الموضوع: مين يعرف حد متخصص تصليح علبة الباور

القصة باختصار " عندي تسريب في زيت الباور" وده بيعمل مشاكل وزاد عن الاول اوي وبقيت بزود كل يوم تقريبا
" فجبت طقم اصلاح الباور ستيرنج " وعاوز حد محترم يفك ويركبو لانو فيه gasket kits كتير فانا مش ناوي افك العلبه واعمل البوش او التروس لا مجرد طقم الاصلاح " لاني عارف لو فكوها هتخرب " كل حاجه بتتفك بتخرب فالبلد دي كلو بيفتي فطالما هي على قفلت بلدها خلاص " بدال قفلت عم احمد "
وانا كل الي حواليا كل ما اروحلهم بيعملو فاهمين ويبوظو حاجات تانيه ومحدش فيهم متخصص فالموضوع ده
فلو حد يدلني على مكان كويس ولو حتى مركز صيانه لكن يكون متخصص في الباور وفاهم بيعمل ايه

وكمان المشكلة التانيه ان بعد ما الغراب او كوع علبة الدركسيون pitman arm بعد ما بقه ناعم وبقه بيرجع لما اسيب الطاره الزيت بقه بيشر وبتاكل زيت اكتر من الاول

انا ساكن في الهرم فلو قريب مني يكون افضل ولو حتى فالقاهره مفيش مشكلة بردو
لاني تعبت من الصنايعيه " بيعوصو العربيات " وخدوش وقرف " ولازم ميمعلش الحاجه كامله " لازم يسيب حاجه تبهدلك لما تمشي ده غير انهم بيحبو الاستسهال يعني لو قدامو حل مثلا هيظبط العربيه لكن هيتعبو يطلع حل تاني " ناس مش بتحب تشتغل ولا تتعب نفسها "
وفالاخر يشمط الواحد في السعر
فطالما الواحد كده كده هيكع يبقى يحافظ على عربيتو احسن ويروح لمكان مضمون " نصيحه للجميع "

اتمنى تفيدوني بمكان كويس