منور الموضوع يا ابو السيد
و يا باشا ارغي راحتك (بس مش كنت وفرت مجهودك ده لموضوع سقوط العلامه هههه)
و ربع سن ايه يا بوب هما كلهم 29 سنه و لسه متخلصتش من مفعول جريندايزر و كابتن ماجد يعني لا خبره و لا يحزنون فخد راحتك يا عم الحج
و اللي بتقوله ده هو اللي في دماغي بالظبط
انا قلت ممكن نفتح سوق كويس خصوصا للعربيات اللي بتعاني من مشكله قله غيارها و طبعا المصدر للمعلومه ده كان المنتدي و الي منه قدرت استنتج مدي انتشار انواع العربات دي
بس طبعا بما اني بطبيعتي بحب ادرس الحاجة و اخطط ليها قبل المضي فيها قلت اشوف اراء الناس من حيث المبدا خصوصا و اني زي ما وضحت اغلب الظن هنجيب قطع غيار مش اصليه او انواع ممكن تكون غير معروفه للناس و اهو لما ادخل علي الشركه بفكره ابقي ملم بكل الظروف
و عشان اكون صريح كنت متوقع تفاعل اكتر لكن الحمد لله و كده ابتديت احس بشويه امل خصوصا ان زي ما انت شايف في مشاركتي الاخيره و من الكلام مع والدي الموضوع طلع اكبر مما كنت اتخيل و في عوامل تانيه بتاثر علي القرارات اللي زي دي
طبعا فكره استغلال رخصه الشركه في استيراد قطع التعديل هتبقي صعبه لكن مش مستحيله لان تكاليف الشحن و التخليص هتبقي عاليه الا لو ربنا اراد و بقينا نستورد حاجات من ماليزيا فوقتها هيبقي الموضوع سهل و مش مكلف
عموما زي ما قلت الموضوع بالنسبه ليا لسه في اوله و انا متدخلتش في شغل الشركه قوي بحكم اقامتي بره مصر و ان الموضوع كله عن طريق والدي هو نفسه يعتبر مشارك براس مال بس و مش متدخل في شغل الشركه نفسه قوي لان في شركا اكتر خبره هما المسؤلين عن الحوار ده
بس اهو الواحد بيدي افكار و ربنا يسهل
و انا لسه بحاول اجمع معلومات اكتر بس الواحد غرقان في شغله و بنحاول في اوقات الفراغ و البركه فيكم اللي عنده حاجه ميبخلش و زي ما قلت الموضوع فيه مصلحه مشتركه و ده اللي محلي الموضوع