12 ساعة قبل الشراء الفعلى

**eggroup** · 28-06-2011 01:47 AM

اعزائى اطلب منكم النصيحة:

اليوم عند ناشيونال موتورز (أسامة عبد النبى) حجزت كيا سيراتو هاي لاين موديل 2010، نعم 2010 و لسه زيرو و السعر 114000 جنيه كاش لأن البنك يرفض تقسيطها لأنها موديل سنتين عدت، المهم موضوع الموديل ما بيفرقش معايا كتير المهم الكماليات و السعر، نأتى للكماليات:

تكييف تاتش - باور - سنتر - زجاج - مرايات كهرباء بالإشارات - فتحة سقف - فرش جلد - مفتاح بصمه - طاره مالتى جلد - فتيس جلد - راديو CD MP3 مع IPOD - مقابض نيكل - 1 أيرباج - جنوط 16 - اوتوماتيك 4 سرعات - عدادات رياضية - حساس خلفى أصلى - فرامل abs - زر تحكم فى فوانيس الإضاءة - فوج لايت - شبكة نيكل - كمبيوتر رحلات.

السؤال، هل الموضوع يستاهل و هل التاجر سمعته جيده فى السوق؟

شكرا للجميع.

**aaet1** · 28-06-2011 02:29 AM

هو طبعا ناشيونال موتورز معروف جدا بس اللى غريب فى الموضوع انها موديل 2010 ولسه زيرو !!! إيه كان حاططها فى التلاجة مثلا

**yyy** · 28-06-2011 02:34 AM

نفس المواصفات دي 2011 بكام ؟

**ابو ليلى** · 28-06-2011 03:57 AM

اعزرنى بس صفقة خسرانة

العربية اكيد اردنى لان ناشيونال موتورز اغلب عربيته كده

نفس اسباب البنك فى رفضه التقسيط نفس اسباب رفضى

تاريخ تصنيع العربية اكيد 2009 يعنى عدى عليها نقول سنتين

يعنى بطارية + كاوتش + سيور + عوامل الجو اكيد اتاثرو بالفترة دى

سعر اعادة البيع هيقل لان العربية تعتبر موديل قديم

شركة التامين نفسها هتزود النسبة لان نسبة سعر العربية فى العموم هيقل

بنفس المبلغ تشترى عربية موديل 2012

وسيبك من بعض الكماليات اللى بتزود سعر العربية على الفاضى

نواكل + تكيف تاتش + فرش جلد + حساس خلفى ( ممكن تركبه بره بحوالى 200ج )

باقى المميزات اللى قلتها موجوده فى اى عربية خلجى 2012 وبنفس السعر ( ماعدا السمارت كى )

ده رائى ولك مطلق الحرية

**moha4tec** · 28-06-2011 04:28 AM

اوعى تشتريها يا معلم
و روح هات الجديده لانها نزلت باوبشنز كتير اوى
منها الجى بى اس و الديفيدى و البلوتوث و حجات كتير اوى و الفتاس 6 سرعات احسن من الاربع نقلات و كاميرا خلفيه و غيرها و غيرها
معلش هتدفع اكتر شويه بس هتاخد ركوبه و كمية اوبشنز رهيبه
انا معايا 2010 هاى لين و لو انا مكانك كنت اشتريت الجديده 2011 او 2012 و سبتنى من 2010 خالص

**Shazlovic** · 28-06-2011 05:45 AM

لأ يا باشا .. منصحكش تعمل كده لاكتر من سبب زي م أ. ابو ليلي قال ده تصنيع 2009 و كمان هتقل في البيع قوي قوي قوي
غير كده هتتخلي عن كماليات كتير فعلا انا معايا 2011 افراج جمركي كده اللي كانت نزله اواخر 2010
و ندمت علشان الفتيس ال4 نقلات غير الكماليات الرهيبه وفرق السعر + 8.000 مثلا .. و ده مش كتير يا باشا لأنك هتدف 100.000+ فخلاص زود شويه و شبرق نفسك

**ahmed_201091** · 28-06-2011 11:01 AM

الفتيس الست سرعات حرام تخسره و بلاش اقول 2012 عشان كماليات خلينا دلوقتى فى الفتيس بس
انصحك بلاش الخطوة دى عشان متندمش بعد كدا عشان مفهاش اللى يميزها عن 2011 او 2012 يعنى مفهاش نظام الاتزان الالى مثلا

**kmatrex** · 28-06-2011 10:05 PM

اخى العزيز
علشان متحتارش كتيير فكر فى الاتى
1 لو مش هتبيع قريب او من هواة التغيير اوك
2- الفتيس 4 من 6 سرعات اوك وصوت الموتور عالى شوية فى 4 سرعات
3 - استلام جيد ومراجعة السيارة جيدا
4 -مراجعة شراء الضمان للخليجى والموافقة علية من عدمة
راجع الاتى واستخير ولا خاب من استشار

-

-

الموضوع: 12 ساعة قبل الشراء الفعلى

LinkBack

أدوات الموضوع

عرض

-

-

-

المواضيع المتشابهه

اكشف على ايه فى Honda Shadow 400 ساعة الشراء؟

اكشف.على.ايه.فى Honda Shadow 400 ساعة.الشراء؟ .

فرصة عظيمة للبيع جى ام كينوود 4 شانيل استعمال ربع ساعة تاريخ الشراء 29/9

ازاى اكشف على الدايو المستعمل ساعة الشراء ؟

المعدل الفعلى لاستهلاك البنزين فى الانسر 1600

الكلمات الدلالية لهذا الموضوع

المفضلات

المفضلات

ضوابط المشاركة