الي اصحاب السيارات اللي بيعانوا من شح قطع غيار عربياتهم

**horas3000** · 28-06-2011 12:28 PM

السلام عليكم جميعا
بفضل الله و بحمده والدي دخل شريك في شركه استيراد قطع غيار سيارات في مصر
حاليا الشركه متخصصه في استيراد قطع غيار نوع معين من السيارات و مبتخرجش عنه و اسمحولي مش هقول عليه عشان ميبقاش في اي نوع من انواع الدعايه
المهم و كنوع من انواع التطوير و الارتقاء بالشركه فكرنا نستورد قطع غيار لماركات و انواع تانيه من السيارات
و بحكم عضويتي و تجولي في المنتدي عارف في انواع من العريبات بتعاني من شح و قله في قطع غيارها زي البروتون و اللوجان و بعض الفيات علي سبيل المثال
ففكرت ليه منستوردش قطع غيار العربيات دي و اهو منها نفيد و نستفيد

فقلت اعمل الموضوع ده كنوع من انواع جس نبض السوق و المستهلكين و اعرف ارائكم و اقتراحاتكم و هي مرحب بيها طبعا طول في فيها فايده مشتركه

السؤال دلوقتي لو فرضنا و تعذر استيراد قطع الغيار الاصليه للعربيه و ده طبعا وارد حسب الاتفاقيات بين الشركات الام و توكيلاتها في مصر
فهل اصحاب العربيات دي عندهم استعداد يركبوا قطع غيار after market يعني مش اصليه لكن بجوده تقارب الاصليه او معتمده من الشركه الام
يعني هل ممكن اصحاب البروتون يركبوا قطع غيار تايواني مثلا في عربياتهم
و لا اصحاب الرينو و الفيات هل ممكن يركبوا قطع غيار تركي مثلا
و ايه فرق السعر كنسبه من سعر قطع الغيار الاصليه للي ممكن يغري ملاك العربيات دي انهم يشتروا العربيات دي
و ايه الانواع الاخري اللي ممكن تكون بتعاني نفس المشكله و يكون انتشار العربيه او الماركه معقول بحيث ان استيراد قطع غيارها يبقي فيه جدوي و متقعش في ارابيزنا
طبعا و للعلم الموضوع برضه متوقف علي تجار الجمله و قابليتهم للتعامل مع الانواع دي بناء علي الطلب اللي عليها لاننا بنتعامل معاهم و مش مع المستهلكين مباشره و اللي مخطط انه يحصل لكن في المستقبل القريب ان شاء الله

في انتظار مشاركتكم و مساهمتكم و شكرا مقدما

**Elawany13** · 28-06-2011 12:33 PM

توكل على الله
أعتقد ان السوق المصرى بيستوعب كل الأنواع
بيستوعب التركى والتايوانى والصينى
كله بتمنه
وكل فولة وليها كيال

**horas3000** · 28-06-2011 02:41 PM

المشاركة الأصلية كتبت بواسطة elawany13

توكل على الله
أعتقد ان السوق المصرى بيستوعب كل الأنواع
بيستوعب التركى والتايوانى والصينى
كله بتمنه
وكل فولة وليها كيال

شكرا علي مشاركتك يا زعيم
بس للاسف كلامك عام جدا
و ظروف البلد و السوق متسمحش ابدا بالمغامرات غير محسوبه العواقب
لازم الواحد يخطط و يدرس كل حاجه قبل اتخاذ اي قرار

المشاركة الأصلية كتبت بواسطة maserati

السلام عليكم و رحمة الله و بركاته

ألف مبروك يا باشا و ربنا يباركلكم و يفتح عليكم من أوسع الأبواب.

أنا بس, كان ليا طلب, لو ممكن يعنى .

أنتوا بستوردوا قطع غيار الmaserati quattroporte الأصلى الايطالى و لا التقليد اليابانى لأنى دايخ على الايطالى و كل ماروح لحد فى التوفيقة عشان أجيب حاجة للعربية, مالاقيش الا التقليد و أنت عارف أن التقليد بيدمر, لكن الأصلى بيعمر.

و عليكم السلام يا زعيم و شكرا
و يا سبحان الله
اهو الشركه متخصصه في استيراد قطع غيار المازيراتي تحديدا
فشوف ناقصك ايه و بلغني و انا حاضر
و متقلقش قطع الغيار كلها معتمده من مستر مازيراتي شخصيا
ههههه

**horas3000** · 28-06-2011 04:28 PM

المشاركة الأصلية كتبت بواسطة medo.malek

مبروك يا فندم و ربنا يبارك
حضرتك واحد زى معندوش فكرة عن مدى اعتمادية قطع الغيار التركى ( فى الفيات ) ما ينفعش تسأله اذا كان هايركبها عنده ولا لا من غير ما يجربها او حد غيره جربها و نصحه بيها ( حضرتك فاهمنى ؟) يعنى حضرتك ممكن على سبيل المثال تجيب شحنة من قطع الغيار الاستهلاكية السريعة و تجس بيها نبض السوق لو اثبتت جدارتها يبقى تبتدى تجيب قطع غيار اكبر و هكذا

الله يبارك فيك يا فندم و شكرا
طبعا وجهة نظرك سليمه
بس انا بسال عن الفكره نفسها و مدي جدواها و قابليه تنفيذها كنوع من انواع الدراسه المبدايه

و عموما فلنفترض ان القطع هتبقي اعتماديتها كويسه مش زي الاصليه طبعا لكن معقوله و طبعا ده هيفرق في سعرها برضه

فكرتك باستيراد قطع الغيار الاستهلاكية السريعة ده فكره لا باس بيها و هبقي اطرحها علي الاداره

و شكرا ليك مره تانيه

**Eslam.Elrefaey** · 28-06-2011 04:59 PM

المشاركة الأصلية كتبت بواسطة horas3000

و عليكم السلام يا زعيم و شكرا
و يا سبحان الله
اهو الشركه متخصصه في استيراد قطع غيار المازيراتي تحديدا
فشوف ناقصك ايه و بلغني و انا حاضر
و متقلقش قطع الغيار كلها معتمده من مستر مازيراتي شخصيا
ههههه

انت بتتكلم بجد ولا بتهظر هل فعلن تخصص الشركة فى المازيراتى

هوا فى كام مازيراتى اصلا ماشيه فى مصر كلها

**horas3000** · 28-06-2011 05:45 PM

المشاركة الأصلية كتبت بواسطة egyptiandiver

ألف مبروك

الله يبارك فيك يا زعيم

المشاركة الأصلية كتبت بواسطة mahmoudselim

ربنا يبارك ويفتح ابواب الرزق من واسع ان شاء الله

قطع غيار السوبارو قليلية في مصر لاكنها موجودة وياريت لو في انتشار اكتر ليها
يعني اذ امكن تستوردا قطع الغيار دي تبقي ضربة معلم بصحيح

الف شكر يا زعيم
بس معتقدش ان انتشاره السوبارو يسمح باستيراد قطع غيار ليها بمعني ان مفيش جدوي من ده
بالاضافه الي و الكلام علي لسان مسؤول المبيعات في الشركه ملاك الياباني و الاوروبي العالي مبيغامروش و يشتروا قطع غيار الا الاصليه و دي زي ما قلنا بتبقي غالبا بايد التوكيل فقط

المشاركة الأصلية كتبت بواسطة eslam.elrefaey

انت بتتكلم بجد ولا بتهظر هل فعلن تخصص الشركة فى المازيراتى

هوا فى كام مازيراتى اصلا ماشيه فى مصر كلها

اكيد بهزر يا باشا
يعني انا بقول عايزين نجيب قطع غيار العربيات المنتشره عشان الجدوي الاقتصاديه و نقوم نجيب قطع غيار مازيراتي
ده كام مجرد رد علي مشاركه العضو maserati
و مستر مازيراتي باعتلك سلام مخصوص علي المشاركه ده ههههههه

-

-

الموضوع: الي اصحاب السيارات اللي بيعانوا من شح قطع غيار عربياتهم

LinkBack

أدوات الموضوع

عرض

الي اصحاب السيارات اللي بيعانوا من شح قطع غيار عربياتهم - انشر الموضوع فى :

-

-

-

-

المواضيع المتشابهه

الى اصحاب الخبرة فى قطع غيار كيا

مفاجأة للهونداوية اللي عايزين يحولو عربياتهم

لكل الناس اللي مأمنين علي عربياتهم....ممكن المساعدة ؟؟

لكل ملاك ال ps3 الي بيعانوا تعالوا نتحد معا

هل بتتعامل مع الناس اللي ماشيين معاك ع الطريق على أساس عربياتهم؟

الكلمات الدلالية لهذا الموضوع

المفضلات

المفضلات

ضوابط المشاركة