الموضوع: بشرى لأهالي دمياط .. المصنع هيتنقل للسويس

المشكلة انه على راي المثل جه يكحلها عاماها

المشكلة ان المصنع ده وجوده في مصر اصلا شئ غلط
العالم بره بيرفض المصانع دي
بدليل انه كندي ويصجر لكندا ومع ذلك بيكلفوا نفسهم انهم يخرجوها وينقلوا ويصرفوا علشان ميبيقاش عندهم

حاجه قرف منه لله
يارب انتقم منه والله

عميد كلية العلوم بالمنصورة قال ان المصانع دي في القائمة السوداء للمصانع الملوثة للبيئة حتى لو عملو ايه في اخراجاتها

ربنا ينتقم من الظلمة

يعني هيا اتحلت في دمياط وهتروح السويس مش هضر هناك يعني
ما هيا هياها

المشاركة الأصلية كتبت بواسطة أبو عبدالله

المشكلة انه على راي المثل جه يكحلها عاماها

المشكلة ان المصنع ده وجوده في مصر اصلا شئ غلط
العالم بره بيرفض المصانع دي
بدليل انه كندي ويصجر لكندا ومع ذلك بيكلفوا نفسهم انهم يخرجوها وينقلوا ويصرفوا علشان ميبيقاش عندهم

حاجه قرف منه لله
يارب انتقم منه والله

عميد كلية العلوم بالمنصورة قال ان المصانع دي في القائمة السوداء للمصانع الملوثة للبيئة حتى لو عملو ايه في اخراجاتها

ربنا ينتقم من الظلمة

يعني هيا اتحلت في دمياط وهتروح السويس مش هضر هناك يعني
ما هيا هياها

أنا معاك يا أبو عبد الله بس أهي تعتبر خطوة في بداية طريق رفض المصنع في مصر ..
و سمعت في التليفزيون أن المصنع دة حدث في مشكلة و تسرب في الولايات المتحدة في 2004 و عمل تلوث هناك ..
دة غير أن المصنع دة بيعد 7 مصنع على العالم من أكثر المصانع الملوثة للبيئة ..
و بعدين أنا بستغرب أصلاَ هي الناس دي لما تلاقي صناعات ملوثة للبيئة و مضرة بصحة الإنسان و بتتمنع عندهم الصناعات تاملوثة دي ييجوا عندا ليه ويعملوها مش إحنا بشر برضه زيهم و لا إحنا جماد .. ؟! ..و بعدين الناس اللي عندنا هنا ليه أصلاَ بتشتغل في الصناعات دي زي الأسمنت مثلاَ و صناعات السماد .. ليه الناس عندنا لسة بتشتغل فيها و لا هو كتر فلوس و خلاص .. ؟!

المشاركة الأصلية كتبت بواسطة dr_3eshoo

يا جماعه الدمايطه مش زعلانين ان المصنع عندنا الزعل انه يبقى موجود اصلا في مصر
احنا مش عاوزينه اساسا في مصر مش في دمياط بس
و بعدين الي هيضر السوايسه هيضر الدمايطه لوجود العلاقه الوثيقه ما بينهم <تجاره و صيد و خلافه>
يبقى ازاي افرح بالعكس انا المفروض اكمل زعل
و بعدين حضرتك الشغل في المصنع لسه شغال في راس البر على الطريق موقفين عربيات امن مركزي و الكلام انه اتوقف بس الحقيقه انهم لسه شغالين فيه لان راس البر و السينانيه سمعم اصوات العمل في المصنع ليلا
كمان هما لسه جايبين معدات تكلفه النقل لوحدها بملاين الدلوارات مش ملاين الجنيهات
و انا شفت العربيه الوري الي ناقله المكن دي العربيه الي نقلت رمسيس من مكانه علشان تلف في طريق مصر اسمعليه و قفت الطريق نص ساعه بس
الخيارات الموجوده امام الحكومه حاليا
اما المصنع يتعمل و يبقى الموضوع ده غصب عن اراده الشعب
او دفع التعويضات او تتطير رقبه الي وقع
حاجه نسيت اقلها ليه اختاروا دمياط
لانها المحافظه الوحيده الي بتطل على النيل و البحر لان المصنع ده بيحتاج ميه عزبه للتصنيع و بحر للتصريف
ادعوا ان ربنا يرفع عننا الوباء ده و باء يا خونا والله

يا نهار مش فايت يعني الحكومة بتلبسنا العمة ..
بصراحة مفبش إلا حل من 2
يا إما الدمايطة يتعاونوا مع بعض و يترفع قضية على الشركة و الحكومة لوقف المشروع نهائياَ
يا إما بقى معلش الحل اللي فيه خراب الدمايطة و أنا معاكم يطلعوا و يكسروا اللي اتيبنى و يكسروا العدد و العربيات
لأن بجد دة مش هزار الحكاية دي بتمس صحة المصريين و تغور الفلوس مقابل الصحة
حسبي الله و نعم الوكيل ..

المشاركة الأصلية كتبت بواسطة MTAK

المصنع هايتعمل يعنى هايتعمل

فى دمياط او السويس او حتى قدام باب بيتك

المهم انه يتعمل

امال احنا دولة جاذبة للاستثمارات ازاى و ازاى نشغل البطلانين

اهو يشتغلوا شويه لحد ما يجيبوا مصاريف خروجهم

و على فكرة فى امثلة كتيرة اوى لمصانع العالم الان يصدرها لنا و موجودة فى كل مصر

برج العرب-العين السخنة و و و و و و و
و عجبى

هما بيعملوا كدة على أساس أن إحنا - معلش في اللفظ - حظيرة أبوهم - أرجو إنك تكون فهمت أنا قصدي إيه .. ؟! - ..يعني هما يعيشوا و يبنوا و ينبسطوا على الآخر و إحنا نموت من التلوث ..

المشاركة الأصلية كتبت بواسطة CAMARO

بشرى لأهالي دمياط .. مشروع المصنع الكندي سيتم نقله إلى السويس ..
و الكلام دة من جريدة المصري اليوم و مكتوب أيضاَ حاجات غريبة من ضمنها إن السفير الكندي في القاهرة بعت رسالة تهديد لوزير البترول سامح فهمي بس السيد الوزير نفى الكلام دة تماماَ ..
دة غير إن مكتوب إن فيه قيادة سياسيه سيادية مرموقة قبضت رشوة قيمتها 25 مليون دولار أمريكي للموافقة على إعطاء التصاريح اللازمة لإنشاء المصنع ..
و الله أنا فرحت بالأخبار دي مع أني مش دمياطي بس علشان بحبح البلد دي أوي .. و أرجو أن يكون الخبر دة صحيح مش أي كلام في الهواء و يتنفذ بالفعل ..
:):)

طب وهي السويس دي مش في مصر
ولا انت تقصد علشان ناسها استحملو الحروب هيستحملو اللي جاي
ربنا يعافينا ويصلح اولي الامر

المشاركة الأصلية كتبت بواسطة nasr-eldeen

طب وهي السويس دي مش في مصر
ولا انت تقصد علشان ناسها استحملو الحروب هيستحملو اللي جاي
ربنا يعافينا ويصلح اولي الامر

لأ أنا قصدي أنهم طالما هينقلوا المصنع للسويس يبقى هيتنقل لمنطقة صحراوية و يمدوا له المياه بأي شكل من الأشكال ..
و بعدين أنا حاسس أن طالما هما فكروا ينقلوا المصنع يبقى إن شاء الله التفكير في الخطوة اللي جاية على إخراج المصنع برة مصر كلها بس للأسف دكتور 3ESHO زعلني لما قال إن المصنع عمليات البناء فيه لسة مستمرة ..
ربنا يزيح عنا الغمة دي إن شاء الله ..