ناوى اشترى لاب توب افيدونى يا جماعه

انا محتار جدا ما بين عدد 2 لاب توب و هما تبع شركه واحده
الاول اتش بى 620
التانى كومباك 620

الاتنين تقريبا فى نفس السعر 2600 جنيه مصرى
عاوز اعرف مين احسن فيهم لانى سالت فى كارفور قالى الكومباك احسن مش عارف قالى كده ليه مع ان اتش بى ماركه معروفه جدا
المهم الاتنين برده تقريبا نفس المواصفات بس برده لو حد عنده اى معلومات عان الاتنين ياريت يقولى

من الصور الاتنين شكل بعض الكومباك بتقلده

و كنت بتفرج على فيديو للاتش بى 620 و لاقيت ان الشنطه فيها شنطه بتاعته الاصليه و عليها شعار اتش بى فهل ده صح لانى قولت ان ممكن هو اللى عملها كده ووضعها
طب شوفت فيديوهات كتيره و لاقيت نفس النظام
لو بقى حد يعرف يقولى و كنت سامع ان الاتش بى بيسخن بسرعه جدا الكلام ده صحيح و لا لا

من الاخر عاوز اعرف مين احسن اشتريه و يعيش اكتر لان شغلى كله نت فى اغلب الوقت

و كمان عاوز اتاكد من حاجه الاتنين فيهم wifi و لا لا لان عندى شبكات كتيره
و جزاكم الله كل خير
معلش طولت عليكم بس انا لسه اول مره اشترى فيها لا ب فى حياتى و معنديش خبره اوى فيهم

ايه يا جماعه معقوله مفيش حد رد عليا لغايه دلوقتى لانى محتار جدا و على وشك الشراء عاوز اعرف مين احسن يا ريت لو اى حد يرد عليا بسرعه و جزاكم الله ك ل خير

على حد معلوماتي البسيطة الكومباك من إنتاج اتش بي ... مش متأكد أيهم يعتبر الأعلى كفائة ... بس على قد ما اتذكر الإتش ي البراند بيبقى أغلى شوية لإنه بيتعمل من مكونات أغلى نسبيا زي السطح الألومينيون وخلافه والله اعلم

من راي الشخصي لا دا ولا دا بصراحة
بس لو احسن الوحشين كومباك لانة على حد معلوماتي انه امريكي وياريت تسال متخصص احسن لو تعرف حد تثق فية في مول كومبيوتر ياريت

طب ليه و لا ده و لا ده حلوين

شوف يا اخى
مش حتفرق كتير انه اتش بى او كومباك
لأن الشركتين في بينهم شراكه والإتنين بنزلو من نفسى المصدر Made in China
طبعا مصنع اتش بى
المهم الفرق اللى ممكن تقدر تحكم عليه هو المواصفه
خد المواصفه الأعلى
وبشكل عام الماكينة الإتش بى والكومباك والديل فى نفس المستوى والأعلى السونى والأعلى منهم الآبل
وطبعا شوف المواصفات وصلى استخارة وتوكل على الله
وموفق ان شاء الله

Can we know the Specs of the two Labtops

طيب ايه هي المواصفات المعروضه عليك
1-البروسيسور
2-الرام
3-الهارد
4-حجم الشاشه 14 ولا 15 وled ولا ايه
بس عموما الاتنين لو نفس المواصفات ونفس مده الضمان ... اختار الي يريحك فيهم لانهم نفس الشركه
بس زي فكره oem

لو عايز قوة تحمل ابعد عن اتش بى و كموباك لان اعطالهم كتير

قوة تحمل : ديل او لينوفو

ياتري ايه الاخبار

اقتباس:

---

المشاركة الأصلية كتبت بواسطة tamerosman

لو عايز قوة تحمل ابعد عن اتش بى و كموباك لان اعطالهم كتير

قوة تحمل : ديل او لينوفو

---

ايه اللى حضرتك كاتبه ده
معايا كومباك 610 من سنتيتن ونص والله بزحفه واقفله برجلى وشغل مواقع وهبد وشغال زى الفل لحد دلوقتى ومقلش بم

كملهم ل 3000 وهات لاينوفو
عشان يستحمل معاك
الكومباك مشاكلة كتير وبيسخن وقدامي كل شوية جهاز كومباك الاقية بيتصلح في شركة واحد صحبي ..

زودهم 250 و هات فوجيتسو 530 شركة يابانية و الجهاز المانى التقفيل بس فيه بعض المكونات صينى و ضمان سنتين

http://www.gadgetfolder.com/wp-........l-Notebook.jpg

انا لسه شارى ديل n5010 كور اى فايف
جهاز روعة بس غالى شوية

انا لسه شاري asus

Asus A42f-VX238,Asus A42f-VX238 ط§ظ„,Asus A42f-VX238 ظ„ط§ط¨ طھظˆط¨,Asus A42f-VX238 ط´ط±ط§ط،

اشتريته من تكنولوجي مول 2700 جنييه
وزودت 2 جيجا رامات ب 150
جهاز كويس جدا
بس 14 انش

متابع

ناصيحة لازم تعرف انت محتاجة لية وانت تحدد الموصفات حسب احتايجك
هل عاوزة لشغل جرافيك عالى؟
هل عاوز جهاز سريع وخلاص علشان تكتب علية؟
هل عاوز للنت وخلاص ؟
يا اخى العزيز كل واحد حسب احتياجة
انا عن نفسى اخدت مهندس كمبيوتر معايا وانا رايح اشترى اول جهاز لية كان من 3 اسابيع من كارفور
اشتريت HP Pro book s4520 سعرة كان عالى شوية كان 4555 +(انتى فيرس AVG+شنطة اصلى+ اشتراك 3شهور DSL+روتر+تركيب مجانا)
دة جهاز فوق الممتاز
فكر واختار وانا ارشح لك HP -Dell