الموضوع: الي اصحاب السيارات اللي بيعانوا من شح قطع غيار عربياتهم

اولا السلام عليكم ورحمة الله وبركاته

ثانيا الف مبروك يا استاذ شريف وعقبال ما نشوفك يا رب بتمشي بكرة كده مع توكيل ميتسوبيشي وبورتون و مرسيدس وبي ام انك تبقى لوكيل الحصري لهم في مصر :d :d قدها وقدود يا فندم ..

مبدئيا انا مش ها اعدل على كلام حضرتك لأني شايف انك ماشي في الإتجاه الصح جدا !! ايه الغرض من اني استورد قطع غيار عربية قطعها مغرقة السوق وادخل نفسي في توربينة ارتفاع وانخفاض ولكن انا ممكن ادخل نفسي في قطع عربية انا عارف انها موجودة ولكن توكيلها مش مهتم بيها جدا ... انا عايز اقول لحضرتك انك لو متابع قسم بروتون انه مثلا من بداية 2011 سعر اعادة البيع الخاص بالجين 2 علي وفرق جامد مجرد عشان فيه فرع جديد للتوكيل اتفتح وبقى فيه سوق جديد للسيارة واعادة نظرة وتوجه ليها خلو كل ده فرق !!
ولكن انا عايز اتكلم مع حضرتك في حاجة تانية !! ما هو امكانيات حضرتك في الشركة لإستيراد قطع التعديل على السيارة ؟ بمعنى بسيط مثلا
فيه مسند للساجا مش موجود في مصر !! والمسند الوحيد موجود في ماليزيا يساوي حوالي 150 جنيه مصري يعني ولا حاجة تقريبا حلو الكلام وجميل جدا !! انتا لو جبته ها تبقى المكان الوحيد المالك لهذا المسند وانا عارف انا بقولك السحب عليه ها يبقى شكله عامل ازاي !! ولكن مثلا فلنفترض اني احتجت قطعة معينة للساجا مثلا من ماليزيا هل الشركة عندها القابلة انها توفرها اللعميل بما انها عندها سجل تجاري وطرقها ف يالتخليص المركي اعتقد ده ممكن يبقى ممر من الذهب لأنه الكثير من الملاك بيبقى نفسهم في حاجاة ولكت بتبقى عقبة المتابعة والإستحضار هيا الحاجز امامهم ده رقم اتنين
رقم ثلاثة انا مثلا لو لقيت قطعة خاصة بالتعديل لعربيت يولقيت الفني الفاهم اللي ها يركبهالي صح في مصر ها اروح وانا مغمض عيني ولكن مثلا اجيب فطعة انا مش ها اعرف اركبها ولا ها الاقي فني يقى ها اتسوح بده برضوا ممر تاني لو حضرتك فكرت في سكة استحضار قطع التعديل !!
انا لو قلت لحضرتك يا استاذ شريف انه بروتون في مصر مثلا فيه 3 محلات في شارع دمشق كل ملاك بروتون بيباتوا عندهم مش ها تصدقي واي مالك لبروتون عندنا في القسم عارف الثلاثة + الراعي في الحرفيين والفكرة انهم كلهم بيتجكموا في السعر لأنهم همة الوحيدين اللي عندهم السلعة دي وانا متأكد بل وواثق جدا جدا جدا انهم بيكسبوا منها بشكل هلامي خصوصا لمجرد انه العربية ملهاش سكة تانية في مصر غير عن طريقهم ..
انا عارف اني رغيب كتير جدا ولكن كل دي اسئلة محتاج حضرتك تفكر فيها لو عايز تمشي في المشروع صح انا عارف اني مجيش حتى ربع سن حضرتك ولكن اهو اعتبرها من شاب بيفكر في ناحية تانية :d
انا عايز اضرب لحضرتك مثلا انه الساجا عاملة في ماليزيا زي الفيرنا عندنا !! وعندي احصائيات بتقول انه العربية معدل بيعها في الشهر حوالي 8000 الآف عربية شهريا !! يعني العربية قطع غيارها هناك موجودة عند البقال !! يعني مثلا التيل ها تلاقي ليها هناك من اول 4984398 نوع تيل !! انا ملثلا لو لقيت شركة محترمة زي حضرتك بتقولي ده على ضمانتي التيل ده !! ايه اللي ها يخليني اروح لبتاع التوكيل الا بقى لو انا فعلا ناوي وعايز اضرب على .... فاللي انا اقصده ده برضوا ها يعتمد حضرتك ها تستورد منين وازاي .. ولكن انا عارف انك اكيد ان شاء الرحمن ها تمشي في الطريق الصح للموضوع ده بعون الله ..
توكل على الله يا فندم !! الموضوع واستراتيجيته صح 100% وبشوية بحوق على الإنترت ها تشوف محلات كتير مثلا في ماليزيا بتبيع قطع غيار لبروتون بتعديلات كثيرة جدا وبأسعار بخسة جدا بالنسبة لـ سعار تعديلات هنا في مصر في سيارات ثانية !! او حتى انصاص للساجا والأستاذ محمد عبد المجيد خير من يحدث حضرتك على ظهور نص للساجا في الإسكندرية !! والأستاذ محمد بس جه وقال انا لقيت نص يا جماعة للعربية للي محتاج منها حاجة !! الراجل مش عارف اقولك فيه كام واحد طلبه بحثا عن قطع غيار مستوردة ..
توكل على الله يا استاذ شريف وبالتوفيق وآسف على الرغي :d