عرض للطباعة
السلام عليكم و رحمة الله و بركاته
أنا كنت عايز اجيب عربيه من 50-55 الف اوتوماتيك مستعمل
تكون قطع غيارها متوافره و بسعر كويس يعني ولا رخيصه قوي و لا غاليه قوي زي الالماني مثلاً
فأنصحوني اجيب عربيه ايه؟ و السعر ده يجيب ايه حاتلته جيده جداً او ممتازه؟
تقبلوا تحياتي,,,,
اقتباس:
المشاركة الأصلية كتبت بواسطة mohamed_mohsen
لو لقيت واحد تعرفه شخصيا وعنده عربية اشتريها منه
لو مش لقيت اشترى شقة وريح قلبك ودماغك وكل حاجة
عندك لانوس
فيرنا
افيو
لانسر كرستاله
بيكانتو
ماشياقتباس:
المشاركة الأصلية كتبت بواسطة mr_mustafa
بس ماقلتليش اشتري ايه برضه ;)
الف شكر يا باشا علي ردكاقتباس:
المشاركة الأصلية كتبت بواسطة newuser2009
اللانوس اوتو هتبقي موديل قديم و هتبقي ماشيه كتير
الفيرنا كانت معايا مانيوال و بعتها
الأفيو مفيش حد جابها و مابيشتكيش منها
البيكانتو صغيره قوي
لانسر كريستاله,,,,,بسمع عنها كلام ممتاز الحقيقه,,,,,بس اسعارها غاليه قوي يعني لقيت واحد طالب في عربيه جامبو 57-58 الف كتير قوي,,,, و ناس تانيه تبقي طالبه 52-50 وو ناس تلاقيها طالبه 48-47
فمش عارف ايه الحل و يا تري رينج سعر واحد نضيفه اوتو كام؟ لان السوق ملخبط و مش عارف اللي عايز يبيع من اللي بيحط سعر عالي و خلاص :(
رينج الكريستالة النضيفة الاوتو مش هتعدى 48 ولو صاحبها طلب اكتر من كدا سيبك منه
الكلام ده للي فيها اسبويلر في الشنطه و فتحة سقف و جنوط صغيره بتاعة الفابريقه؟اقتباس:
المشاركة الأصلية كتبت بواسطة mohammmed
و الا الاوتو العاديه؟
بصراحة لو بالطريقة اللى انت عايزها دى
هتكون متسوبيش او فولكس ( الشركتين دول مالهمش حل خالص )
بس اهم حاجة فى العربيات المستعملة الحالة والثقة ( علشان النصب وصل لدرجة فوق التصور )
انا كان معايا فيرنا و يا ريتني كنت ما بعتها لولا الاضطراراقتباس:
المشاركة الأصلية كتبت بواسطة mr_mustafa
للاسف لما جربت عربية والدي مابقتش عايز اركب مانيوال تاني
ربنا يكرم
و طبعاً فولكس و ميتسوبيش و اوبل و اي حاجه الماني او ياباني مالهاش حل
هههه و الله ضحكتني يا باشا و كنت محتاج فعلا اضحكاقتباس:
المشاركة الأصلية كتبت بواسطة mohamed_mohsen
ليه حضرتك مكملتش و قلت فولكس و متسوبيشي و اوبل و بي ام و مرسيدس و كمان بالمره بورش ههههه
علي العموم ربنا يوفقك و تلاقي كرستاله محترمه متهانتش و دي في حدود الرنج الي معاك
تقبل تحياتي
حتى لو الجامبو اخرها 50 الف وسيبك من اسعار التجار ...اقتباس:
المشاركة الأصلية كتبت بواسطة mohamed_mohsen
الاسعار اللي فوق الخمسين دي ياجماعة بتبقي نوعين .... نوع مشدود من التجار وممكن تلاقيها متظبطه للتلبيس صح ..... او نوع نضيف فعلا دواخل بالكامل ورشه حاجات بسيطه بره
ودي نادرة جدا جدا انك تلاقي دواخل سليمة اساسا لان العربيه دي قديمه والسليم منها محدش بيبيعوا اصلا
ممكن تجيب حاله حلوة بنفس سعر الاخوه بس في النهايه لغايه ماتظبطها صح هتقف عليك 52 تقريبا
ممكن تشوف الاوبل استرا او النوبيرا او لانسر مكواة .... بما انك عاوز موديل فوق الالفين
يا ريت بورشه بس غاليه قوياقتباس:
المشاركة الأصلية كتبت بواسطة ahmedfoud
مش في الرينج اللي معايا :)
بس اللانسر المكواه متهيألي هتبقي اعلي في السعراقتباس:
المشاركة الأصلية كتبت بواسطة haitham10
اواخر الخمسينات و اوائل الستينات
في اخوة مشتريين عربيات هنا بااسعار 55 56 مكواة
والي بيطلب فوق الستين ده مسيره يعقل الا لو حالة شاذه
وممكن يفكر برضه في نيسان صني 2002 2001
صاحب الاعلان بالطريقة دى هيعمل زى ما انا عملت ومش هيشترى حاجة
كثر الاختيارات بيسبب الحيرة ثم الاحباط
ياراجل اختار نوعين او ثلاثة بكثير واحسن حالة فيهم استخير واتوكل على الله وخدها
غير كدة تعالى اقعد معايا على القهوة ونقعد نتكلم فى العربيات على الفاضى
شكلي هعمل كدهاقتباس:
المشاركة الأصلية كتبت بواسطة mr_mustafa
الاختيارات كتير و حاجه تلخبط
انا هرسالي علي كام حاجه و ابتدي اور علي النضيف منهم و خلاص
لولا انك عاوزها اوتوماتيك كنت نصحتك بالنوبيرا عربيه ممتازه و فيها كل ما تحتاجه
بس للاسف الفتيس الاوتو فى النوبيرا ذات سمعه سيئه شويتين
اعتقد الكرستاله اختيار مناسب جدا بس شوف حاله نضيفه اوى علشان متتعبكش
ربنا يوفقك ان شاء الله فى الاختيار
ربنا يخليك يا باشااقتباس:
المشاركة الأصلية كتبت بواسطة samyomar
و فيه واحد كان جايبلي نوبيرا اوتوماتيك 2006 نضيفه بس خفت من فتيسها
ربنا يوفق يا رب
شوف الإعلان ده كده يا محمد
http://www.nilemotors.net/Nile/228740-93-sir.html
وربنا يوفقك للخير إن شاء الله
الموتور الsir لازم بنزين 95 :(
لو لقيت تويوتا الملكه أتوماتيك وبحاله نظيفه عليك بيها
وده عن تجربتى مع تويوتا