هو النوكيا c6 تعبان مع كله ولا معايا انا بس ؟؟

سلام عليكم
معايا موبيل نوكيا سى 6 شاريه من 3 شهور بالظبط زيرو ضمان i2
وبصراحه مش عارف ايه ده
الموبيل من اول يوم جيبته
بيهنج كتييير
وتحس انه عيل صغير و بيتعلم ..بيغلط ..ايوه بيغلط ..ولو عملت كذا حاجه الاقى الموبيل اتلخبط و يهنج ..يرستر ..كده يعنى
الموبيل تقفيله وحش جدااااا
زرار اللوك من اول يووووم بيلعب فى مكانه
الزرار الى بيعلى و يوطى الصوت تحس ان فيه بوش !!
والموبيل و انا قافل السلايد واكتب عليه الاقيه بيتقلقل !!
حصل من اسبوعين كده انى جيبت اخرى من الموبيل
وكمان كان بيدخل نت لوحده !! و السماعه بتزن !!!!!!!!!
روحت التوكيل غيرولى الموبيل خاالص ..البورده بالزراير بالشاشه بكل حاجه
ولكن
نفس العيوب ونفس الغباء
هو الموبيل ده تعبان معايا انا بس ؟؟
طيب هو نوكيا مستواها بقى تحت اوى كده
؟؟
يا ريت الخبراء يساعدونى لانى ناوى اخللع من نوكيا للابد ..وابدا اتعود على ماركه تانيه

بصراحه التوكيا بقى زباله اوى

ونظامه بقى غبى اوى

الموبيلات ال htc بتعمل عدد مش ممكن فى التقفيل والخامات

استنى رأى الناس يفيدوك

انا عن نفس عملت زيك وخاعت من النوكيا بعد تالت تجربة ليا معا النوكيا بعد كدا قرفت من النوكيا قولت كفاية كدا انا كنت عيشري اوي معاهم
الاول 6630
وبعدين N76
واخيرا N97 mini
وده بقا اللي خلاني جبت اخري من النوكيا مكنش فيه عيوب تقفيل زي عند حضرتك كدا لكن السوفت وير بتاعو زبالة وعلى قدو اوي لو قارنتو بـ اي سوفت وير تاني من اي ماركة في نفس الفئة السعرية
حضرتك ممكن تجرب الاندرويد تحفة فعلا رائع ومش هتندم ومتقلقش من موضوع التعود ده عااااادي جدا سهل ومش مستاهل
انا دلوقت معايا سوني اريكسون X 10 و سامسونج WAVEبصراحة احسن من النوكيا كتير

انا معايا الموبايل من حوالى 6 شهور شغال معايا تمام و مش بشتكى من اى حاجة من اللى حضرتك قلتها و تقفيله كويس و مفيش منه اى مشكلة و الكى بورد ممتازة و عملية بس انا مجبتوش من مصر انا اشتريته من دبى عن طريق صديق .

android

بص يا خالود لو انت بتشتغل كتير وبتتحرك كتير ومش عاوز موبايل تتش وكده ... خليك فى البلاك بيرى .. الموبايل ده تحفة بصراحة ومش لازم تشترك فى bbm لو غالى عليك ... انا بعد ما خدت على البلاك بيرى استحالة ارجع نوكيا تانى

لو بقى عاوز تتش وكده خليك فى الاندرويد نظام واعد وليه برامج كتير

اقتباس:

---

المشاركة الأصلية كتبت بواسطة ahmed_nubira

بصراحه التوكيا بقى زباله اوى

ونظامه بقى غبى اوى

الموبيلات ال htc بتعمل عدد مش ممكن فى التقفيل والخامات

استنى رأى الناس يفيدوك

---

فعلا ..الخطوه الجايه هتبقى htc بلا قرف:untitled 1:

اقتباس:

---

المشاركة الأصلية كتبت بواسطة islam.3bada

انا عن نفس عملت زيك وخاعت من النوكيا بعد تالت تجربة ليا معا النوكيا بعد كدا قرفت من النوكيا قولت كفاية كدا انا كنت عيشري اوي معاهم
الاول 6630
وبعدين N76
واخيرا N97 mini
وده بقا اللي خلاني جبت اخري من النوكيا مكنش فيه عيوب تقفيل زي عند حضرتك كدا لكن السوفت وير بتاعو زبالة وعلى قدو اوي لو قارنتو بـ اي سوفت وير تاني من اي ماركة في نفس الفئة السعرية
حضرتك ممكن تجرب الاندرويد تحفة فعلا رائع ومش هتندم ومتقلقش من موضوع التعود ده عااااادي جدا سهل ومش مستاهل
انا دلوقت معايا سوني اريكسون X 10 و سامسونج WAVEبصراحة احسن من النوكيا كتير

---

منا عندى نفس السوفت وير بتاعك ..حاجه ظلللللللللللللم بجددددددددددددددددد
انا جربت السونى و السامسونج زمان مرتحتش ..بس الوضع اختلف الايام دى

اقتباس:

---

المشاركة الأصلية كتبت بواسطة M.Yahia

انا معايا الموبايل من حوالى 6 شهور شغال معايا تمام و مش بشتكى من اى حاجة من اللى حضرتك قلتها و تقفيله كويس و مفيش منه اى مشكلة و الكى بورد ممتازة و عملية بس انا مجبتوش من مصر انا اشتريته من دبى عن طريق صديق .

---

الكيبورد عمليه اه ..انا فاتحتها ليل نهار ..بس اوقات بقى افتح السلايد ..ولا اكنى عملت حاجه !! الكيبورد متشتغلش لازم اقفل الموبيل و اشغله تانى ..

اقتباس:

---

المشاركة الأصلية كتبت بواسطة JapRuleZ

android

---

:grin54:الخطوه الجايه

اقتباس:

---

المشاركة الأصلية كتبت بواسطة Mr_7oda

بص يا خالود لو انت بتشتغل كتير وبتتحرك كتير ومش عاوز موبايل تتش وكده ... خليك فى البلاك بيرى .. الموبايل ده تحفة بصراحة ومش لازم تشترك فى bbm لو غالى عليك ... انا بعد ما خدت على البلاك بيرى استحالة ارجع نوكيا تانى

لو بقى عاوز تتش وكده خليك فى الاندرويد نظام واعد وليه برامج كتير

---

للاسف يا حوده
انا بستخدم النت بتاع الموبايل طووووووول اليوم
مش فارق معايا تتش من تايب ...المهم لو تتش ميكونش بيعتمد على نظام "الفحت" بتاع نوكيا:untitled 1:
ان شاء الله هنقل للاندرويد

متجرب تفرمتة وتنزل سوفت وير جديد

جربت فورمات
جربت الكود الى انت قلتلى عليه
جربت انزل سوفت من الاوفى
جربت انزل سوفت فى التوكيل
جربت موبيل جديد :) التوكيل غيرلى الموبيل ..حتى السريال بتاع الموبيل بقى غير الى على العلبه وخدت ورقه مختومه منهم ان الموبيل تم استبداله بالكامل فى الضمان
و زى ما بيقولو ,,ديل الكلب
نفس التهنيج
نفس الاخطاء
نفس الغباء
انا حاسس انى رميت الفلوس فى الشارع

سبحان الله .. الان8 عندى عمرة ماعمل ريستارت واحد !!

بيعة بضمانة ياخالد وكسب فى فلوس بدل مايقدم وتخسر فية ...

منا كده كده هخسر ..
ومش وقته بصراحه
انا هخليه بقى بس هخليه يشوف ايام مشافهاش فى الصومال :)
والتغييره الجايه هتبقى اى حاجه غير النوكيا
بس فعلا مستوى الشركه دى قل اوووووى لو التليفونات بقى بالمنظر ده

اصبر وهات الجلاكسى 1 او 2 حاجة تانية

دا مش زمن نوكيا وفى اقرب فرصه غيره وهات ماركه تانيه وياريت حاجه اندرويد

اقتباس:

---

المشاركة الأصلية كتبت بواسطة khaled ayman

منا كده كده هخسر ..
ومش وقته بصراحه
انا هخليه بقى بس هخليه يشوف ايام مشافهاش فى الصومال :)
والتغييره الجايه هتبقى اى حاجه غير النوكيا
بس فعلا مستوى الشركه دى قل اوووووى لو التليفونات بقى بالمنظر ده

---

الكى بورد شغال زى الفل و الجهاز عمره مهنج معايا غير مرة واحدة لما و قع على السيراميك و عملتله ريستارت و اشتغل تمام التمام حاول تبيعه و تغير لان المهم فى اى حاجة الارتياح النفسى و انت لو قفلت منه حتكره اى حاجة نوكيا غير احسن يا باشا و متستناش الجهاز دلوقتى سعره كويس .

اقتباس:

---

المشاركة الأصلية كتبت بواسطة ashouhdy

اصبر وهات الجلاكسى 1 او 2 حاجة تانية

---

وقتها بقى ابقى احدد :grin54:

اقتباس:

---

المشاركة الأصلية كتبت بواسطة medo_2060

دا مش زمن نوكيا وفى اقرب فرصه غيره وهات ماركه تانيه وياريت حاجه اندرويد

---

فعلا ..زمن النوكيا انتهى خلاص ..ان شاء الله المره الجايه هتكون اندرويد

اقتباس:

---

المشاركة الأصلية كتبت بواسطة M.Yahia

الكى بورد شغال زى الفل و الجهاز عمره مهنج معايا غير مرة واحدة لما و قع على السيراميك و عملتله ريستارت و اشتغل تمام التمام حاول تبيعه و تغير لان المهم فى اى حاجة الارتياح النفسى و انت لو قفلت منه حتكره اى حاجة نوكيا غير احسن يا باشا و متستناش الجهاز دلوقتى سعره كويس .

---

طيب استخدام حضرتك للجهاز ازاى ؟
انا مثلا بتكلم كتير جدا ..ببعت رسايل ..بشغل اغانى ..فاتح نت ...مشغل الياهو ميل ..واوقات كتييييييير يهنج ..
الكيبورد شغال معايا مش فيه مشكله ..بس اوقات افتحه ميشتغلش ..
وبصراحه تغيير الموبيل دلوقت صعب ..لكن فى اقرب فرصه ان شاء الله هخلع منه

خالد
اول ما تخلص شغل على برنامج اعمل له exit

هو معايا بقاله شهرين
بس تهنيج قليل
كلامى كتير لكن مش بفتح برامج وتطبيقات عليه كتير