فلاتر الهواء simota , k&n.

**H_A_T_Em** · 28-06-2011 09:39 AM

السلام عليكم. انا عارف يا جماعه ان الموضوع ده قد يكون مكرر بس انا استفساري دلوقتي في القدره الحصانيه لو افترضنا مثلا عربيه 100 حصان و ال k&n زود 5 حصان مثلا فهل ال سيموتا بيدي نفس الزياده ولا هتبقي زياده 2 3 حصان كده هو ال k &n اكيد خامات افضل و تنقيه هواء افضل بس بالنسبه للاداء بقي و بالنسبه للصوت انا بصراحه بعشق صوت السيموتا الكاربون علي الرغم من ان في ناس كتير مبتحبش صوته و بتقول مزعج بس في ناس قالتلي ال kn صوته اهدي شويه و في ناس قالتلي اعلي والله فدلوقتي ياريت اللي هيرد عليه يا جماعه يبقي مجرب و ياسلاااام لو حد مجرب ال2 علي نفس العربيه و الف شكر مقدما .

**prisoner** · 28-06-2011 02:14 PM

انا عن نفسى مجرب k&n ممتاز وصوته حلو بس لما بشد بس من وجهة نظرى مش عالى قوى وده كويس بالنيبة لى اما النوع الثانى مجربتوش بس فيه ناس بتشكر فيه بس المعلومة اللى انا اعرفها ان سيموتا ده صوته اعلى من k&n وفعلا بيزود من قدرة العربية مش بقدر كبير بس بشكل محسوس انا العربية عندى فرقت حسيت ان هية فاقت تحياتى

**H_A_T_Em** · 28-06-2011 06:24 PM

الف شكر ليك يا باشا بس انا دلوقتي عندي اصلا السيموتا الكاربون و هو تمام و الحمدلله بس انا في قدامي فرصه حلوه دلوقتي اني ابدله ب كي اند ان فعايز اعرف الموضوع يستاهل ولا ميستاهلش لاني هدفع فرق

**prisoner** · 29-06-2011 11:05 AM

المشاركة الأصلية كتبت بواسطة h_a_t_em

الف شكر ليك يا باشا بس انا دلوقتي عندي اصلا السيموتا الكاربون و هو تمام و الحمدلله بس انا في قدامي فرصه حلوه دلوقتي اني ابدله ب كي اند ان فعايز اعرف الموضوع يستاهل ولا ميستاهلش لاني هدفع فرق

فعلا انا اعرف ان الk&n احسن الانواع ممكن يكون الفلتر بتاعك صوته احلى لكن فى الاداء وسحب الهواء مش زى الk&n انا كنت عند عادل وجدى وهوة اللى رشحللى الفلتر ده وهوة مركبه فى عربيته وبيشكر فيه بالرغم من انه بيشتغل فى انواع كتيير وهوة اغلى كان ب 400 افتكر وجاى بعلبته ومحفور عليه ان صناعة امريكى وربنا يوفقك وممكن باقى الاعضاء يفيدوك ممكن تلاقى حد جرب الاثنين تحياتى

**das1328** · 29-06-2011 04:55 PM

ممكن بس توضحلنا من فين نجيب الفلاتر ده

**prisoner** · 29-06-2011 05:03 PM

المشاركة الأصلية كتبت بواسطة das1328

ممكن بس توضحلنا من فين نجيب الفلاتر ده

ممكن من عند عادل وجدى فى الحرفيين او فى شارع دمشق او اى حد جاى من برة وده يكون افضل ادخل على موقعهم وشوف ايه المناسب لعربيتك برقمه وابعت هاته وبالتوفيق

**themyth999** · 04-07-2011 02:04 PM

المشاركة الأصلية كتبت بواسطة prisoner

ممكن من عند عادل وجدى فى الحرفيين او فى شارع دمشق او اى حد جاى من برة وده يكون افضل ادخل على موقعهم وشوف ايه المناسب لعربيتك برقمه وابعت هاته وبالتوفيق

انا عربيتي لوجان و دورت على الموقع لقيت ليها فلتر مخصص ليها بس المشكله اني لما دورت على السعر لقيته بـ 140 دولار يعني حوالي 830 جنيه و ده طبعاً اغلى بكتير من الأسعار اللي بسمعها في حدود 400 - 500
مش عارف بقه عند عادل وجدي الاقيه بالسعر ده ولا ايه