المطب اللعين

**تامر.محمد** · 29-06-2011 01:28 AM

احسن حاجة بصفة عامة تاخد المطب بزاوية
و لو عربيتك قديمة فكر تغير لها السوست

بخصوص العلايات , اوعى تعلي من قدام
و ورا انا عن نفسي معلي 1 سم بعلايات كاوتش , لكن طبعا الbody roll بتاع العربية واضح جدا

**Strong** · 29-06-2011 03:40 AM

لو الطريق زحمة مش هتقدر تعدي المطب بالجنب وغير كده العربية هتتكسر من تحت وهتتبهدل لو عديت المطب عدل
الحل الوحيد هو شراء علايات 3 سم 2 ورا و 2 قدام
كلهم 3 سم وانسى ان في مطب يدايقك وثبات العربية مش هيتأثر نهائيا واسأل مجرب ولا تسألش خبير وهتدعيلي
سعر العلاية الواحدة من 5 الى 15 جنيه حسب المحل

**mailo** · 29-06-2011 12:13 PM

ياجماعة ماهو لو الراجل وقف على المطب العربية مش هتنزل ولا هتضغط على سوست ولا مساعدين
يعني مش هاتهبط ولا هتحك فالمطب
ومش هيبقى محتاج تعلية ويخلي شكل العربية وحش وثبات أكيد هيتاثر

**tarek_2005** · 29-06-2011 12:34 PM

موضوع العلايات ممتاذ للي مش هيتعدي سرعة 80 كم / ساعة اما اعلي من كده خطر جداً لان العربية هتعوم وهتبقي فراملها اسواء ما يكون ولن تسعفه في اي موقف حرج
الحل للمطب نفض للي وراك وخده براحة وبسرعة منتظمة ولا تستعمل الفرامل ابداً اثناء النزول من علي المطب او الصعود له

**Ashraf_Ibrahim** · 29-06-2011 11:56 PM

كل واحد بيعتمد على تكنيك معين في تجاوز المطبات
عن نفسي بيكون قدامي خيار من اتنين
اما اني باخد المطب من اضعف نقطة فيه -دا لو فيه خلل في تصميم المطب نفسه ومش متساوي كويس-
او اني اخد المطب بزاوية بحيث عجلة تطلع والتانية تنزل وماخليش بطن العربية تحت رحمة المطب
بس لو مطب خرساني واقف -خازوقي يعني- هتبقا مضطر تاخدة بشكل مباشر وربنا يستر على العربية بقا
ايا كان متستعملش الفرامل لو انت اقتربت من المطب بسرعة ومش هتلحق تفرمل استخدم الفرامل بس اول ما العجل بتاعك يلمس المطب سيب الفرامل خالص عشان العربية تعدي المطب بأقل الخسائر الممكنة
وربنا يسترها علينا جميعا

**engaass** · 30-06-2011 06:30 PM

المشاركة الأصلية كتبت بواسطة msa142

عندى حل مؤقت عملته قبل كدا .. قبل المطب نزلت كل الى راكبين معايا لحد لما اعدى وبعد المطب يركبوا .. بس مبعملش الحركة دى الا فى صحابى المخنوق منهم بس .. وسعات بعمل ندل و اخلع

واسيبهم فى الشارع ههههههههههههههههه