الموضوع: توضيح للفرق بين ال8 صباب وال 16 صباب في أستهلاك البنزين

الموتور ال8 صباب استهلاكه اعلي من ال16 لنفس الموتور
يعني لو بنتكلم عن موتور اللوجان يبقي ال16 استهلاكه اقل ولكن ماينفعش نقارنه بموتور عربية تانية لأختلاف التكنولوجيا
وده لينك فيه شرح الفكرة
Multi-valve - Wikipedia, the free encyclopedia
Adding more valves improves the flow of intake and exhaust gases, potentially improving combustion efficiency, power, and performance
وده التاني
Answers.com - What is the purpose of a car valves and what is th e_difference_between_a_12_valve_and_a_16_valve_eng ine

By increasing the # of valves you get the below features. a) better combustion chamber shape, resulting in better combustion, resulting in better power and fuel economy


الحكاية وما فيها اننا بنقلل الفقد في حالة الضغط
احنا بزيادة الصمامات مش بنزود كمية البنزين والهوا اللي داخله ( بيكون الفقد أقل واحتراق مثالي وكمية الوقود اللي محتاجها عشان تولد نفس البور هتقل )
والمثال اللي في اللينك التاني بيوضح الحكاية زي التنفس
اعتبر الرئتين هي الموتور وسد فتحة من فتحات المناخير وشم
هتلاقي انك محتاج قوة اكبر وضغط اكبر جوة وفي الأخر بتتعب انما في حالة انك بتتنفس بالفتحتين بيبقي الهوا اللي داخل بدون تعب ويمكن الأستفادة منه أكتر وبقوة اقل
نفس الحكاية في الموتور عايزين ندخله نفسه من غير مانتعبه عشان يطلعلنا قدرة اكبر

طيب
ال8 صباب علي 4 سلندر يعني عندك صمامين علي كل سلندر
ناخد سلندر منهم كمثال ( في العربيات ال1600 بيبقي السلندر الواحد 0.4 لتر
لوفرضنا ان الشحنة اللي داخلة من الصمام مثلا 0.30 لتر
يبقي السلندر ماتملاش وهيبقي في هدر في الطاقة لأن البستم لو لقي الكمية قليلة مش هيقلل اشواط حركته لأ هو مالوش دعوة
وبكدة الأستهلاك بتاعها مش بيخرج القدرة للمكنة
طيب جبنا ال16 صباب
هيبقي علي السلندر 4 صمامات 2 عادم و2 شحنة
كمية الشحنة اللي داخله هتبقي مثلا 0.38 وبكدة قربنا نملا السلندر في كل شحنة والمكنة هتخرج قوة اكبر ببنزين اقل
وده لأننا قللنا الفقد في كل مرحلة عند الضغط
وبكدة المكنة هتستريح والبنزين الداخل هيتحرق كله ونستفيد من حجم السلندر ( الكفائة الحجمية للمحرك )

طاب ليه معملناش صمام واحد كبير بدل الأتنين بتوع الشحنة
الأجابة
1 هتبقي مساحة الصمام كبيرة وهيبقي في تدفق كبير للشحنة ساعة مايتفتح الصمام
2 هيكون كل صمام لوحده اخف من الصمام الواحد الكبير وبذلك هيبقي اسرع في عمليات الفتح والقفل
3 ال inertia للصمام علي سرعات كبيرة هتسبب ضربات قوية جدا شبيهه بالتسقيف
دول اهم حاجة تخلينا منعملش صمامات كبيرة
هتلاقي كلام اكتر في اللينكين دول
Valves. 4 valves per cylinder, 16 valves, 8 valves???
4 valves per cylinder vs. 2 valves per cylinder, which is better for family cars? - Yahoo! Answers
بالنسبة لجزء ان الاسطوانه بتخشلها كمية شحنة اقل من حجمها فده ليه مسمي وهو الكفائة الحجمية للمحرك
اغلب المحركات مش بتتملي فيها السلندرات بالشحنة وبنقدر نزود الشحنة عن طريق ال turbo charger والفلاتر الرياضية عشان نوصل لأعلي كمية من الشحنة يمكن حرقها في السلندر فتزيد القدرة


دلوقتي حكاية لما بنزود عدد الصمامات يبقي بنقلل الفقد وبنزود الكفائة الحجمية وبذلك بنخرج قوة اكبر
طاب ناخدها مثلا
هنقول ان معانا كمية بنزين معينة
لو في الموتور ال8 صباب عايزه يخرجلك عزم معين
احنا متفقين ان الكفائة الحجمية لل8 صباب قليلة وليكن 70%
يبقي في كل مرة في الحرق الحجم المستغل 70% يعني القدرة الخارجة هي 70% من قدرة المكنة وعشان نزود العزم بنزود عدد لفات الموتور عشان نحرق اسرع ونخرج عزم اكبر وبكده عشان نخرج العزم اللي عايزينه بنزود عدد الفات وبيزيد الأستهلاك
طاب نيجي للموتور ال16
نقول مثلا الكفائة الحجمية 90 %
بكدة نظريا الاستهلاك زاد ولكن انت خرجت القوة علي عدد لفات اقل لأن الموتور كفائته الحالية90%
وبكدة انت علي عدد لفات اقل بتقدر تخرج العزم اللي بتخرجة في الموتور ال 8 علي عدد لفات اكبر
كل ما زادت عدد اللفات كل ما زاد الأستهلاك والعكس صحيح
وبكدة ال16 اوفر في الأستهلاك
مثال بسيط :
الفيات لينيا 1400 بتخرج 205 نيوتن .متر علي 1750 لفة وبكدة السبب في كدة هو استغلال حجم المحرك كاملا عن طريق التربو عشان كدة لو عايز تنقل علي 2000 rpm يبقي كدة استهلاك العربية تمام وتسارع تمام

مواضيعك هايله قوى يا معلم