يارب....وياريت ارائكم وتفكروا معايا

**i_Am_Legend** · 28-06-2011 04:45 PM

ياجماعة انا بكرة عندى مقابلة فى شركة عربيات محترمة جدا جدا..المقابلة مع مدير التسويق نفسة ..انا من زمان وحلمى انى اشتغل فى مجال السيلز فى شركة عربيات محترمة

**Eslam.Elrefaey** · 28-06-2011 04:53 PM

ربنا يوفقك ان شاء الله

**i_Am_Legend** · 28-06-2011 04:55 PM

مكالمتى معاه كالاتى__حضرتك عايزين سيلز فى الشركة ..قالى اشتغلت قبل كدة فى شركة عربيات سيلز..قولتلة لا بس انا بحب المجال جد وعندى خبرة كبيرة فى العربيات ومع تريننج بسيط هاكون جاهز..قالى طيب تعالى يوم الاربعاء نقعد مع بعض.اتكلم معاه فى ايه ..حد عندة معلومات

**AboELsoud** · 28-06-2011 05:09 PM

اممممممممممممممممممم
بص يا باشا
انا رحت قبل كده معرض عربيات و قعدت مع واحد صاحب اخويا شغال مسئول مبيعات لمده اسبوع
المهم في المجال ده قدرتك على اقناع العميل يعني الراجل اللي هشغللك ان شاء الله عايزك اولا تكون بتعرف تتكلم و تقنع اللي قدامك بعد كده عايزك تكون فاهم في المجال
فأنت تركز على النقطه دي : انك بتعرف تقنع العميل و انك فاهم في اللي بتتكلم فيه
طبعا تكون واثق جدااا من نفسك لانك عضو في نايل موتورز :) :) :)
و طبعا بما انك حابب المجال ده (زيي بالظبط ) فان شاء الله تكون الوظيفه من نصيبك
ربنا يوفقك و ان شاء الله نسمع بكره خبر حلو :)

**i_Am_Legend** · 28-06-2011 05:28 PM

ربنا يخليك يا ابو السعود...ربنا يسهل بكرة يارب..الواحد فى حوارات الانترفيو دى بيقلب طفل فى۳ ابتدائى وبتنسى كل اللى فى دماغك..اعملة ايه طيب اقولة شوف مواضيعى على نايل موتورز مثلا ..ربنا يستر بجد يارب

**omar-saad** · 28-06-2011 06:00 PM

باذن الله خير
ووان شاء الله تكون الوظيفة من نصيبك
اهم حاجة انك تكون مقتنع بالحاجة اللى انتا بتششتغلها وبتحبها
علشان تدى فيها كويس
انتا تخش عليه وانتا واثق فى نفسك
وتوريله قدراتك ومعلوماتك على حسب الاسئلة واللى تعرفه
ولو الشركةة بتوزع نوع واحد ييبقى توريله انك فاهم فيها
وتحاول تعرفة انك هاتقنع الزبون اللى هايدخل بالعربية
وربنا يوفقك ان شاء الله

**aminibrahim** · 28-06-2011 06:48 PM

باذن الله من نصيبك

**i_Am_Legend** · 28-06-2011 07:06 PM

يارب ياجماعة..وان شاء الله اقدر افيد المنتدى والاعضاء اكتر واكتر بعد شغلى فى المكان دة

**sayed911** · 28-06-2011 08:12 PM

اتكلم معاه بإحصائيات وارقام ودلائل واقعية متديلوش فرصة انه عينه تبربش حتى خليه يبقى متشوق انه يسمع عندك ايه !! اقرب حاجة قوله انتا عارف انه مثلا السيلز مان العادي بإمكيانيات عادية ممكن يبيع في الشهر 10 عربيات مثلا !! في حين انه لو فاهم ودارس هوة بيرشح ايه ولو العميل ارتاحله تماما ممكن المعدل ده يعلى بأرقام كبيرة !! اتكلم عن انه اي سيارة ممكن يتم تسويقها مهما كانت سمعتها مهما كانت امكانياتها ولكن الفكرة في العميل والسيلز مان !! المهم انه يكون كأنه بيتفرج على برنامج مش على سيلز مان !! ونصيحتي اتفرج على توب جير اليومين دول الطريقة نفسها فيها ابهار للعميل :d

**virus2007** · 28-06-2011 08:34 PM

اى انترفيو فى الدنيا ما هو الا عبارة عن انك بتبيع نفسك للشركة

يبقى الخطوات اية :

1- ثق فى نفسك واتكلم بثقة

2- خليك هادى دايما واوعى تنفعل عشان احتمال يحطك فى اسئلة محرجة ويشوفك حتتصرف ازاى

3- حاول تبيع احسن حاجة عندك من مهاراتك وفكرك

4- اهتم بمظهرك جدا لانك حتشتغل سيلز اذن المطلوب حد شكلوا كويس مهتم بلبسوا وبيعرف يتكلم كويس فى نفس الوقت

اللبس طبعا بدلة كاملة بالكرفات ومتكنش بدلة مبهرة يعنى مش بدلة فرح لا بدلة عادية شغل

5- مفيش اكتر من كدة وسبها دايما على ربنا وربنا يوفقك ان شاء الله

الموضوع: يارب....وياريت ارائكم وتفكروا معايا

LinkBack

أدوات الموضوع

عرض

يارب....وياريت ارائكم وتفكروا معايا - انشر الموضوع فى :

-

-

-

-

-

-

-

المواضيع المتشابهه

سير كاتينه الشاهين عملها معايا (استرها يارب)

هتصيف فين السنة دي وياريت لو مكان في ألعاب معايا

معايا 30000 الف - اجيب فليشيا ولا اونو - رايك هايفرق معايا.

دعوة لله يارب اعدي...............يارب

عاوز ارائكم معايا في الاسترا سيدان 2009

الكلمات الدلالية لهذا الموضوع

المفضلات

المفضلات

ضوابط المشاركة