الحمد لله اشتريت عربية شيفرولية لانوس 2011ls , و عندى شوية أسئلة:
1- هل العربية متلينة و لا لأ ؟
2- أنقل الغيار عند كام rpm ؟
3- أجرى بيها و لا لأ ؟
4- ايه هى الحاجات اللى تخرج العربية من الضمان؟
و أهم حاجة تدعولى ان ربنا يدينى خيرها و يكفينى شرها
عرض للطباعة
الحمد لله اشتريت عربية شيفرولية لانوس 2011ls , و عندى شوية أسئلة:
1- هل العربية متلينة و لا لأ ؟
2- أنقل الغيار عند كام rpm ؟
3- أجرى بيها و لا لأ ؟
4- ايه هى الحاجات اللى تخرج العربية من الضمان؟
و أهم حاجة تدعولى ان ربنا يدينى خيرها و يكفينى شرها
العربية محتاجة تليين اول 1000 كيلو متر
تنقل على 3
متزودش على 100 اول 1000 كم
الحاجات اللى تخرج العربية من الضمان انك تعطس جنبها
والف الف مبروووووك وربنا يديك خيرها ويكفيك شرها
ربنا يديك خيرها ويكفيك شرها ويباركلك فيها ومليون مبروك يامعلم
اولاً مرحباً بك في قسم الدايو
ثانياً الزملاء قاموا بالواجب
ولكن ليا ملاحظات لا تذيد علي الغيار اول 1000 كم عن 2.5 rpm وزي ما السرعة تجيب معاك مش مهم
اوعي تعمل اي حاجة دون الرجوع للوكيل لان اي حاجة تخرج جزء من العربية من الضمان
مثلاً الانذار يخرج الضفيرة من الضمان
واخيراً وليس اخراً
ربنا يكفيك شرها ويمتعك بخيرها ويخلف عليك بالخير .................. امين
ربنا يديك خيرها و يكفيك شرها ان شاء الله
انصحك لو تقدر تتصدق على الفقراء بنية ان ربنا يباركلك فيها و يكفيك شرها و يحافظلك عليها
و الف الف مبروك
ربنا يباركلك فيها ويديك خيرها ويكفيك شرها
الف مبروك يا باشا ومنور قسم الدايو
بس سؤال كده بخصوص النقلة على 2.5 ار بى ام بيبقى سرعة كام على الاول والثانى والثالث وهكذا علشان اللى جايبها زيرو ومش عندو ار بى ام
ربنا يكفيك شرها ويمتعك بخيرها ويخلف عليك بالخير
يا ريت تفيدوني اشتري جديد اللانوس و لا اللوجان
انا افضل اللوجان لكن قالوا ان قطع غيار اللانوس ارخص كتير و سهلة في تصليحها
ارجو رايكم لاني بجد محتار و خبرتي شبه منعدمة
بيقولو اللوجان افضل من اللانوس . بس موضوع قطع الغيار ده المفروض انك مش هتحتاج قطع غيار كتير فى فترة الضمان و هى ع الاقل 3 سنوات
على ما ييجى الوقت ده و العربيه تخرج من الضمان تكون قطع غيار اللوجان انتشرت و سعرها نزل و ممكن كمان اللانوس تكون اتوقف تصنيعها فى مصر
مش عارف بس حاسس ان اللوجان ممكن تكون افضل فى الزيرو لحضرتك
صلى استخاره و ربنا يوفقك ان شاء الله
الف مبروك ربنا يعطيك خيرها ويكفيك شرها
الف مليون مبروك
ربنا يكفيك شرها ويمتعك بخيرها
جزاكم الله كل الخير
انا بالفعل بصلي استخارة
اللي مخليني بفكر في قطع الغيار اني مبتدأ سواقة
عشان كده حاولت في الاول اشتري مستعمل لكن كان البايع غشاش و لكن ربنا نجاني و الحمد لله
مبروك يا باشا و ربنا يديك خيرها و يكفيك شرها و يستر طريقك ...
اشترى اللنوس عربية على قد فلوسها و يوم ما تيجى تبيعى مش ها تخسرى كتير و قطع الغيار و الصيانة برة التوكيل ارخص و اضمن من التوكيل
بالنسبة لللنوس بس كان ديما افتكر حكمة سواق عجوز عندنا فى الشركة بيقول يا شارى فكر فى يوم ما هاتبيع
و بالتوفيق ان شاء الله
تجنب الفرامل المفاجئة خصوصا فى الفترة الاولى
تجنب الحمولة العالية فى السيارة وبلاش تجر عربية اخرى فى فترة التليين
تجنب الطرق الوعرة والمطبات لأن القيادة فى هذه الطرق تخلق سحابة من الغبار الناعم الذي يمكن أن يسحبه المحرك من خلال فلتر الهواء وتقوم ذرات هذا الغبار أو الرمال الناعمة بالعمل كصنفرة بين الأجزاء المتحركة للمحرك.
تجنب المشاوير القصيرة فى فترة التليين لأن المحرك يأخذ مسافة طويلة حتى يمكن توزيع الزيت علي جميع أجزائه , فإذا كانت المشاوير قصيرة بإستمرار نجد أن بعض أجزاء المحرك لا يصل إليها الزيت نهائيا وسوف تتآكل سريعا.
فترة التليين يجب أن تكون فى مشوار واحد كلما أمكن ذلك أو عدة مشاوير لا يقل الواحد عن200 كم ولا توزع فترة التليين على عدة أسابيع.
سخن السيارة قبل ما تتحرك خصوصا فى فترة التليين والفائدة من ذلك هو انك بترفع حراره الزيت شويه لان الزيت لما بيكون بارد فيسبب اختلاف في وزن البساتم وده يؤثر على المدى البعيد في عزم السيارة .
بس اذا انت مستعجل وحابب تطلع بالسيارة من غير ما تسخنها يبقا متدوسش على طول وتجرى وخلي السيارة تمشى واحدة واحدة مسافة 2 كيلو مثلا .
لا تقم بالقيادة على سرعة واحدة لفترات طويلة , سواء كانت السرعة عالية أو منخفضة .ولذلك يجب تغيير سرعة المحرك لتليين المحرك بشكل مناسب.
لا تترك المحرك في وضع التباطؤ أكثر من 3 دقائق في المرة الواحدة.
كلما أسرعت في إنهاء فترة التليين كان ذلك أفضل لك ولماتور سيارتك
بعد ما تغير زيت الالف وتعمل الصيانة الاولى وتحط زيت 10او الاف 5000 كيلو حتلاحظ وتجد ان صوت الماتور بقا انعم , وادائه اتحسن الى الافضل واستهلاك البنزين بيتحسن للافضل فى الفترة الاولى من الالف الى 5000 كيلو.
منقول للافادة