-
شهاده لوجه الله
السلام عليكم......
اخواني في الله ان بكتب الموضوع ده لشخص بجد يستاهل اني اشكره واعرف الكل عليه وهو الاستاذ المهندس خالد اسماعيل ورقم الهاتف 0102970564
القصه اني كنت ابحث عن سياره a4 والحمد لله جبت السياره وقبل ما اشتري رحت التوكيل الي موجود في غمره وعملت الفحص طبعا المبلغ كان غريب جدا طلبوا 680 جنيه
المهم النتيجه ان العربيه سليمه ومفيش عيوب طيب نتكل على الله ونجبها بقه
وبعد ما جبتها حاسس ان في حجات مش مريحاني فا دعبست في المنتدا شويه ولقيت ناس كتيره بتشكر في المهندس خالد فا كلمته واتفقت معاه على معاد ورحت وفعلا كان في حجات ورهالي و حل المشاكل الي كانت عندي والحمد لله كل حاجه بقت تمام
انا كنت متوقع ان بجد هاكوووووووع كتييييير في المشوار ده ولكن الحمد لله كان التعامل بامانه جدا وكل سؤال كان ليه جواب مقنع وخلصلي كل حاجه والحمد لله
حسيت بجد اني لازم اشكره واعرف التاس عليه
شكرا أ.خالد وربنا يباركلك في شغلك ............
-
ربنا يبارك فيه فعلا راجل محترم مش بيتاخر عن حد في المساعده
ويبارك لحضرتك في العربيه الجديده
-
ربنا يكرمه وياريت نعرف من حضرتك موديل العربيه وسعرها عشان نعرف اسعار السوق بس
-
الف مبروك على العربية - ربنا يملهالك بركة ان شاء الله -
وياريت تقولنا بقى ايه الحاجات اللي كانت عندك في العربية
-
ربنا يحفظه .. ويحفظك من كل سوء .. واكيد انت رجل ذو اخلاق جميله .. اخلاق دفعتك للشكر فى من يستحق الشكر فعلا .. بارك الله فيك.
-
السلام عليكم ربنا يباركلك فيها هو فعلا مهندس محترم وكمان الاخ سامح فاهم شغله
-
فعلا شخص محترم وباين علية خبرة
-
طيب بمناسبة شهادة الحق انا لسة رايح لمهندس خالد اول امبارح وبصراحة اقل ما يوصف انه راجل فاهم ومحترم ومؤدب وشاطر وحجات كتير اووي ومنها انه ميش جشع والمعالمة المادية معاه مريحة جدا .. حقيق جزاة الله خيرا
-
dr_napster ربنا يباركلك فى عربيتك وأؤيد كلامك فى وصف المهندس خالد اسماعيل بتاع الواحة اللى فى الحى العاشر اللى كان فى ارتوك اوتو فعلا هو راجل مهذب جدا وامين جدا وفاهم شغله جدا ربنا يباركله فى هذه الايام المفترجة
-
ربنا يبارك لك فى عربيتك ويكفيك شرها ويزيد من أمثال المهندس خالد
Content Relevant URLs by
vBSEO 3.6.0 PL2