عملت شغل بسيط فى التكييف .. بس فرق معايا
سلام عليكم
كان عندي مشكلة ف تكييف عربيتي النوبيرا
وهي انى اما بشغل التكييف ع سرعه عاليه 3 او 4 ف الحر المروحه بتاعت التكييف بتزن من جوا
المهم قولت اروح لكهربائي انا عارفه كويس جدا ف الفك والتركيب عشان مش يبوظ حاجه
فكلي درج الطابولة و الفيبره الجانبية و الفيبرة الى تحت خالص و الفيبرة بتاعت القايم الى قدام
ولقينا المروحه فكيناها لقينا فيها بتاع 7 ورقات شجر
نظفنا المروحه كويس بسبراي wd 40
وخدت العربيه طلعت ع مغسلة غسلت الحته ديه كلها بالهواء فقط عشان كانت مردومه تراب ونشفنا المروحه وغسلنا الفيبر وركبنا تاني
والنتيجة بسم الله ما شاء الله .. التكييف اتحسن جدا وصوت المروحه بقا كويس جدا مش زي الاول خالص .. وبقيت اشغل ع 3 او 4 عادي
وفى عز الحر وواقف ف زحمه وضارب ف وشي شمس بشغل التكييف ع 3 وببقا عاوز اوطية ( انا من النوع الى بحب ابقا مثلج)
سألت الكهربائي افك الثلاجة الى تحت الطابوله وانظفها قلي لا التكييف كدا كويس جدا ومش مستاهله فك وتركيب
وانا كنت مزوده فريون من فتره وغيرت مروحه التكييف الى ف الكبوت قدام عشان كانت مش شغاله
الصنايعي خد 30 جنية .. هو فكلي كمان الدركسون بالفيبر عشان كان عندي هزه في الدركسيون .. طلع بلي القطمه هروحله ف يوم تاني نفور القطمه ونظبطها
المهم ايه رأيكم ؟