السلام عليكم
باختصار انا بعت عربيتي من 4 شهور كده بتوكيل والرخصة ماشية لغاية 2013 عملنا عقد ابتدائي وعملت للمشتري توكيل في الشهر العقاري والراجل دفع الفلوس واستلم مفيش مشاكل دا حتى مجبتلوش شهادة مخالفات وكتبنا في العقد ان لو طلع عليها مخالفات لحد تاريخه اني هاتحملها.
العربية القديمة لسه باسمي (لما رحت اسجل العربية الجديدة دفعوني ضريبة رفاهية) هل فيه خطر لو المشتري ده خبط حد واللا عمل مصيبة اني البسها انا؟
هو ماضي اقرار في العقد الابتدائي اللي بيتباع في المكتبات ده وتحت فيه جزء انه استلم السيارة في يوم تحرير العقد والساعة واصبح مسؤول عنها وماضي. هل العقد ده يحميني من مخالفاته او اي مصيبة يعملها؟ وانا معايا نسخة من التوكيل هل كده كفاية. (رقم بطاقته ناقص رقم في العقد الابتدائي) هل فيها مشكلة علي؟)
معلش طولت عليكم لكن اخوكم موسوس شويتين تلاتة