بسأل عن سخانات غاز

**MoHaMed HaMeD** · 28-06-2011 04:28 PM

السلام عليكم

كيف احلى ناس

نخش علطول ف الموضوع وهو انى الغاز دخل عندنا التجمع الخامس
والحمد الله والمهم اننا كان عندنا سخان غاز نيشناول جيبنو من بره سعه 5 لتر وبتوع الغاز قال مش ينفع لازم ع الاقل 10 لتر

دلوقتى بقى احنا فحيره عايزين حاجه كويس وتستحمب وليه قطع غيار متوافره وف نفس الوقت نوع نظيف ف ايه الاراء
سمعت ان فيه يونفيرسال واليمك وفيه نوع المانى نظيف اسمه فيليت
طيب بالنسبه لاسعار والاهم قطع الغيار ياريت تقدرو تساعدونى ف اقرب وقت

وشكرا مقدما

**MoHaMed HaMeD** · 28-06-2011 05:21 PM

فين الناس الحلوه

**تامر.محمد** · 28-06-2011 05:40 PM

ابعد عن اليونيفيرسال
:(

**تامر.محمد** · 28-06-2011 05:54 PM

المشاركة الأصلية كتبت بواسطة mohamed hamed

طب رأى سعتك ايه الافضل

مش هاعرف افيدك بصراحة في انهي افضل بس ممكن اقول لك على اللي جربتهم
في بيتي سخان مصانع حربية قديم
و في بيت اهلي سخان يونيفرسال حديث

السخان اليونيفرسال

عيبه الأساسي
على طول المياه تسخن اوي و مجرد ما تفتح البارد (و انت متخيل انك هاتظبطها) يروح فاصل و المياه تبقى باردة , فتضطر تقفل البارد , و تقفل السخن , و تفتح السخن تاني , فيشتغل السخان , و تبدأ المياه تسخن , و بعدين تسخن اوي , و و و , و بالتالي الاستحمام بقى عبارة عن حلقة شتيمة في السخان
بصراحة انا بالنسبة لي عيب زي ده لا يحتمل

المميزات
اشعال ذاتي و منظر كويس

سخان المصانع
العيوب
1- شغال على شعلة صغيرة , يعني بتولعها بكبريت او ولاعة , و بتسيبها والعة و بعد كده لما تفتح المياه بيشتغل لوحده
2- حجم كبير و منظر مرعب

المميزات
مافيهوش العيب البشع اللي في اليونيفيرسال