الموضوع: بشرى لأهالي دمياط .. المصنع هيتنقل للسويس

و الله أنا مع حضرتك .. يعني دول جنوب أوروبا اللي بتطل على البحر المتوسط بتعارض المشروع لأنه هيأثر عليهم .. يعني هو بقى هيأثر عليهم و إحنا لأ ما هو بالمنظر دة هيأثر على باقي الجمهورية ..
و للأسف :( الناس مش عارفة إن المصنع دة هيأثر على صحتهم و معندهمش وعي في باقي المحافظات ..
أنا رأيي إنكم تعملوا نشرات و توعوا أكبر قدر من الناس يعني لو كل واحد عنده صاحب أو قريب في محافظة ثانية يقول له و أنا عن نفسي هبدأ أكلم الناس عندي هنا و صحابي كمان و قرايبي ..
خلونا نتحرك بقى ..

المشاركة الأصلية كتبت بواسطة CAMARO

شكراَ حضرتك على الإيضاح بس أنا فعلاَ كاتبها الغمة

با أخي أنا أقصد الغمة مجاز مرسل مش تصحيح للكلمة يا ريت تكون فاهمني

ثانياً هي المشكلة ان الشعب المصري لا تستطيع تجميعة ولا يلتف حولك الا بعد وقوع المصيبة
يعني مهما عملت الحكومة دي من اسوأ الحكومات اللي مرت على مصر منذ وفات الرئيس السادات حكومة كلها فساد حتى حكومة عاطف عبيد اللي بدأت بيع البلد وتدمير ما بناه الزعيم الخالد رغم أنف الكثير لم تكن بهذا الغل والحقد على الشعب ولم تتجرأ على فعل ما قامت به هذه الحكومة الحاقدة على الشعب
لكي نمنع إقامة مثل هذا المشروع يجب أن تقال هذه الحكومة لانها ببساطة ستحاربنا من أجل إقامته لانها حكمة رجال أعمال يعني البيزنس أهم من الشعب ، الشعب لحوح يعني عايز الحكومة تصرف وتبني ، وسياسة رجل الأعمال انه عايز ياخد من اللي بيشتغل عنده حباب عنيه واحنا الشعب بنشتغل عند الحكومة دي يبقي لازم نديهم حباب اعيننا واحنا راضيين ومبسوطين طين على الاخر فالمطلب الشعبي يجب أيكون أساسة تغيير حكومة رجال الاعمال وتنصيب حكمة نابعة من الشعب الحقيقي يعني مش يجيبولنا من عنية عبد الهادي ويقلك وزير نشأ وترعرع في بيئة عمالية وبعدين يسحرولوا وبقدرة قادر نلاقيه بيردد كلام الحكومة عايزين حكومة تحب مصر والمصريين والرئيس مبارك أكتر واحد يقدر هذا الكلام لانه عايش اوضاع كثيرة كانت تمر بها البلد ويعلم حال المواطن المصري أكثر من الوزاراء اللي عندهم 35 سنة واتولدوا تجار ورجال اعمال ولم يشعروا بالمواطن المصري حتي لو مروا في الشوارع بسيارات وحراسات ولم يسألوا أنفسهم في يوم يا ترى الناس بتدعي لهم ولا عليهم
بس بئه أحسن ايدي وجعتني وابئوا اطمنوا عليا ؟؟؟؟؟؟؟
اللهم ولي علينا من يصلح ...... وأصلح مت وليته علينا

اللهم آمين ..

وعلى فكرة اوروبا وامريكا الان تريد ان تجعل من انفسها دول خالية من الصناعات الملوثة للبيئة بس الصناعات دي مهمة علشان كدة لازم يكون فيه بديل واحنا اتبرعنا نموت بدلهم
بس تبرع بعوض الحكومة مفوضة تقبض بالنيابة
وسلملي على البيئة

على فكرة الحكومة دي حفنة من الأشخاص ينوبوا عن الشعب في إدارة موارد و أملاك الشعب يعني الحكومة دي شغالة عندنا على رأي هاني رو\مزي في فيلم عايز حقي ..

هو سؤال محرج شويه يا جماعه

أنا قاعد متابع الموضوع ده من بدايته ومستني شخص واحد يكتب عن المصنع ده أو نشاطه او أيه هو المشروع اللي إنتم بتتكلموا عنه..

إنتم قاعدين تكتبوا إنه مؤثر على الصحة والأقتصاد و و و.. بي مافيش حد قال أي ماحوظة عن نشاط المصنع ده

معليشي بقى ..:o