السنتر لوك

**ayman_83** · 28-06-2011 03:17 AM

ازيكم يااجدع جدعان البروتون
يارب تكونو بخير كلكم وبصحه وسلامه وكل واحد عربيته تكون 100100 معاه
محدش يعرف السنتر لوك بتاع الباب الواحد بيتباع بكام عشان انا عندي الباب بتاع الراكب اللي جنب السواق بيعلق بينزل ومش بيطلع لما بفتح العربيه حطيتله اسبراي اكاي وبرده مفيش فايده وبعد اما قفلت العربيه وقلت بكره هروح لبتاع ابواب بجربه لقيته فتح بس هو كذا مره يعلق كده فعايز اعرف هو سعره كام وينفع يتصلح ولا لا واي سنتر يركب عليه ولا لازم بتاع الجين 2 وشكرا لكل البشوات البروتناويين

**mahmoodallam** · 28-06-2011 07:41 AM

لو كانت زي ماكنة السنتر العادية يبقى طلبك عندي ومن غير فلوس
>أنا كنت شاري ريموت وسنتر كاملين ، والعربية كان فيها سنتر ، وبالتالي أصبح عندي 4 مكن سنتر زيادة
لو عايزها ابعتلي عالخاص

**mangere90** · 28-06-2011 10:09 AM

السلام عليكم ورحمة الله وبركاته

لو اتأكد ان اربة السنتر هيه اللي بتعلق , اولا ماتنفعش اي اربه تانيه غير بتاعت بروتون
اربة السنتر بتاعة بروتون مختلفه تماما عن ارب السنتر العاديه اللي موجوده في السوق
حتي في اطراف الكهربه بتاعتها مختلف هي في التوكيل في حدود 170 جنيه ,
بس انصحك لو اكيد هيه اشتريها من الحرفين من عند محل الفادي هو بيبعها بالكالون
ب 150 جنيه علي عكس التوكيل بيبعها لوحدها ب 170 او اكتر ... يارب اكون افدك

**m_marmoush** · 28-06-2011 02:09 PM

بص يا سيدى مكنة السنتر عندك إن شاء الله ما فيهاش مشكله، لف لغاية ما يطلع غطاء اللوك (المسمار الأسود الموجود فى الباب اللى بيطلع و ينزل مع الفتح و القفل) وجرب، لو السنتر إشتغل ركبة تانى بس ما تلفوش للأخر

**ayman_83** · 29-06-2011 04:52 AM

المشاركة الأصلية كتبت بواسطة mahmoodallam

لو كانت زي ماكنة السنتر العادية يبقى طلبك عندي ومن غير فلوس
>أنا كنت شاري ريموت وسنتر كاملين ، والعربية كان فيها سنتر ، وبالتالي أصبح عندي 4 مكن سنتر زيادة
لو عايزها ابعتلي عالخاص

ربنا يخليك ياباشا والله انت كلك ذوق وصاحب واجب بس اعتقد ان الجين ليها سنتر مختلف وشكرا ليك علي ذوقك وكرمك

المشاركة الأصلية كتبت بواسطة mangere90

السلام عليكم ورحمة الله وبركاته

لو اتأكد ان اربة السنتر هيه اللي بتعلق , اولا ماتنفعش اي اربه تانيه غير بتاعت بروتون
اربة السنتر بتاعة بروتون مختلفه تماما عن ارب السنتر العاديه اللي موجوده في السوق
حتي في اطراف الكهربه بتاعتها مختلف هي في التوكيل في حدود 170 جنيه ,
بس انصحك لو اكيد هيه اشتريها من الحرفين من عند محل الفادي هو بيبعها بالكالون
ب 150 جنيه علي عكس التوكيل بيبعها لوحدها ب 170 او اكتر ... يارب اكون افدك

المشكله اني شاكك في الماكينه نفسها وللاسف انا من الاسكندريه فبعيد عني المكان ده اكيد في القاهره

المشاركة الأصلية كتبت بواسطة m_marmoush

بص يا سيدى مكنة السنتر عندك إن شاء الله ما فيهاش مشكله، لف لغاية ما يطلع غطاء اللوك (المسمار الأسود الموجود فى الباب اللى بيطلع و ينزل مع الفتح و القفل) وجرب، لو السنتر إشتغل ركبة تانى بس ما تلفوش للأخر

انا فكيت فرش الباب كله والعيب في الماكينه نفسها وملهوش علاقه خالص المسمار وشكرا علي تعبك معايا