البرادعى ام العوا ام ابو اسماعيل ام ابو الفتوح .. اختار مين؟؟؟

**Nor_Eldeen** · 28-06-2011 03:30 PM

ممكن سؤال لأنصار البرادعى
بعد كل ما رايناه من فيديوهات عن البرادعى و التقارير التى تدينه فى احتلال العراق بسبب ميوعة موقفه و عدم ثباته على كلام محدد
و عندما نزل مصر اندمج مع الاخوان على امل ان يفتحوا له شعبية فى الشارع المصرى و بعد ان غضب منه التيار العلمانى و اللبرالى بسبب تقربه من الاخوان فترك الاخوان و اندمج مع التيارات اللبرالية لأرضائهم و السير على نهجهم فى المطالبة بالدستور اولا و عدم احترام الاغلابية و الديمقراطية التى تمت
فما الذى يدفع انصار البرادعى لمناصرته بعد ذلك؟؟؟

**AmAhmed** · 28-06-2011 03:36 PM

مؤيد للاستاذ حازم ابو اسماعيل
لكن لو فاز احد الاسماء المطروحة في هذا الاستفتاء حكون سعيد و احسبهم جميعا يريدون الخير لعامة الشعب

الخوف كله ان المنصب بشكل ما يروح لشخص غير متوقع و غير مقبول مننا كلنا

**ahmed2y** · 28-06-2011 05:05 PM

ارشح البرادعى ان شاء الله

**ahmed2y** · 28-06-2011 05:23 PM

المشاركة الأصلية كتبت بواسطة nor_eldeen

ممكن سؤال لأنصار البرادعى
بعد كل ما رايناه من فيديوهات عن البرادعى و التقارير التى تدينه فى احتلال العراق بسبب ميوعة موقفه و عدم ثباته على كلام محدد
و عندما نزل مصر اندمج مع الاخوان على امل ان يفتحوا له شعبية فى الشارع المصرى و بعد ان غضب منه التيار العلمانى و اللبرالى بسبب تقربه من الاخوان فترك الاخوان و اندمج مع التيارات اللبرالية لأرضائهم و السير على نهجهم فى المطالبة بالدستور اولا و عدم احترام الاغلابية و الديمقراطية التى تمت
فما الذى يدفع انصار البرادعى لمناصرته بعد ذلك؟؟؟

لا شوف انا عاوز اقولك على حاجة

اولا : انا بطلب منك فعلا انك انت الى تتفرج فعلا على الفديوهات دى كويس وتتاكد بنفسك ومتاخودش بعنوان الفديو لا انت اسمع وحلل وترجم لو مش عربى واعرف بنفسك

ثانيا : لو البرادعى دون عن روءساء العالم كلهم روءساء الدول العربية والدول الاوربية والاسيوية والامريكية الشمالية منها والجنوبية هو المسئول عن ما حدث فى العراق

مسئول عن رعونة و وجهل صدام

مسئول عن القواعد الحربية الامريكية الى فى الخليج العربى كلها

الراجل راح وقال يا جماعة مفيش حاجة فى العراق وعمل تقرير بالزيارة وامريكا ضربت بردة هيعمل اية هو يعنى يحرك اسطول بحرى وجوى يعمل جيش مثلا ويروح يصد الحرب

اما موضوع انضمامة للاخوان دى او مرة اسمعها او يمكن حصلت وانا معرفهاش سامحنى

واظن الاخوان جماعة محترمة لا يعيب احد ان ينضم ليها

واظن الاخوان بردو جماعة محترمة وليها كل تقدير ولا يعيبها ولا يعيب اى شحص اخر ان يخرج منها او الاخوان نفسهم يخرجوة منها ودة حصل مع الدكتور عبد المنعم ابو الفتوح

وموضوع ليبرالى وعلمانى دة اظنة شبعنا فية كلام كتير قوى وبالمعنى المتداول يبقى اى حد مش تيار اسلامى يبقى لبرالى وعلمانى .................... امال عمرو موسى يعتبر اية

ولا المستشار البسطويسى يعتبر اية

سلام عاليكو

**fepsceasar** · 28-06-2011 06:22 PM

فيديوهات ايه اللى بتدين البرادعى شوف اخر تقرير قاله فى مجلس الامن وكان فى كتفه كولن باول
وقال بالفم المليان العراق مافيهوش اسلحة دمار شامل وحرم امريكا من استخدام مجلس الامن

**gebreel** · 28-06-2011 06:35 PM

حتى الان البرادعي شايفوا الوحيد اللي عندو رؤية مستقبلية و خطة عمل لتقويم البلد

**aminibrahim** · 28-06-2011 06:50 PM

ولا واحد من المرشحن عنده شكل الرئيس

كاريزما يعني ---- لسه بدري

**Amgad64** · 28-06-2011 06:53 PM

المشاركة الأصلية كتبت بواسطة dreslam

حتى الان مازلت لا ارى مرشحا اجدر من البرادعي لاداره البلاد داخليا و"خارجيا" باسلوب علمي ممنهج وقدره سياسيه حقيقيه واقعيه لذلك مازال مرشحي الاول للرئاسه ان شاء الله

+1111111111111111111111111111111111111111111111111 111111111111111

**Ahmed Anwer** · 28-06-2011 07:04 PM

الصراحة د / محمد سليم العوا ، بيعجبني أرائه و نظرته للأمور جدا ،

و مش بتكلم هنا من نظرة سطحية و مجرد شعارات و لغة تجذب الناس و خلاص

لكن كلامه يدل إنه راجل ديمقراطي فعلا و شخصية قوية

واحد بيقول أنا أؤيد النظام النصف رئاسي يعني واحد مرشح للرئاسة و عايز يقلص صلاحيات الرئيس

واحد بيقول نبتدي الديمقراطية و نعمل انتخابات و لو اخطأنا الإختيار نغيره كمان اربع سنين

واحد عايز يعمل مجالس نيابية قوية مش باصصلها إنها انتقاص من صلاحيته

غير كلامه في الإقتصاد منطقي جدا و عجبني جدا نقطة نحارب فقر الفقراء مش نحارب الأغنياء

و الإهتمام بالمشروعات الصغيرة و المتوسطة بتخطيط

أساسا بغض النظر عن العنواين فوق كل مرشح لو خدت كلام د / العوا و سمعته لواحد ليبرالي متفتح

مش هيجد نقطة واحدى ياخدها عليه و في نفس الوقت السذج اللي بيحبوا اليفط و الشعارات هيريحهم

د / عبد المنعم أبو الفتوح نفس النظام تقريبا رغم إني مسمعتهوش خالص بس سمعت عنه

لدرجة إني قريت إنه عمل اجتماع مع خمسين مثقف قبطي

خرجوا كلهم قالوا مقالشي و لا كلمة نأخذها عليه و كلامه منطقي و مرتب جدا و مريح جدا لنا

(( بس برده قالوا قلقانين خايفين من الإلتزام بالأفكار اللي طرحها ))

و حتي د/ أبوالفتوح ليه شعبية أكثر بين المثقفين و الثوار علي أساس تاريخه النضالي و فكره المشرف

بس برده (( حتي الآن )) مؤيد للدكتور البرادعي و شايفه الأنسب رغم إنتقادي لأدائه من بعد الثورة

و ده لميزات شخصية فيه مش لاقيها في حد تاني :_

1- شخصية توافقية دبلوماسية مستعد يتحاور مع كل الأطراف و يستطيع إحتوائهم

و ده مهم جدا المرحلة الجاية عايزين حد يجمع مش يفرق و يصادم

(( شايف ده عيب في د/ العوا مثلا ، حدة لسانه و دفاعه عن مواقفه بقوة ))

2- لم يلوث ،، و لا اقصد بذلك إن باقي المرشحين ملوثين

بس ده راجل يعتبر خواجة بجنسية مصرية ،،

يعني لو حد مثلا جه قاله واسطة ،،، هيقوله من أنتم من أنتم

و ده شئ مهم جدا المرحلة الجاية بإختصار هو الأقدر علي التطهير

يعني عنده أهم ميزتين مطلوبين المرحلة الجاية ((( التوافق و التطهير )))

و في نفس الوقت خبرته العالمية و قدراته الإدارية و نظرته المستقبلية الواضحة ،، بس دي أعتقد ميزة موجودة عند مرشحين تانين كتير غيره