التقليد عند الصينيين
عرض للطباعة
التقليد عند الصينيين
التقليد عند الصينيين
التقليد عند الصينيين
التقليد عند الصينيين
منقول
طارق ابو اسلام
أستاذ طارق
انت عضو في ليل السهارى؟
والله كويس جدا وده بيدل على الصناعه والقدره على المنافسه مع العمالقه من الالمان والامريكان واليابانيين
اقتباس:
المشاركة الأصلية كتبت بواسطة أبو عبدالله
انا مش معاك خالص يا ابو عبدالله
لان ده مش كويس المنافسة غير التقليد
المفروض لو هيا شركة كويسة بنفرد بموديلات جديدة وبصناعة كويسة
مش اقلد الشركات فى الشكل والعلامة كمان
اقتباس:
المشاركة الأصلية كتبت بواسطة sokasoon
اتفق معاك فى كلامك .... الصينين بيسرقو .. مش بيبتكرو ... ولغاية دلوقتى فى قضايا بين شيرى وجنرال موتورز علاشان الكيو كيو ... المسروقة من الماتيز
لا فعلا تقليد اعمى
دة غير الليونيسيل و الاكسبلوجين
بس بصراحة حرامية اصلي
دة كفاية العربيتين بتوع مسلمي
explosion and grand explosion
واحدة هيا هيا التيريوس القديمة
والجراند هيا هيا الفيتارا بس فرق العلامة
مش سايبين اى عربية الا ماعملوا شكل زيها ودة دليل انهم فى وقت قياسى هايوصلوا فى صناعتهم
انتوا بتقولوا الصينيين سرقوا و عملوا و قلدوا
والله برافوا عليهم قلدوا ماركات عالميه فى وقت قياسى
قولولى بقى المصريين عملوا ايه؟
ايه الأختراع الجامد جدآ اللى عملوه المصريين
دلوقتى كل حاجه بتتجاب من الصين
و كل الشركات العالميه بتتجه للصين و بتبنى مصامع هناك علشان العماله كتيره و رخيصه جدآ و كفأه عاليه
بس ده مش تقلييد بقى
يعنى يبقى الكاسيت سونى و بايونيير مثلآ بس مكتوب عليه صنع فى الصين
و ياريت لو حد عنده الخبره الكافيه يتكلم عن الصناعه المصريه و الأختراعات الجباره اللى عملناها
بدل مانجيب فى سيره ناس بتشتغل و بتشقى
النهارده بقلد يبقى بكره هعمل حاجه جديده
صح ولا غلط؟؟؟؟؟؟؟؟؟
ده بيدل على جمود الفكر و عدم القدرة على الابداع بالمرة....حاجة تقرف والله....بقى ده اسمه كلام يا عبد المعطي؟؟اقتباس:
والله كويس جدا وده بيدل على الصناعه والقدره على المنافسه مع العمالقه من الالمان والامريكان واليابانيين
عارف همة عاملين كده ليه؟؟؟
علشان مبيعرفوش يقولوا يا باسط.... :mrgreen: :mrgreen: :mrgreen:
المهم انهم عملوا حاجة--احنا كل حاجة حوالينا تقليد مضروبة حتى البنى ادميين-
دا مش تقليد
دي بجاحه
دة تقليد وقصر ديل من الاذعر
والله ناس عندهم طموح وياريت نقدر يبقى عندنا الطموح بتاعهم
ومش مهم انهم بيقلدوا ، المهم انهم بدأو
واول الطريق يبدأ بخطوة ...
:D :D :D :D
مع انى طبعا متضايق من التقليد بس كويس انهم بيحاولوا يجربوا فينا :mrgreen:
هيا دة سياسة التصنيع الصينية ولكن اسمحولى كوريا ايضا كانت تقلد والدليل هوا السيارة لانوس 1, او تعرفون سبب تغير الشنطة الخلفية الشيك للانوس 1 الى الشنطة الغريبة فى لانوس 2؟؟؟
السبب ان التصميم الخلفى للانوس 1 منقول من احدى موديلا جاجوار وتحديدا XK model 97
وهذه صورة للسيارة المقصودة وقد غيرتها دايو بعد رفع جاجوار قضية تعويض عليها...
http://www.mansoura.info/nilemotor/Xk.JPG
لما تقلد شنطه عربيه و ممكن تكون توارد افكار غير لما تقلد كل انواع العربيات دى و حتى الشعارات بتاعتها .... كده يبقى سرقه اكيده مش تقليد بس كمان , و عموما هو ده اللى الصين طول عمرها بتعمله التقليد فقط باسواء الخامات بدليل انهم من زمان كانوا بيقلدوا الماركات العالميه زى نايك و اديداس و لاكوكسبورتبف و و و و بأسواء خامات و عملوا كده حتى فى العربيات و برده بأسواء و ادنى الخامات و بعدين ماجبتش صور الأسبرانزا اللى برده متقلده ليه ؟؟؟ الضهر من عربيه و الواجهه من عربيه تانيه و الجنب من عربيه تالته هههههههههههه
الناس فهمتني غلط ولا ايه .............
ثم ايه يا مرسي انا مفيش حد عندي اسمه عبدالمعطي ولا ايه يا مرسي :mrgreen: :mrgreen: :mrgreen:
ملاحظة في تقليد صيني لعربيات كتير من أهمها اللانسر و التريوس و السيتي
اقتباس:
المشاركة الأصلية كتبت بواسطة sh_masry
صحيح يا شريف عندك حق تقليد شنطة ولا تقليد عربية بالكامل وياريت عربية دى عربيات كتير :evil:
ومش عارف الشركات اللى الصين مقلدة عربيتها ساكتة ازاى :?:
اولا لازم نكون محايدين وبلاش الهجوم بلا مبرر على دولة سوف تكون من الدول العظمى قريبا...
اولا ادخل دلوقتى اى توكيل ملابس رياضية زى نايك واديداس وليكوك سبورتيف ( ماركتى المفضلة ) وشوف البضاعة صناعتها ايه وطبعا انا بتكلم عن الكوتشيات مش على الملابس هتلاقيها كلها صنع فى الصين مع ان الماركات نفسها من اصول مختلفة, معظم الشركات الكبرى تتجه الى نقل مصانعها الى الصين نظرا لقلة التكاليف وتوافر العمالة وامكانيات الشحن المتوفرة والرخيصة....
بالنسبة لسؤال سوكا هقولك ان شركة سيارات صينية انتجت سيارة لامبورجينى صينية بنفس العلامة ولم يتسطع احد منعه لان الدولة تكفل له الحماية اللازمة ولك ان تتخيل انهم يعيشون فقى دولة تحميهم حتى وان كانوا مخطئين, يا اخى دول سئلوا الرئيس بتاعهم عن الموضوع دة قالهم انا عندى مليار وشوية اجيبلهم اكل منين سيبونا فى حالنا :mrgreen:
هما اغبية بس "عارفين ياخدو افكار وتعب الناس من برة بلدهم" ويعملوها بربع التمن " سرقة " .. واحنا للاسف اكثر غبائا و" بنحاول نضحك على بعض ونخطف الحاجة من ايد بعض " - " ونوهم نفسنا اننا عندنا صناعة . وبلاش تقارن الصين بمصر علاشان مافيش وجة للمقارنة . , ممكن تقارن الصين ب كوريا او ماليزيا او سنغافورة " اى دولة من التلاتة متفوقة فى جزئية الجودة بمراحل عن الصين وعلى الاقل مش بيسرقو افكار وتصميات وتعب ناس - وشقى ناس زى ماحضرتك بتقول - " .. انا معاك انهم عملو حاجة وبقى ليهم كلمة فى العالم .... بس مش معايا انهم معندهومش ضمير .. صناعتهم رديئة . ودية الجزئية الى بنتكلم فيها . :roll:اقتباس:
المشاركة الأصلية كتبت بواسطة vooooo
اقتباس:
المشاركة الأصلية كتبت بواسطة Abdallah
يعنى يقلدووزى ما هما عايزين
ويقلدو العلامات زى ما هما عايزين
معتقدش ان كل الشركات الكبرى العالمية هتسكت على كده
وبعدين موضوع مصر ده والله يا اما اعمل حاجة مظبوطة وشكل جديد مش تقليد
وصناعة كويسة مش مهم تكون رخيصة احسن ما اعمل حاجة متقلدة ورخيصة
بس احنا هنا بنستسهل بنستورد على طوول مش بنفكر نصنع
اتفق معاك مليون فى المية ...... دة الكلام الى المفروض يتقال ...اقتباس:
وبعدين موضوع مصر ده والله يا اما اعمل حاجة مظبوطة وشكل جديد مش تقليد
وصناعة كويسة مش مهم تكون رخيصة احسن ما اعمل حاجة متقلدة ورخيصة
يأعمل الحاجة صح يا معلملهاش اساسا :roll:
دة كلام وخلاص يا جماعة -يعنى مش هو دة اللى بيحصل -يعنى هل احنا فعلا مميزين فى اللى بنعملة طبعا -لا- وحتى الحاجة اللى تقفيل بس مصرى كلنا بنبقى قلقين منها وحاطين ايدينا على قلوبنا ومابنصدقش بسهولة ان فى حاجة صناعة مصرية او تقفيل مصرى مضمونة --يبقى لا احنا رحمنا ولا سيبنا رحمة ربنا تنزل -لا عجبنا شغل غيرنا تقليد كان او ابتكار ولا احنا انتجنا حاجة تعوضنا --ذكاء الانسان المصرى بطبيعتة وبفطرتة يفوق كل الناس دية--- بس فين ؟؟؟ :?:
يا استاذ جنيدى
اسباب سوء التقفيل المصرى
1- السيارة مش مصنعه فى مصر بالتالى مافيش علم جيد بالسيارة المجمعة
2- سرعة التقفيل وهيا ان كمية العربيات المطلوبة من المصنع لازم تطلع فى ميعادها
وبالتالى بيبقا فى سرعة فى التقفيل يعنى بيبقا كروتة وكل عربية مش واخده وقتها فى التقفيل وده بيأثر طبعا
3- طبعا قلة الوقت المتاح للتقفيل بالتالى مافيش وقت لعمل TEST اختبار للسيارة للتأكد من ان السيارة تمام و التقفيل مظبوط 100 %
يا جماعه الله يهدينا جميعا لحظة هدوء .................................................. ......................... شكرا
دلوقتي حصل غلط بين الصناعات وبعضها ياريت نقدر نفرق بين ان الشركات الكبيره اللي لها اسم مثل اديداس ونايك وكل ده انهم عاوزين عماله بسعر منخفض وبين الصناعات الثقيله .................. دي خياطه ودي انتاج خامات تستحمل حراره عاليه تحت ظروف شديده وده بيبان في حاجات زي تروس الفتيس بتاع العربيات والمواتير والحاجات الميكانيكيه بحته مش كرسي كويس ولا زرار ولا لمبه ولا صاج خارجي ولا اي حاجه من دول دول دلوقتي في هذا العصر بقت حاجات هايفه اي حته في العالم دلوقتي ممكن تعمل الحاجات دي يعني مش محتاجه افتكاسات .....................................
يا جماعه الصناعه دلوقتي بقت مختلفه كتير صنعوا عربيات ولكن الموضوع بقه في حاجات اكبر من انك تركب وتصنع عربيه تبقى واقفه امامك وخلاص ........................ لأ دلوقتي في معالجة عوادم الماتور زي اللي موجوده في مواتير دايهاتسو كلها الجديده
في استجابة الماتور لضغطة دواسة البنزين اذا كانت قويه تجري واذا كانت خفيفه يقلل استهلاك البنزين ...........
في العربيات المحترمه دلوقتي عمرك ما تلاقي في حاجه في الفتيس بل بالعكس هتلاقي الفتيس أخف حاجه ممكن تعملها ولا الدركسيون هفوه تحركه .............. وهو ده التقدم هما مش هيعملوا عربيه هتطير ولا حاجه وانما التقدم بقه في حاجات كانت قبل ذلك فيها مشاكل ................... وده اللي الصين لسه فيه يعني الموضوع مش من يوم وليله يعني ...........
يعني انا مش قادر افهم هو هو مين المعجزة اليابان اللي اضربت بالنووي واتساوت بالارض وفي خلال كام سنه بقت بتنافس اللي ضربتها والعالم كله في التكنولوجيا والصناعات الثقيله بجميع انواعها كلها ........ وقدمت جديد للسوق العالمي ولم تقلد الامريكان وانما كانت بتطلع حاجات جديده انتم مش عارفين مين اللي بيقلل حجم الشرائح الألكترونيه في العالم وخله الكاميرا في الموبايل ........ انتم مش عارفين يعني ايه كاوزاكي في المعدات الثقيله والموتسكلات بجميع انواعها
انتم مش عارفين يعني ايه ماتور هوندا ..... أقوى ماتور في العالم
انا يا جماعه عاوز يكون الموضوع أعمق من انه يكون كلام وخلاص
الشانيور الصيني عمره ميشتغل عدد ساعات زي الشانيور الالماني ..... عمره
طب تفتكروا المشكله فين المشكله ان الصناعه هنا مش انك تصنع شانيور وخلاص ..... لأ احنا عدينا المرحله دي خلاص في الصناعات انما المشكله الحقيقيه انك هتعمله من اي خامه تقدر تعيش اكتر وتستحمل اكتر وتكون تكلفتها معقوله وهو ده الانجاز ..............
وياريت يكون كلامي وصل ان شاء الله
اقتباس:
المشاركة الأصلية كتبت بواسطة أبو عبدالله
كلام مظبوط يا أ/ابوعبدالله
وفعلا الصين بتقلد بس بتقلد بس صناعة مش قد كده
يعنى الخامات خامات رخيصة وغير معمرة (ماتستحملش مع الوقت)
يعنى لو حسنت الخامات بتاعتها وبقت جيدة هيبقا فى كلام تانى
انما هيا بتعمل كده علشان مبيعاتها تزيد واهم حاجة عندها الشكل الجذاب
ل مش كده بس يا أخي وانما مش من السهل انك تقدر تنتج خامه بمواصفات معينه
مثلا انت عارف مشكلة الشاسيه بتاع العربيه ايه هو خامته ............. خامته هي السر
الصين ممكن تقلد اي حاجه ولكن الخامه علشان تنتجها هي دى دلوقتي في هذا العصر المعلومات موجوده ولكن اللي يقدر ينتج الجديد
اليابان يا جماعه من وقت قريب كانت بتعمل هيا الكاسيت والتلفزيون والحاجت دي دلوقت قلتلك احنا هنضيع وقت المصانع في انتاج الحاجات دي وخلاص زي ما الصين بتعمل دلوقتي راحوا مطلعين كل الصناعات دي خارج اليابان لتايوان لأندونيسيا وماليزيا وقالك احنا ننتج الحاجات المتقدمه ونشغل المصانع بابتكار الجديد ولأجهزة صغيرة الحجم وشغلوا انفسهم بالأبتكار بالجديد وتصغير الاجهزه اليابان دلوقتي علشان تلاقي حاجه صنع في اليابان هتلاقيها لقطع غيار لحاجات دقيقة الحجم والعمل لحاجات فيها تقنيات عاليه جدا
شوفوا كده وبالله عليكم قولولي مكنة ايه ده ولو مكنه صيني ينفع يتعمل فيها كده
تشتغل بالميه
[youtube]http://youtube.com/watch?v=uyAwFw0eXwE[/youtube]