غدا الليلة الكبير ياعمي والعالم كتيرة لمولد السيدة زينب..احذر فالميدان من المتوقع أن يكون مغلقا تماما وبالتالي كل الشوراع المؤدية إليه من المتوقع ان تكون زحمة يادنيا زحمة..فعلا مولد وصاحبه غائب
عرض للطباعة
غدا الليلة الكبير ياعمي والعالم كتيرة لمولد السيدة زينب..احذر فالميدان من المتوقع أن يكون مغلقا تماما وبالتالي كل الشوراع المؤدية إليه من المتوقع ان تكون زحمة يادنيا زحمة..فعلا مولد وصاحبه غائب
يعني فعلا بكرة الليلة الكبيرة ، أصلي كنت ببحث من كام يوم وكان الموضوع مشعشع فى دماغي ونفسي أروح (من باب العلم بالشيئ)
مدد يا عقيلة بني هاشم يا اخت الشهيدين.
والله دا بكرة هيبقى يوم خرافي و جميل .وفعلا محدش يقرب من هناك بعربيته لان الدنيا زحمة جداً. يعني المبتديان و القصر العيني وكل دا كمان هيكون زحمة جداً.
والله يا فندم من كام يوم كنت هناك و خدت تقريبا ساعه الا ربع عشان ادخل شارع بورسعيد
الناس واخده الشارع كله و مفيش الا حاره واحده الي ماشيه ف اول الشارع لحد القسم الي اتحرق
طبعا الوضع دا كان يوم الاربع و يوم الخميس و بكرا اكيد هتبقى اصعب بكتير
لا ماحدش يجى خالص بعربية
و ياريت لو حد هايروح مشى مايلبس جلبية خاااالص
دة الميدان مهزلة
مفيش ضابط ولا رابط
يمكن السنين اللي فاتت كانت الشرطة ربنا يهديها محجماهم ومحددة اقامتهم والموضوع كان بيبقى ملموم شوية
السنة دي ولا ضابط ولا رابط ما تعرفشي تمشي على رجليك مش بالعربية
دة غير التكسير بتاع الغاز في الارض اصلا مخلي المرور متعطل
ويوم الاربعاء بأة لما ييجوا مروحين مهزلة تانية
اللي عنده شكل في الميدان وما هو قريب منه يا ما يروحش يا يعمل حسابه انه هيتأخر