الموضوع: البرادعى ام العوا ام ابو اسماعيل ام ابو الفتوح .. اختار مين؟؟؟

انا كنت مؤيد للبرادعى
بس لما يبقى العوا والشيخ حازم
الموضوع هيتحسم للعوا او الشيخ حازم باذن الله

الحمد لله انا مؤيد دكتور البرادعى منذ ان وطأت قدماه مصر وبدأ فى المطالبه فى التغيير من خلال الشباب وليس هو

سؤال
هل الاقتناع بالشيخ حازم هو اقتناع دينى ولا اقتناع سياسى بمنهج سياسى؟

المشاركة الأصلية كتبت بواسطة human12

سؤال
هل الاقتناع بالشيخ حازم هو اقتناع دينى ولا اقتناع سياسى بمنهج سياسى؟

صدقاً يا باشا هو مش إقتناع ديني فقط بدون تفكير....خطأ تماماً

أنا الكثير من الناس إلي أعرفهم من صغار السن بيقولولي هو ليه واحد زي الشيخ محمد حسان أو أبو إسحاق مبيرشحوش نفسهم للرئاسة ؟.....أنا قولتلهم مهما كانت مكانتهم العلمية والدينية فهم لا يصلحوا للرئاسة لعدم وجود الخبرة في ممارسة السياسة

الإقتناع ديني وسياسي

المشاركة الأصلية كتبت بواسطة nor_eldeen

ممكن سؤال لأنصار البرادعى
بعد كل ما رايناه من فيديوهات عن البرادعى و التقارير التى تدينه فى احتلال العراق بسبب ميوعة موقفه و عدم ثباته على كلام محدد
و عندما نزل مصر اندمج مع الاخوان على امل ان يفتحوا له شعبية فى الشارع المصرى و بعد ان غضب منه التيار العلمانى و اللبرالى بسبب تقربه من الاخوان فترك الاخوان و اندمج مع التيارات اللبرالية لأرضائهم و السير على نهجهم فى المطالبة بالدستور اولا و عدم احترام الاغلابية و الديمقراطية التى تمت
فما الذى يدفع انصار البرادعى لمناصرته بعد ذلك؟؟؟

اعذرني كلام حضرتك كله غلط
والافضل كنت سالت قبل ما تستغرب اننا نقبل بافكار هي غلط اصلا
البرادعي انشا الجمعية الوطنية للتغيير وانضم فيها من انضم وخرج منها من خرج
يعني البرادعي ماشي في خط مستقيم ولم يتلون او يغير مساره ولكن الكثير ومنهم الاخوان حين تحققت مصلحتهم وتم التغيير تركوه وان كنت اعتقد ان الدكتور البلتاجي لازال في الجمعية

نأتي للاستفتاء ومن يكون رئيس الدولة
من المنطق والعقل ان تكون الثورة معيار الاختيار
ان يكون اختيارنا لاكثر شخص ساهم في تغيير وجه البلد وله دور قوي في الثورة فيكون البرادعي في المقدمة
وهذا الاختيار يجب ان يكون سياسيا لان الموضوع سياسي
ولو كان الامر بالشعبية لكان ابو تريكه هو الرئيس
لو الامر يتعلق باصول الفقه ومقاصد الشريعة الخ لكان ابو اسماعيل انسب
ولو يتعلق الامر بحسن الجدال وعبقرية طرح الحجج الخ لكان المحامي سليم العوا افضل
ولكن الامر يتعلق بمصر كلها
فيكون الاختيار لشخصية رجل الدولة الذي يكون له القدره لكي يدير بلد بأكملها وشخصية دولية لها مكانتها العالمية وهنا يكون اختيار البرادعي هو الافضل
واختلف مع من يرى ان الرئيس لابد ان يكون شاف الذل واتقهر واتعذب من النظام السابق لاني اخشي ان هذه المواصفات تصنع ديكتاتورا نتيجة تبدل الحال الى عكسه فجأه

المشاركة الأصلية كتبت بواسطة ahmed2y

لا شوف انا عاوز اقولك على حاجة

اولا : انا بطلب منك فعلا انك انت الى تتفرج فعلا على الفديوهات دى كويس وتتاكد بنفسك ومتاخودش بعنوان الفديو لا انت اسمع وحلل وترجم لو مش عربى واعرف بنفسك

ثانيا : لو البرادعى دون عن روءساء العالم كلهم روءساء الدول العربية والدول الاوربية والاسيوية والامريكية الشمالية منها والجنوبية هو المسئول عن ما حدث فى العراق

مسئول عن رعونة و وجهل صدام

مسئول عن القواعد الحربية الامريكية الى فى الخليج العربى كلها

الراجل راح وقال يا جماعة مفيش حاجة فى العراق وعمل تقرير بالزيارة وامريكا ضربت بردة هيعمل اية هو يعنى يحرك اسطول بحرى وجوى يعمل جيش مثلا ويروح يصد الحرب

اما موضوع انضمامة للاخوان دى او مرة اسمعها او يمكن حصلت وانا معرفهاش سامحنى

واظن الاخوان جماعة محترمة لا يعيب احد ان ينضم ليها

واظن الاخوان بردو جماعة محترمة وليها كل تقدير ولا يعيبها ولا يعيب اى شحص اخر ان يخرج منها او الاخوان نفسهم يخرجوة منها ودة حصل مع الدكتور عبد المنعم ابو الفتوح


وموضوع ليبرالى وعلمانى دة اظنة شبعنا فية كلام كتير قوى وبالمعنى المتداول يبقى اى حد مش تيار اسلامى يبقى لبرالى وعلمانى .................... امال عمرو موسى يعتبر اية

ولا المستشار البسطويسى يعتبر اية

سلام عاليكو

انا اول مره اسمع ان البرادعى انضم للاخوان

ازود على كلامك ان الاخوان الان انضمو للوفد الليبرالى
يعنى عادى جدا دى لعبه سياسيه وكل واحد بيعمل اللى فى مصلحته