محتاج دولار اجيبه منين ؟

**sayed911** · 28-06-2011 02:15 PM

بسم الله الرحمن الرحيم

السلام عليكم ورحمة الله وبركاته

اخواني الأعزاء معلش انا محتاج لكم في حاجة مزنوق فيها وعايز مساعدتكم !! انا ناوي ان شاء الله آخذ كورس في الصيف بعون الله وهوة ها يتكلف حوالي 300 دولار !! انا حسبتهم لقيتهم حوالي 1788 !! عايز بقى اعرف اجيب دولار منين في القاهرة اخوكم ابيض يا ولاد خالص :d :d
اجيبه من بنك ولا من صرافة وهل ها اوجه مشكلة من اي نوع ولا الوضع ها يبقى ايه ؟
لازم اقد ورق اني طالب في كلية تابعة لجامعة الدول العربية والدفع فيها بالدولار ولا ها يبقى الوضع ايه ولا اروح ومعايا الفلوس اديلو الفلوس واقوله عايز دولار ولا الوضع اي يا جماعة معلش انا تقلت عليكم ولكن انا فعلا محتاج المساعدة عشان محتاج الفلوس بأسرع وقت على بعد بكرة ان شاء الله فلو ها اروح اروح بكرة بقى ..

**sayed911** · 28-06-2011 02:18 PM

نسيت اقول اني اقرب حاجة ليا مدينة نصر ومصر الجديدة !! فلو حد يقولي اعمل ايه كخطوات يبقى كسب فيا ثواب :d

**madyyuri** · 28-06-2011 02:22 PM

هههههه ضحكتني بجد يا بو السيد

فكرتني يأيام زمان أيام السوق السودا

لو انا مفهمتش غلط، فانت عايز تشتري دولارات، بص يا ريس اي بنك قريب منك اوي شركة صرافة روح قولو عايز اشتري 300 دولار هيدهمولك وياخد منك القيمة بالمصري عااااااااااادي جداااااااااااا مفيش اي مشكلة

**mahmoudselim** · 28-06-2011 02:34 PM

ممكن تستناني ليوم السبت انا والدي باعت مع واحد صاحبة دولارات من برة علشان اغيرهم واخلص الحاجات الباقية في شغل البيت ال بقالوا 100 سنة بيتبني دا . ولو عاوز اكتر انا ممكن اظبطك فيهم برضوا. ولو مستعجل روح اي محل صرافة او بنك واسئل سعر الشراء بكام وشوف انسب سعر ليك واشتري مفهاش اي مشاكل.

**fepsceasar** · 28-06-2011 02:43 PM

حدد الزمان والمكان بس المبلغ كبير حبتين ادينى اسبوع على ما المهولك من السوق الاخضر شاحح اليومين دول
فكرتنى بافلام التمانينات عوز اخضر على كام
عادى يافندم ممكن تبيع وتشترى دولارات زى ما انت عايز من بنك من صرافة ولا حد هيقولك تلت التلاتة كام والصرافات اصلا رابطة اسعارها ببنوك، مصر قامت بتحرير حساب راس المال من زمان

**fepsceasar** · 28-06-2011 02:44 PM

وعلى ما اعتقد انت محتاج فيزا لو هتدفع من الانترنت مش دولارات

**elbeheri** · 28-06-2011 03:30 PM

اى محل صرافة وما اكثرهم وسعر شراء الدولار حوالى 5.95 جنيه

**elbeheri** · 28-06-2011 03:31 PM

وسعر البع حوالى 5.98 جنيه مصرى

**egyptiandiver** · 28-06-2011 03:50 PM

من صرافة

**yoko** · 28-06-2011 04:13 PM

صرافة هتديك نسبة احسن بكتيير من البنوك و٣٠٠ دولار مش مبلغ خالص كتحويل

الموضوع: محتاج دولار اجيبه منين ؟

LinkBack

أدوات الموضوع

عرض

محتاج دولار اجيبه منين ؟ - انشر الموضوع فى :

-

-

-

-

-

-

المواضيع المتشابهه

شاحن البطارية - منين اجيبه

هيدروليك رفع الشنطه باظ اجيبه منين

منين اجيبه

اجيبه منين

فانوس الشبورة اجيبه منين ؟

الكلمات الدلالية لهذا الموضوع

المفضلات

المفضلات

ضوابط المشاركة