ماذا تتوقع من موبينيل؟؟

**eng.m7md.ali** · 29-06-2011 12:35 AM

سؤال جيه في بالي
بعد مقاطعة شركة موبينيل
اكيد طبعا الاسهم هتبقى في النازل زي ماحنا عارفين
والشركة هتخسر كتير جدا
يجي ساويرس يشتري اسهم جديدة ويكبر حصته في الشركة
ويقدم عروض كلام ببلاش ونت مجانا ومسابقات واشحن 5 كروت تدخل سحب على عربية ميني كوبر مثلا

تفتكرو بعد كل ده هل الشركة هترجع تاني زي ماكانت ولا الارباح تزيد ولا هتقل؟؟
شاركني برايك

**AboELsoud** · 29-06-2011 12:43 AM

لو ده هدفه من اللي حصل
يبقى الحل سهل جداااا
محدش يرجعله حتى لو عمل الدقيقه بقرش صاغ و كده هيخسر اكتر

**matrix_it** · 29-06-2011 12:47 AM

اعتقد انهم ممكن فى الوقت الحالى ينزلوا عرض جامد لو وجدوا ان فى هبوط عندهم بس برده انا عايز اقول على حاجة ان لسة فى مسلمين مغيروش موبينيل و ان الاخوة المسيحيين معتقدش انهم ممكن يغيروا الشبكة
فا انت تقدر تتكلم فى نسبة من 25% - 30% هما اللى غيروا هذى هى توقعاتى

**sayed911** · 29-06-2011 12:51 AM

ها يعملوا زي المعلم ابو لبدة :d :d جاب ورا :d :d
حاجة من اتنين !!! يا اما ساويريس ها يطرح اسهمه في موبينيل للبيع حفاظا على الشركة من الإنهيار لو استمرت الأزمة او ها يطلع يعتذر تاني على توقعي ..

**eng.m7md.ali** · 29-06-2011 12:57 AM

المشاركة الأصلية كتبت بواسطة sayed911

ها يعملوا زي المعلم ابو لبدة :d :d جاب ورا :d :d
حاجة من اتنين !!! يا اما ساويريس ها يطرح اسهمه في موبينيل للبيع حفاظا على الشركة من الإنهيار لو استمرت الأزمة او ها يطلع يعتذر تاني على توقعي ..

طيب تفتكر مثلا ممكن يبقى صاحب الشركة بي بطريقة غير مباشرة؟؟ اقصد يعني بيع صوري؟

**fineart607** · 29-06-2011 01:14 AM

اخبار مصر – شركة موبينيل تخسر في يوم واحد أكثر من 2500 عميل
تم الحصول على معلومات تفيد بأن شركة موبينيل والتي يمتلكها رجل الأعمال نجيب ساويرس تم تحويل أكثر من 2500 عميل من عملائها إلى شركات آخرى وهذا فقط في يوم واحد وهو الأحد الموافق 26 يونيو 2011
وهذا الرقم يعتبر رقما كبيراً بالنسبة ليوم واحد هذا بالإضافة إلى العملاء الذين حولوا إلى شركات آخرى بدون الإتصال بشركة موبينيل أي بشراء خطوط آخرى

**misoalex** · 29-06-2011 01:15 AM

عادى المصرين بينسو بسرعه

وهو حيعرف ازاى يصالح الشعب المصرى وكل الحبيبه حيسامحوه على اللى عمله بمنتهى السرعه

ولو مش مصدق شوف كام واحد حواليك مشترك فى الخاصيه بتاعه من 12 باليل ل 6 الصبح وانت تعرف ان الشركه ولا حتقع ولا حاجه
الموضوع زوبعه فى فنجال (حلوه زوبعه دى )

**ahmed-moga** · 29-06-2011 01:18 AM

عرض موبينيل الجديد الخاص باليو اس بي مويم او عن طريق الموبايل انترنت وخصم جنيه دخول السحب علي عربيه شيروكي من بين 20 عربيه
وطبعا الهدف معروف

**ghazy12** · 29-06-2011 01:26 AM

ساويرس بيلعب على ان الشعب المصري طيب قوي, و بينسى بسرعه, و يهمه الشئ اللي يوفر معاه و ده عادي...

و بالتالي... رأي انه بعد ما يعمل اللي في دماغه, و يشتري اسهم موبينيل بعد ما ترخص و يكبر حصته
هيبقى كده هو كسبان من الناحيتين... هيكبر حصته, و هيرجع سعر السهم تاني لما كان عليه...

بعد كده هيبدأ بخطة تسويقيه جهنميه من اللي تجذب اجدع مقاطع و ترجعه تاني عميل موبينيل,
و هيقدر فعلاً يجذب جزء من الناس اللي قاطعت, بس مش كلهم لان في ناس مصره و فاهمه تفكيره كويس...

و عليه... اللي عايز يخسر ساويرس و يعرفه غلطه و يديله درس ان المسلمين و الاسلام مش وسيلة
او اداة يستخدمها وقت ما يحب و يوظفها في سبيل مصالحه الشخصيه و الخاصة بالبيزنيس بتاع سعادته,
و يفهم ان مش معنى ان المسلميين اغلبيه يبقى يلعب على مشاعرهم و دينهم لان هما المحرك الاساسي
لاشياء كتييير بحكم اننا اغلبيه و لا يمكن نسمح بأي مساس او تهكم على ديننا من اي شخص مهما كان,
يبقى لااااااازم نفهم هدفه و لااااااااازم نكون كلنا على قلب رجل واحد و يكون لينا موقف واحد ثابت و مستمر...

اللي يفهم دماغ ساويرس, يعرف يلاعبه بطريقته و اسلوبه المبني على اساس مادي و اقتصادي و مصلحته و بس...

ده رأي الشخصي بشكل عام...

-

الموضوع: ماذا تتوقع من موبينيل؟؟

LinkBack

أدوات الموضوع

عرض

ماذا تتوقع من موبينيل؟؟ - انشر الموضوع فى :

-

-

-

-

-

-

المواضيع المتشابهه

سؤال x مسابقه = ماذا تتوقع لمحاكمه القرن ( قماذا تتوقع لمحاكمه القرن ( قضيه مبارك )

اختبار امان البيتلز القديمة ... ماذا تتوقع ؟؟

ماذا تتوقع لتوكيل رينو بعد وفاة نصير

الكلمات الدلالية لهذا الموضوع

المفضلات

المفضلات

ضوابط المشاركة