فلسطينى فى غزة يجبر مصرى على دفع 8 آلاف دولارلإستعادة سيارتة المسروقة من القاهرة ! !

**Elawany13** · 29-06-2011 12:14 PM

المشاركة الأصلية كتبت بواسطة م/مصطفى محمود

يا سيدي الفاضل راجع المقال المنشور هنا قبل كده كانوا كاتبين فية إن العربيات دي أتزور ورقها من هنا فى مصر قبل ما تروح ، يعني اللى أشتراها هناك كان فاكر برضوا أنها سليمة (كانوا كاتبين إنها متسجلة فى الشهر العقاري فى مصر)

انا مبنفيش إن هنلاقي ناس كتير منهم كانوا عارفين إنها مسروقة ، بس يظل تصرف فردي ، لا يحق ولا يجوز إننا بسببة نسمي الشعب اللى ناضل وشاف الويل خاين وناكر للجميل

مينفعشي بسبب تصرف قلة منهم ننسى دماء شهدائهم وننسى نضال أبطالهم ، والمعاناه اللى بيعيشوها

مينفعشي نتهمهم ظلم ونزور التاريخ ونقول أنهم باعوا أرضهم

{وَلا يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُوا اعْدِلُوا هُوَ أَقْرَبُ لِلتَّقْوَى (8)}[المائدة]

معاك حق
انا ضد التعميم

**N.a.j.d** · 29-06-2011 12:59 PM

الموضوع ياباشا مش انى واقف مع الحرامي الى سرق العربيه او حاجه زي كدا لااااااا انا ضده طبعا بس كلامي كان عن انه احنا غلط نعمم ونغلط بالشعب نفسه ونقول عليه خاين!!!!

**medododo** · 29-06-2011 01:18 PM

المشاركة الأصلية كتبت بواسطة gobeltoffire

عادى يعنى اللى باعوا ارضهم مش هيبعولنا عربياتنا تانى و بعدين مشايخ رفح دول مش عارفين ان الفلسطينى اشترى العربيه و هو عارف انها مسروقه ؟!!!!!!!!!!!!!

وانت فاكر مشايخ رفح دول مصرييييين!!!!!!!!!!!!!!!!

**N.a.j.d** · 29-06-2011 01:22 PM

كفايه يا جماعه نقول عليهم باعو ارضهم
باعو ارضهم ازاي ومين اللى باعها
ارجعو لتاريخ وشوفو بقول ايه؟!!!!!!!!!!!!!!!!!

**essamenen** · 30-06-2011 03:33 AM

انا اقدر واتعاطف مع صاحب العربيه والله يكون فى عونه بص انا ارفض باى شكل من الاشكال التعميم اننا نقول ان الفلسطنيون خونه او حرميه او باعو ارضهم لو كلهم كده ماكنشى ده يبقى حالهم ياجماعه احنا عندنا ناس سيئين جدا واوحش من الوحاشه ترضو حد يقولو عينا كده احنا مش مليكه انا كنت فى السعوديه وكان فى مصريون بيعرونا هناك معندهمش مبادئ ولا قيم ولا اخلاق يبقى على كلامكم ان كل سعودى يحكم على كل مصرى انه وحش كل بلد فيها الوحش والحلو احنا بشر مش ملايكه وممكن 2 اخوات وحد كويس والثانى وحش مش عايزين تاخذنا العاطفه باكرر انا مصرى واتربيت فى السعوديه اتعاملت مع جنسيات كتيره لاقيت ان كل جنسيه فيها الوحش والحلو
مش عاوز صاحب المشاركه يزعل منى بس انا مش عاوز نغلط فى ناس ممكن تكون افضل منا على الاقل فيهم ناس بتحارب اليهود وبتستشهد واحنا قاعدين فى التكييف بغض النظر هما بيحاربوهم له كل بلد فيهم حراميه وناس كويسين
بيحصل عندنا نفس الكلام بتتسرق العربيات وتكون عارف مكانها فى مصر الحبيبه وتتفع فلوس لناس علشان يجبهالك من مصر مش من غزه والحوارات ده كلنا عرفنها

**shahen** · 30-06-2011 03:40 AM

الكلام ده بحصل جوه مصر بس هو الموضوع بدل ما حصل مع واحد مصرى حصل مع واحد فلسطينى فى اى مكان هناك الصالح والطالح والله المستعان

**Elawany13** · 30-06-2011 10:40 AM

المشاركة الأصلية كتبت بواسطة essamenen

انا اقدر واتعاطف مع صاحب العربيه والله يكون فى عونه بص انا ارفض باى شكل من الاشكال التعميم اننا نقول ان الفلسطنيون خونه او حرميه او باعو ارضهم لو كلهم كده ماكنشى ده يبقى حالهم ياجماعه احنا عندنا ناس سيئين جدا واوحش من الوحاشه ترضو حد يقولو عينا كده احنا مش مليكه انا كنت فى السعوديه وكان فى مصريون بيعرونا هناك معندهمش مبادئ ولا قيم ولا اخلاق يبقى على كلامكم ان كل سعودى يحكم على كل مصرى انه وحش كل بلد فيها الوحش والحلو احنا بشر مش ملايكه وممكن 2 اخوات وحد كويس والثانى وحش مش عايزين تاخذنا العاطفه باكرر انا مصرى واتربيت فى السعوديه اتعاملت مع جنسيات كتيره لاقيت ان كل جنسيه فيها الوحش والحلو
مش عاوز صاحب المشاركه يزعل منى بس انا مش عاوز نغلط فى ناس ممكن تكون افضل منا على الاقل فيهم ناس بتحارب اليهود وبتستشهد واحنا قاعدين فى التكييف بغض النظر هما بيحاربوهم له كل بلد فيهم حراميه وناس كويسين
بيحصل عندنا نفس الكلام بتتسرق العربيات وتكون عارف مكانها فى مصر الحبيبه وتتفع فلوس لناس علشان يجبهالك من مصر مش من غزه والحوارات ده كلنا عرفنها

فعلاً وده اللى بيحصل بره
ومعظم السعوديين بيقعوا فى خطأ التعميم
وللأسف فيه بعض المصريين فى الخارج نصابين وحراميه وبيخونوا الأمانه
تلاقى السعودى بيفضل الهندى الهندوسى اللى بيعبد البقر وبيكره المصرى النصاب الفهلوى الحرامى الخائن
لما بينزلوا للسياحة فى مصر وبيروحوا الكباريهات وأماكن الفجور وبيجيلهم الساقطات لحد عندهم
بتلاقيهم بيعمموا وبيتخيلوا ان كل النساء فى مصر متبرجات ومش محترمات
على فكره
فى الخليج والسعوديه
لما حد بيناديلك ويقولك يامصرى
ياعنى بيشتمك !!!
التعميم هو أخطر شيئ ممكن يقع فيه الإنسان