محتار بين تويوتا يارس فل ابشن اتوماتيك و هيونداي النترا اتوماتك

**hazoma** · 01-05-2008 01:36 AM

انا عاوز اجيب عربيه بس محتار بين تويوتا يارس فل ابشن اتوماتك وبين هيونداي النترا اتوماتك مع العلم ان السياراتين تقريبا بنفس السعر فاليارس 102000 اما الالنتر 104000 ارجو الافاده من فضلكم مع العلم ان كثير من الناس قالوا لي ان التويوتا افضل لانها ياباني وارجو العلم ايضا اني جديد جدا في السواقه ..............وشكرا جزيلا لمجهودكم

**أبو عبدالله** · 01-05-2008 01:46 AM

الياريس 1300 سي سي
اما الألنترا 1600 سي سي

في فرق في الفئة
وفي استهلاك البنزين

فياريت تقول احتياجاتك بالظبط

**hazoma** · 01-05-2008 02:07 AM

انا مش عارف والله اصلي جديد في عالم السواقه وكنت عاوز حد ينصحني ايهما افضل بس انا ميال للالنترا بس خايف من توكيل غبور وشكرا لاستجابتك السريعه سيدي الفاضل

**hazem_khidr** · 01-05-2008 04:00 AM

لو اسرتك كبيره و محتاج عربيه كبيره و ناوي تغيرها بعد خمس سنين يبقي الالنترا .
اما لو عاوز عربيه اقتصاديه و تستحمل اسره من 4 افراد بكامل احتياجتهم يبقي الياريس.
.......................................
رايي الشخصي الياريس حلوه اينعم اسعارها غاليه و مبالغ فيها بس تويوتا و ياباني 100% و محتفظه بسعرها و توكيلها محترم .

**Chicco** · 01-05-2008 04:09 AM

لو على الاسم ألانترا أحسن هيونداي بس تويوتا لا يعلى عليها .....لو عايزها للاستخدام داخل المدينة و ما بتسافرش كتير يبقى الاختيار محسوم لياريس لو عايز عربية ١٦٠٠ cc و تستحمل سقطات غبور ألالانترا كويسة.....
عن نفسي أفضل ياريس

**Mzeid** · 01-05-2008 04:14 AM

خليك في الياريس أحسن ..
:):)

**bassam nagy** · 01-05-2008 10:37 AM

زى ماقال حازم
لو هاتتحرك جوة البلد كتيير يبقى ياريس اقتصادية موتورها 1300 سى سى
لو بتسافر كتتير وبتبقى العربية محملة يبقى الانترا
وانا افضل الانترا عن الياريس

**hazoma** · 01-05-2008 01:11 PM

شكرا لكم اصدقائي الاعزاء علي استجابتكم لي فالنا لست خبير في مجال القياده ده حتي انا العربيه الي كنت هجيبها دي كنت هتعلم عليها السواقه وانا نفسي في احسن عربيه من جميع الكماليات وجمال العربيه وشياكتها فمش عارف يارس ولا النترا عشان مش عارف الفرق بين 1300 و1600 انا كل الي اعرفه كماليات العربيه بس انا عارز عربيه تكون حلوه وتستحمل يعني اشتريها وانساها ............وشكرا

**hazem_khidr** · 01-05-2008 01:26 PM

يبقي كده الياريس هيا افضل شئ بالنسبه لك .

**megane_man** · 01-05-2008 01:36 PM

المشاركة الأصلية كتبت بواسطة hazoma

شكرا لكم اصدقائي الاعزاء علي استجابتكم لي فالنا لست خبير في مجال القياده ده حتي انا العربيه الي كنت هجيبها دي كنت هتعلم عليها السواقه وانا نفسي في احسن عربيه من جميع الكماليات وجمال العربيه وشياكتها فمش عارف يارس ولا النترا عشان مش عارف الفرق بين 1300 و1600 انا كل الي اعرفه كماليات العربيه بس انا عارز عربيه تكون حلوه وتستحمل يعني اشتريها وانساها ............وشكرا

حرام انك تتعلم السواقة علي عربية زيرو شوف عربية مستعملة أفضل وتكون أستعمال خفيف