التجنيد ومكانش موجود واخدت صنايعى وجربنا العربية
وطلع كوبلن داخلى
شرحتلة ان العجل مفتوح 3 سم يمين وشمال وعايز يتعملة زرجينة علشان يتظبط وسالتة هل الموضوع دا (الزرجينة) له علاقة بتأكل الكوبلن الداخلى او انه يبوظ
الرد عدى على الاسطى بكرة وهو يرد عليك ويقولك تعمل اية

بخصوص الزرجينة قرأت عدة مشاركات فى المنتدى امس عن الزرجينة وطلعت بفضل الله شى عادى خالص وان شاء الله هعملها بس ياريت حد يرشحلى مكان يكون عمل فية حاجة ذى كدة

حاجة تانية
هل عشان العجل مفتوح يمين وشمال 3 سم باجمالى 6 سم هو دا السبب فى ان الكوبل الداخلى يكون خرج من مكانة شوية(احتمال)
منتظر الردود

جزاكم الله خيرا

السلام عليكم
الكلام اللي هاقوله ده على الأبيزا ال94 لأني مريت بنفس الموضوع ده و أعتقد و بنسبه كبيره(بس مش متأكد) مافيش فرق بينها و بين موديل 2000 بالنسبه للشاسيه و جزء كبير من العفشه
أولا: الأبيزا ماينفعش الشاسيه بتاعها يتفتح أو يتقفل من المشي العادي أو المطبات و ده لأن فردتين الشاسيه ممسوكين من الأمام (خلف الأكصدام الأمامي)بقنطره اللي عليها قاعده الموتور الأماميه و كمان في وراها قنطره تانيه اللي الموتور و الفتيس قاعدين عليها يعني القنطرتين دول عباره عن شداد أو زرجينه مستديمه بتحافظ على المسافه بين فردتين الشاسيه
ثانيا : لو العجله مأخره أو مقدمه يبقى ممكن تكون العربيه و خبطت في رصيف أو حاجه أثرت على المقص أو القنطره و في الحاله دي يبقي الجزء اللي أتخبط يتغير - لكن لو عملت زرجينه عشان تطلع العجله لقدام أو تأخرها للخلف فأول حاجه هاتحصل أنك هاتقطع جلبه المقص و بعدين الله أعلم أيه ممكن يحصل بعد كده لأن اللي بيعمل الزرجينه بيبقى عاوز يجيب الفرق و خلاص و ممكن الزرجينه يكسر حاجه
ثالثا: لو العجله فاتحه لبره أو لجوه الحل بيكون التهويه على مسمارين اللي ماسكين المساعد بالجنب و هتلاقي العجله بتدخل و تخرج لحد ما تبقى عاموديه على الأرض و بعدين يربط على المسمارين تاني
و الله أعلم

اقتباس:

---

المشاركة الأصلية كتبت بواسطة agaty1st

ثالثا: لو العجله فاتحه لبره أو لجوه الحل بيكون التهويه على مسمارين اللي ماسكين المساعد بالجنب و هتلاقي العجله بتدخل و تخرج لحد ما تبقى عاموديه على الأرض و بعدين يربط على المسمارين تاني
و الله أعلم

---

وعليكم السلام

بالظبط دا اللى عندى
طيب مين اللى يظبطة بتاع تظبيط الزوايا ولا عفشجى ولا ميكانيكى عادى

جزاك الله خيرا

اقتباس:

---

المشاركة الأصلية كتبت بواسطة amma

وعليكم السلام

بالظبط دا اللى عندى
طيب مين اللى يظبطة بتاع تظبيط الزوايا ولا عفشجى ولا ميكانيكى عادى

جزاك الله خيرا

---

اللي يظبطه بتاع الزوايا على الكمبيوتر

السلام عليكم

الحمد لله العربية طلعت مش محتاجة زرجينه وعامة الابيزا مبتتزرجنش علشان فيها رجلاش كبييييييير ومن خلاله نقدر نفتح العجلة لبرة او ندخلها لجوة

طبعا روحت علشان اظبط زوايا والمهم الراجل كان عنده زحمة وحاكيتله على اللى عندى وطلبت منه ان يشوف العربية الاول علشان لو كدة اعمل الكوبلن وقالى لا لازم اقيس الاول واقولك

قاس وظبط وحط الجهاز وكانت النتيجة ان عندى العجل مفتوح لبرة 3 سم من اليمن والشمال

الحل اية طيب

روح غيير المساعدين

يا عم الحاج المساعدين زى الفل

هو دا الحل الوحيد روح غيير المساعدين

طيب العربية فيها رجلاش شوف وقولى (طبعا الفضل كله لله ثم الاستاذ ايهاب منصور هو اللى قالى على الريجلاش )

الصنايعى تمام عربيتك فيها رجلاش وهتتظبط وتبقى تمام وكل دا ب 30 جنية + ه تبس

اشتغل الراجل وفك والحمد لله والعربية اتظبطت وبقت تمام وبعد كدة روحت عكست فرد الكاوتش يمن مكان الشمال وشمال مكان اليمن

والحمد لله صوت الطقطقة اختفى وراح لان الفرق 3 سم يمين وشمال كان ماثر على الكوبلن الداخلى وبعد الاصالاح كل حاجة رجعت فى مكانها الصبيعى واختفى الصوت نهائيا بفضل الله

اقتباس:

---

السلام عليكم

الحمد لله العربية طلعت مش محتاجة زرجينه وعامة الابيزا مبتتزرجنش علشان فيها رجلاش كبييييييير ومن خلاله نقدر نفتح العجلة لبرة او ندخلها لجوة

طبعا روحت علشان اظبط زوايا والمهم الراجل كان عنده زحمة وحاكيتله على اللى عندى وطلبت منه ان يشوف العربية الاول علشان لو كدة اعمل الكوبلن وقالى لا لازم اقيس الاول واقولك

قاس وظبط وحط الجهاز وكانت النتيجة ان عندى العجل مفتوح لبرة 3 سم من اليمن والشمال

الحل اية طيب

روح غيير المساعدين

يا عم الحاج المساعدين زى الفل

هو دا الحل الوحيد روح غيير المساعدين

طيب العربية فيها رجلاش شوف وقولى (طبعا الفضل كله لله ثم الاستاذ ايهاب منصور هو اللى قالى على الريجلاش )

الصنايعى تمام عربيتك فيها رجلاش وهتتظبط وتبقى تمام وكل دا ب 30 جنية + ه تبس

اشتغل الراجل وفك والحمد لله والعربية اتظبطت وبقت تمام وبعد كدة روحت عكست فرد الكاوتش يمن مكان الشمال وشمال مكان اليمن

والحمد لله صوت الطقطقة اختفى وراح لان الفرق 3 سم يمين وشمال كان ماثر على الكوبلن الداخلى وبعد الاصالاح كل حاجة رجعت فى مكانها الصبيعى واختفى الصوت نهائيا بفضل الله

---

الاول مبروك ياباشا علي التصليح ... عشان الموضوع ده رخم جدا جدا جدا
كان عندي خبطه في القنطره من بلاعه كبيره و غيرت القنطره و المقصات بس فضل العجل مرحل
و العربيه بقت تاكل كاوتش و عفشه بشكل بشع ... و اتعملت في الاخر عند واحد سمكري في الحرفيين اسمه السنوسي و
بصراحه الراجل ده صنايعي صنايعي ... بيظبط مقاسات الشاسيه و العفشه بمعلمه و عموما هو غالي عشان الشغل
ده محدش بيعرف يعمله زيه ... المهم انها اتعملت و ظبطت الحمدلله
بالنسبه لموضوع الريجلاش ده ... مكانه في بالظبط
و بيظبط ايه بالظبط ... يعني لما العجل يكون مرحل ورا و قدام ؟؟؟ ... ولا لما يكون فاتح لبره او جوه ؟؟؟
ياريت تقولنا عشان الموضوع ده مهم جدا ... و الشكر واجب للباشمهندس ايهاب منصور ... ربنا يزيده

انا كمان كان عندي الموضوع دة
فعلا العربيات دي فيها رجلاش لتظبيط العجل تقدمه وتأخره منها
مفيش حاجة اسمها زرجينة الا لو لقدر الله كنت عملت حادث وحصل اعوجاج
كمان صوت الطقة دة ممكن يكون من البارات بتاعة علبة الدريكسيون

هوصفلك واحد بتاع زوايا فنان وايده تتلف في حرير
عارف عنتر الكبابجي في شارع المنيل؟؟
هو وراه علي طوول في الشارع الي في ظهره

وممكن تروحلة من شارع عبدالعزيز ال سعود
اول يمين بعد سينما جالاكسي وفي ظهر السينما بالظبط هتلاقي 3 شوارع بيتجمعوا في ميدان في ظهر السينما،، ادخل في الشارع الي في النص

الورشة بتاعة واحد اسمه صفوت جرجس
عنده صنايعي اسمه تامر

روح وهتدعيلي

والله المستعان
،
،

الحمد لله و مبروك يا أحمد بيك علي حل مشكلتك
ثانيا الرجلاش اللي بنتكلم عليه ده لضبط استقامة العجل ليكون عموديا علي الأرض وليس للتقديم او التأخير
والله الموفق

اقتباس:

---

المشاركة الأصلية كتبت بواسطة ehab_mansour

الحمد لله و مبروك يا أحمد بيك علي حل مشكلتك
ثانيا الرجلاش اللي بنتكلم عليه ده لضبط استقامة العجل ليكون عموديا علي الأرض وليس للتقديم او التأخير
والله الموفق

---

أزيك يا باشمهندس ايهاب
وحشتني والله

انا فعلا اقصد كدة والله
يكون واقف علي الارض عمودي (90 درجة)
انا كان عندي العجل قالب لبرة (عامل زي ال128 من ورة)
روحت اظبط زوايا راح فاتح الرجلاش ومسك العجلة من تحت برجله وطلعها لبرة من فوق بأيده وخلي حد من تحت يربط تاني الرجلاش

وبعدها العجل اتظبط وبطل يصرخ وبقي واقف علي الارض عمودي

منك نستفيد يا باشمهندس وانت حبيبي والله
اوعي تكون في حاجة من المرة الي فاتت ؟؟؟؟؟

والله المستعان
،
،

اقتباس:

---

المشاركة الأصلية كتبت بواسطة syd

أزيك يا باشمهندس ايهاب
وحشتني والله

انا فعلا اقصد كدة والله
يكون واقف علي الارض عمودي (90 درجة)
انا كان عندي العجل قالب لبرة (عامل زي ال128 من ورة)
روحت اظبط زوايا راح فاتح الرجلاش ومسك العجلة من تحت برجله وطلعها لبرة من فوق بأيده وخلي حد من تحت يربط تاني الرجلاش

وبعدها العجل اتظبط وبطل يصرخ وبقي واقف علي الارض عمودي

منك نستفيد يا باشمهندس وانت حبيبي والله
اوعي تكون في حاجة من المرة الي فاتت ؟؟؟؟؟

والله المستعان
،
،

---

عيب يا هندسة لست هذا الرجل ........
وانت وحشني أكتر بس ظبط ميعاد نتقابل فيه و تتعرف بالمرة علي أحمد بيك صاحب هذا الموضوع وهو من أفضل من قابلت في حياتي من الأدب والاحترام والأخلاق و ..... ربنا يكرمه ويباركله
هو جاري هنا في عين شمس وبنتقابل قدام مدرسة مودرن سكول الزهراء بعد صلاة العشاء دائما لما بيكون عندنا وقت و بنتفق قبلها اللي حابب ييجي من الأعضاء احنا تحت أمره مافيش مشكلة

اقتباس:

---

المشاركة الأصلية كتبت بواسطة ehab_mansour

عيب يا هندسة لست هذا الرجل ........
وانت وحشني أكتر بس ظبط ميعاد نتقابل فيه و تتعرف بالمرة علي أحمد بيك صاحب هذا الموضوع وهو من أفضل من قابلت في حياتي من الأدب والاحترام والأخلاق و ..... ربنا يكرمه ويباركله
هو جاري هنا في عين شمس وبنتقابل قدام مدرسة مودرن سكول الزهراء بعد صلاة العشاء دائما لما بيكون عندنا وقت و بنتفق قبلها اللي حابب ييجي من الأعضاء احنا تحت أمره مافيش مشكلة

---

اوك

انا موافق
ويكون ليا طبعا الشرف اتعرف علي الأستاذ أحمد بيك
هتصل بحضرتك اول لما انزل عين شمس انت عارف المشوار بعيد قد ايه
يمكن انشاء الله يكون في خلال هذا الأسبوع لأني بروح مدينة نصر أحد وثلاثاء وخميس وبخلص شغل الساعة 10 بليل
يعني لو هنتقابل هيبقي زي المرة الي فاتت
علي 11 بأذن الله
هشوف كدة ظروفي وهتصل علي حضرتك او ابعتلك علي الخاص وهتصل قبل ما أجي
ماشي ؟؟

اشوفك علي خير انشاء الله

والله المستعان
،
،

اقتباس:

---

المشاركة الأصلية كتبت بواسطة behman

الاول مبروك ياباشا علي التصليح ... عشان الموضوع ده رخم جدا جدا جدا
كان عندي خبطه في القنطره من بلاعه كبيره و غيرت القنطره و المقصات بس فضل العجل مرحل
و العربيه بقت تاكل كاوتش و عفشه بشكل بشع ... و اتعملت في الاخر عند واحد سمكري في الحرفيين اسمه السنوسي و
بصراحه الراجل ده صنايعي صنايعي ... بيظبط مقاسات الشاسيه و العفشه بمعلمه و عموما هو غالي عشان الشغل
ده محدش بيعرف يعمله زيه ... المهم انها اتعملت و ظبطت الحمدلله
بالنسبه لموضوع الريجلاش ده ... مكانه في بالظبط
و بيظبط ايه بالظبط ... يعني لما العجل يكون مرحل ورا و قدام ؟؟؟ ... ولا لما يكون فاتح لبره او جوه ؟؟؟
ياريت تقولنا عشان الموضوع ده مهم جدا ... و الشكر واجب للباشمهندس ايهاب منصور ... ربنا يزيده

---

الله يبارك فى عمرك

بالنسبة لمكان الريجلاش او وصفة
هو عبارة عن مسمارين بتوع تثبيت المساعد فى العربية -الجزء اللى بيتربط منة المساعد فى العربية

وبنستخدم الريجلاش فى حالة لو العجل فاتح لبرة او لجوه

اقتباس:

---

المشاركة الأصلية كتبت بواسطة SYD

انا كمان كان عندي الموضوع دة
فعلا العربيات دي فيها رجلاش لتظبيط العجل تقدمه وتأخره منها
مفيش حاجة اسمها زرجينة الا لو لقدر الله كنت عملت حادث وحصل اعوجاج
كمان صوت الطقة دة ممكن يكون من البارات بتاعة علبة الدريكسيون

هوصفلك واحد بتاع زوايا فنان وايده تتلف في حرير
عارف عنتر الكبابجي في شارع المنيل؟؟
هو وراه علي طوول في الشارع الي في ظهره

وممكن تروحلة من شارع عبدالعزيز ال سعود
اول يمين بعد سينما جالاكسي وفي ظهر السينما بالظبط هتلاقي 3 شوارع بيتجمعوا في ميدان في ظهر السينما،، ادخل في الشارع الي في النص

الورشة بتاعة واحد اسمه صفوت جرجس
عنده صنايعي اسمه تامر

روح وهتدعيلي

والله المستعان
،
،

---

جزاك الله خيرا

انا عندى نفس المشكله ديه بس ف عربيه شااهين ياريت حد يفدنى بقا اعمل ايه ودا شغل عفشجى يعنى ولا ايه؟

اقتباس:

---

المشاركة الأصلية كتبت بواسطة ehab_mansour

عيب يا هندسة لست هذا الرجل ........
وانت وحشني أكتر بس ظبط ميعاد نتقابل فيه و تتعرف بالمرة علي أحمد بيك صاحب هذا الموضوع وهو من أفضل من قابلت في حياتي من الأدب والاحترام والأخلاق و ..... ربنا يكرمه ويباركله
هو جاري هنا في عين شمس وبنتقابل قدام مدرسة مودرن سكول الزهراء بعد صلاة العشاء دائما لما بيكون عندنا وقت و بنتفق قبلها اللي حابب ييجي من الأعضاء احنا تحت أمره مافيش مشكلة

---

شكرا جزيلا و جزاك الله خيرا

اقتباس:

---

المشاركة الأصلية كتبت بواسطة syd

اوك

انا موافق
ويكون ليا طبعا الشرف اتعرف علي الأستاذ أحمد بيك
هتصل بحضرتك اول لما انزل عين شمس انت عارف المشوار بعيد قد ايه
يمكن ان شاء الله يكون في خلال هذا الأسبوع لأني بروح مدينة نصر أحد وثلاثاء وخميس وبخلص شغل الساعة 10 بليل
يعني لو هنتقابل هيبقي زي المرة الي فاتت
علي 11 بأذن الله
هشوف كدة ظروفي وهتصل علي حضرتك او ابعتلك علي الخاص وهتصل قبل ما أجي
ماشي ؟؟

اشوفك علي خير ان شاء الله

والله المستعان
،
،

---

دانا اللى ليا الشرف انى اتعرف على حضرتك يا استاذ سيد

اقتباس:

---

المشاركة الأصلية كتبت بواسطة abdoelshazly

انا عندى نفس المشكله ديه بس ف عربيه شااهين ياريت حد يفدنى بقا اعمل ايه ودا شغل عفشجى يعنى ولا ايه؟

---

بص يا اخى الفاضل

لا دا شغل بتاع تظبيط الزوايا بس الله اعلم عربيتك فيها رجلاش ةلا لا بس هما بعملو ا حاجة ظريفة وحل عملى
بيجى على مكان تثبيت المساع اللى بيعدى فيه مسمار التثبيت ويوسعة شوية وبكدة هو بيقدر يفتح العجلة لبرة او جوة (بمعنى اخر هو بيعملها الريجلاش ) وعمل الكلام دا فى عربية 127 قدامى والتجربة نجحت وذى الفل
وربنا يوفقك للخير

اقتباس:

---

المشاركة الأصلية كتبت بواسطة amma

بص يا اخى الفاضل

لا دا شغل بتاع تظبيط الزوايا بس الله اعلم عربيتك فيها رجلاش ةلا لا بس هما بعملو ا حاجة ظريفة وحل عملى
بيجى على مكان تثبيت المساع اللى بيعدى فيه مسمار التثبيت ويوسعة شوية وبكدة هو بيقدر يفتح العجلة لبرة او جوة (بمعنى اخر هو بيعملها الريجلاش ) وعمل الكلام دا فى عربية 127 قدامى والتجربة نجحت وذى الفل
وربنا يوفقك للخير

---

الف شكر لحضرتك :16:

اقتباس:

---

المشاركة الأصلية كتبت بواسطة SYD

اوك

انا موافق
ويكون ليا طبعا الشرف اتعرف علي الأستاذ أحمد بيك
هتصل بحضرتك اول لما انزل عين شمس انت عارف المشوار بعيد قد ايه
يمكن ان شاء الله يكون في خلال هذا الأسبوع لأني بروح مدينة نصر أحد وثلاثاء وخميس وبخلص شغل الساعة 10 بليل
يعني لو هنتقابل هيبقي زي المرة الي فاتت
علي 11 بأذن الله
هشوف كدة ظروفي وهتصل علي حضرتك او ابعتلك علي الخاص وهتصل قبل ما أجي
ماشي ؟؟

اشوفك علي خير ان شاء الله

والله المستعان
،
،

---

ان شاء الله

اقتباس:

---

المشاركة الأصلية كتبت بواسطة amma

الله يبارك فى عمرك

بالنسبة لمكان الريجلاش او وصفة
هو عبارة عن مسمارين بتوع تثبيت المساعد فى العربية -الجزء اللى بيتربط منة المساعد فى العربية

وبنستخدم الريجلاش فى حالة لو العجل فاتح لبرة او لجوه

---

المسمارين دول اللي بيربطوا المساعد من تحت عند العتب ؟ ولا اللي بيربطوه من عند الرفرف من فوق والله ينور