الموضوع: مصطفى تافا

و الله ا/مصطفي تحس انه بيخدم لله في لله
يا ا/مصطفي
ربنا يكرمك دنيا و اخره

ماشي يا جو لما بس أشوفك
هارد عليك برد سيدنا ابو بكر الصديق لما امتدحه بعض الناس وأثنوا عليه قال
( اللهم لا تؤاخذني بما يقولون ، واجعلني خيرا مما يظنون ، وأغفر لي مالا يعلمون )
والله يا جو الموضوع كله اني حاسس ان في تواصل معاك يعني تقارب فكر ، في احساس داخلي اني عارفك بقالي كتير ، كمان قسم الدرجات النارية الاعضاء اللي مشتركين فيه خدومين بطبعهم ، اجي ايه انا في واحد سافر مع واحد علشان يشتري موتوسيكل ، او واحد يقعد طول اليوم مع واحد يلفو علي موتوسيكلات ، انا كمان بحب الموتوسيكلات وكان عندي نفس الشعور بتاعك .
كان عندي اسئلة كتير ونفسي اسأل علي كل حاجة والحمد لله معظم الاعضاء ردوا عليا كتير بأستفاضة
كمان حضرتك هاتبقي معانا في جروب العصابة اللي ناوي عتريس يعملوا ولا ايه ؟؟؟؟؟
كمان والله انا ماكنتش عايز اسيبك امبارح لغاية لما تسوق كويس علشان حاسس انك اتخضيت وخفت شوية
بس ده شعور طبيعي في اول مرة وهايروح بعد كام يوم وماتخفش او تتراجع ، انا نفسي كنت خايف وبقول انا هاعرف اسوق موتوسيكل ؟؟؟
كمان انتا شخصية محترمة ومؤدبة وخلوق الواحد يفتخر انه يتعرف عليها ونكون اصحاب انتا واحمد صاحبك وكمان نسيت اعزمك علي حاجة او اشربك حاجة ، ليك عندي عزومة !!!!!!!!

يا باشا تسلم ده من ذوقك انتا واحمد صاحبك وما شاء الله شكله هادي
مفروض تأثر عليه و يفكر يركب بايك هو كمان
ايه يا جو هو انا هاوصيك ؟؟؟؟

موضوع الخوف ده امر طبيعي جدا جدا جدا وخاصة لما تمشي وسط العربيات هايزيد اكتر وبعد يومين كده هاتتأقلم علي الموضوع ده وكلها اسبوع ان شاء الله ومش هاتصدق نفسك انك سايق وماشي
وطمني علي الموتوسيكل بتاع شبرا اتصل وشوف كده ماتزهقش
اللي عايز حاجة بيتعب علشان يوصلها وكلمني في اي وقت هاتشوف فيه موتوسيكلات تاني ولو فاضي تعالي سوق البايك بتاعي شوية
تاني مرة هاتحس احساس تاني هايبقي فيه شوية جرأة واللغبطة اللي كنت فيها امبارح هاتروح بالتعود
فلو فاضي كلمني واظبط معاك واشوف مكان تاني يكون واسع شوية علشان تمشي براحتك

المشاركة الأصلية كتبت بواسطة atrees

شوفت يا جو مصطفي شخصية عاملة ازاي ؟؟؟ مش كنت بقولك

والله لو اخ مش حيعمل اللي بيعملة دة - ولو ان الشكر لوحدة لا يوفيه حقة خالص


مصطفي شخص نادر الوجود في زمانا دة - خدوم - جدع - اخ - عاقل ورزين - متفاهم - تحب تقعد تتكلم معاة - متزهقش منة ومش عايز تسيبة يروح رغم انة مشغول بس عمرة ما اتاخر علي مساعدة غيرة

الراجل دة عمل معايا كل مواقف الجدعنة اللي شوفتاها في حياتي

لو حجيب متوسيكل حجيبة بس عشان ابقي معاة دايما -

انا بجد مش حوفيه حقة ابدا - ربنا يقدرني وارد جميالة في الخير

ماشي ماشي احنا فينا من كده والله انا بعمل الموضوع ده بحب
والله يا عتريس فعلا الواحد فرحان بمعرفتك ودي معرفة اتشرف بيها وانتا بأخلاقك وأدبك الواحد يبقي نفسه يخدمك
كمان موضوع انك تشتري بايك ده لو انتا لوحدك هاتزهق وتمل ---- لازم حد يشجعك ويجرأك ، والله يا عتريس متعة ما بعدها متعة لما تبقي سايق البايك وماشي تتمخطر كده وتروح مشوارك اللي بالعربية بياخد ساعة تروحو في 10 دقائق
كمان انا حابب نخرج مع بعض مجموعة كده بالموتوسيكلات ونخرج ونلف مع بعض ونسافر
اتفرج كده لما تمشي مع مجموعة فيها حوالي 10 موتوسيكلات والناس كلها بتبص علينا
ربنا يحفظك ويحميك ويحرسك ويباركلك
وبعدين كل الكلام اللي قلته انتا وجو ده مش انا طبعا لست انا هذا الشخص
حب لأخيك ما تحبه لنفسك ده حديث للنبي صلي الله عليه وسلم وهكذا اتعامل
وكذلك حديث
كان الله في عون العبد مادام العبد في عون اخيه