الموضوع: هو ينفع نعمل استفتاء على عدم استمرار بعض الأعضاء الجداد فى المنتدى

هوة في حل اسهل الا و هو التجاهل و ساعتها لما العضو دة ميلاقيش حد يعبرة يعرف ان مافيش فايدة
ربنا يقدرني و اعرف اتجاهلة
مش هوة دة الكلام ال سليم

أعتقد إن الإدارة عاملة رقابة جامدة

وكل يوم ألاقي واحد موقوف لدرجة إن الواحد بقى بيخاف يرد لحسن تكون كلمة في كلامه يعتبروها خروج على النص ويتوقف هههههههههههه

بس في رأيي ده مش الحل لأن إجراء زي ده ضد الحرية اللي كلنا بنحلم بيها

الحل
1- اللي يغلط او يرمي أكاذيب بدون ادلة يتم تنبيه الإدارة والإدارة فيها مختصين إما هيوقفوه أو يطالبوه بالأدلة وعرض المراجع التي أخذ منها أو يردوا عليه لأن في الإدارة ناس متخصصين على فكره في أمور كثيرة منها الدين

2- اي مسلم أو مسيحي أو غيره يا ريت لما يعلق يكتب عن علم مش يكتب أي رد وخلاص
يعني مش لازم تكتب تعليق لو ما عندكش رد قوي وكمان النت مليان مواقع فيها ردود على كل قضية مثارة فلو الواحد حماسه لح عليه فممكن يبحث عن رد مقنع ويكتبهولنا علشان كلنا نتعلم منه

3- انا باستأذن الإدارة إنه في حالة واحد أثار قضية أو شبهة دينية إن لازم تسمحلنا بالرد عليه قبل ما تغلق الموضوع وبعد ما كله يدلوا بدلوه اقفلوه براحتكم - وكمان طالما واحد أثار شبهة يبقى ما حدش يزعل من رد أي حد فينا طالما بالأدلة وما فيهوش أي شتيمه أو لفظ خارج - وزي ما بيقولوا على نفسها جنت براقش

4- اي شبهة تثار حول الإسلام او المسيحية أو اي إتجاه فكري آخر - إثارة هذه المواضيع والشبهات لها جانب إيجابي وهو إنه بيدفعك إنك تعيد البحث والتثقف في دينك وآرائك علشان يكون عندك حد ادنى منها
مش معقولة يكون الواحد اسمه مسلم أو مسيحي في البطاقة وخلاص وهو ما يعرفش أي حاجة في الدين
وزي ما بيقولوا الضربة التي لا تقصم الظهر تقويه

وأعتقد إن فيه فطاحل هنا في المنتدى ممكن يردوا على أي شبهة حد يحلم بيها


5- آخر ملاحطة باتمناها إن كل واحد يتعلم يبقى ولا مؤاخذة بااااااااااااارد جدا وهااااااااااااااااادي كده زي البريطانيين علشان يقدر يرد ويحاور

فظاع البريطانيين دول والله - عندهم برود أعصاب لا يقارن - يا ريت نبقى شعب بارد عصبيا وما نشوفش أي خناقات لا في الشارع ولا المنتدى

التشنج بيضر صاحبه

واللي بيغلط بيغلط في نفسه ومبادئه وبيسئ للي بينتمي ليهم

واللي عاوز يرد هيقدر يختار الألفاظ المناسبة والقوية والجريئة بس من غير تشجنج ولا إهانات لأحد

وأذكركم ببالحديث الذي أخرجه مسلم عن ابن عباس ـ رضي الله عنهما ـ قال: "قال رسول الله ـ صلى الله عليه وسلم ـ لأشج عبد القيس: أن فيك خصلتين يحبهما الله: الحلم والأناة". صدق رسول الله صلى الله عليه وسلم


تحياتي

بتحطوا نفسكوا فى مواقف بايخه

ههههههههههه