عارف احلي حاجة فيك ايه يا استاذ احمد
انك تصورت الموقف
ثم بنيت عليه السؤال بتاعك
طيب تعالي كده نحلل انا و انت الموقف بأسلوب تاني
و نقول انه ممكن يكون فيه احتمالات تصعيد للموقف حاليا من قبل بعض الاطراف اللي اكتشفت انها ليست صاحبة شعبية في الكيان الشعبي
و ارادت ان تستغل الحادث فقط
يعني الموضوع كان كده كده عفوي (( تم اعتداء حقيقي علي احتفال في مسرح الباللون )) و العجيب ان الاحتفال بتنظمة جمعية خاصة مش الشرطة و فيه ناس (( محدش يعرف دول مين )) و انا ظني بهم انهم من اهالي ناس ماتت ايضا بس لم تثبت التحريات انهم شهداء و بيحاولو من فترة كبيرة انهم يأخذو المزايا اللي عمال اهالي الشهداء يأخذوها
مش دي قضيتنا الان
المشكلة انه الواضح ان هؤلاء الناس اللي هاجمو الاحتفال تم القبض علي بعضهم و ذهبو بهم للقسم ( قسم عابدين ) و لما كان العادي دلوقتي ان لما حد يتحبس يروح اهله يطلعوه
فتم مهاجمة القسم و زي ما سمعنا مهاجمة مقر وزارة الداخلية
وواضح ان التليفونات و النت اشتغل و الجزيرة مشكورة و الاون تي في
و انزل يا عم و اضرب يا باشا (( طيب ليه بنضرب.... متسألش )) (( هو انت مش شايف بعنيك اتعميت مثلا...... شرطة يابني دي و لا مش شرطة )) (( لا شرطة فعلا )) طيب اضرب بقي مستني ايه لما يضربوك هما زي يوم 28
و و الله انا شفت واحد شاب في قناة العربية بيقول للمذيع يا استاذ كل الناس اللي واقفة دي اقسم بالله بتتفرج و محدش فيهم شاف حاجة
و اللي انا شفته ان العساكر اللي في الشارع دي ( بتنضرب ) من بدري بالطوب
و هكذا كثيرا من الروايات
و العجيب بقي اني ان شاء الله هجيب لكم كلام مرسل في رسائل خاصة من المدعو عمر عفيفي
اقسم بالله يا استاذ احمد انها مرسلة من يوم 26 بيقول فيها الحقو خزنو اكل و الحقو اشترو ادوية بعد كام يوم المعمعة هتبتدي و مش هنعديها و حاجات كتير كده و تسخين علشان شبه انقلاب عسكري
بس انا مستني اشوف المصادر علشان محدش يشكك في اللي احتمال انشره
ربنا يكرم مصرنا الغالية بالسكينة
م.حاتم السباعي