ياجماعه انا نويت اشتري تيريوس Glx ان شاااء الله وشايل هم الكماليات المهمه زي ديفيندر كامل وغطاء استبن معدني وعاوز اعرف في ناحسن مكاااان الاقي فيه تشكيله واسعه وخامااات ممتااازه .. انا سألت في التوكيل قالولي مركز الخدمة اللي في العبور بس خايف يكون فيه مكان تاااني أرقى ..
وعاوز اسأل بالمره عن انضف سماعاااات واجهزة صوت هل هي Alpine ولا فيه غيرها ؟؟
ومش مشكلة السعر وياريت يكون أصلي .. ولو فيه حاجات تانيه قولولي عليها ..:)
جزى الله كل من رد علي وساااعدني الجنه ..
اقتباس:
المشاركة الأصلية كتبت بواسطة asdasdasd
+1
اضم صوتي لصوتك انا كمان عايزة اعرف كل حاجة عن الكماليات دي لأني عايزة اركبهم انا كمان
بس ممكن سؤال لحضرتك ؟ انا كنت عايزة اركب ديفندر بس هنا في المنتدى قالولي انه ممنوع وممكن تتسحب الرخص بسببه هل في حل تاني لإضافتهم عالرخص؟؟ ياريت حضرتك تقوللي حتعمل ايه ولا مفيهومش مشكلة ؟؟ يعني اركبهم انا كمان عادي ولا لأ ؟
بجد انا محتارة لأني شايفاهم مهمين قوي مع التريوس علشان سواقين الميكروباص والتاكسيات بيرخموا عليا في السواقة لما بيشوفو ان اللي سايقة دي بنت :(:(
انا اصلا جبت التريوس مخصوص علشان محدش يكسر عليا في الطريق :(
اشكرك على مرورك الكريماقتباس:
المشاركة الأصلية كتبت بواسطة اوان الورد
انا بصراحه حسأل على موضوع سحب الرخص دي الليله وحعرف من نسيبي وهو ظابط مباحث القصه بالتفصيل وهل ممكن استخراج تصريح ام لا وهكذا .. بس مبدأيا .. انا شايف امة لا اله الا الله كلها مركبين ديفيندر من اول الماتريكس مرورا آفانزا وتيريوس انتهاء بالجيوب الكبيره ..
وفي انتظار رأي خبراء المنتدى الكراااااام ..
انا أفضل انك تركبهم في الوكيل
لأنه بيبقى معاهم ضمان تركيب
غير انهم بصراحه انظف في التركيب كتير عن اللي بره مش هتضمنه
ده غير انه عنده اشكال كتير للتيريوس بالذات ومظبوطين على وش العربيه
حتى الغطاء المعدني عندهم
اقتباس:
المشاركة الأصلية كتبت بواسطة أبو عبدالله
طيب الأسعار عند الوكيل كام يا أستاذ أبو عبدالله بالنسبة للديفندر والغطاء المعدني والإنذار والريموت؟؟
و حضرتك رأيك إيه في موضوع الديفندرات وسحب الرخص ؟؟ (يعني بمنتهى الأمانة لو حضرتك مكاني حتركبهم وتتوكل على الله ولا مش حتركبهم بصراحة) وهل في امكانية لإثباتهم عالرخص؟؟
بصراحة انا بثق في رأي حضرتك بس بجد مش عارفة اسوق العربية وسط الكم الهائل من الميكروباصات والتاكسيات ده واللي بيعملوه فيا :(
اقتباس:
asdasdasd
اشكرك على مرورك الكريم
انا بصراحه حسأل على موضوع سحب الرخص دي الليله وحعرف من نسيبي وهو ظابط مباحث القصه بالتفصيل وهل ممكن استخراج تصريح ام لا وهكذا .. بس مبدأيا .. انا شايف امة لا اله الا الله كلها مركبين ديفيندر من اول الماتريكس مرورا آفانزا وتيريوس انتهاء بالجيوب الكبيره ..
وفي انتظار رأي خبراء المنتدى الكراااااام ..
شكرا يا أستاذ أسد على الاهتمام وياريت ربنا يكرمك ويجزيك كل الخير ياريت متنساش ترد عليا بعد ماتسأل نسيبك :o
هوه فعلا أمة لا اله الا الله مركبين دفندرات بس انا نفسي حد منهم يكون معانا ويقولنا هوه عامل ايه بيهم هل بيتعرض لمضايقات ضباط المرور بسببهم ولا لأ ؟؟ :confused:
وأضم صوتي لصوتك
:rolleyes: في انتظار رأي خبراء المنتدى الكرام :rolleyes:
استاذي ابو عبد الله مرورك شرفني والله ..اقتباس:
المشاركة الأصلية كتبت بواسطة أبو عبدالله
علم وينفذ يا باشاااا .. ان شاء الله اول ما استلمها على التوكيل عدل ونعمل احلى شغل هناااااك .. :)
ربنا ما يحرمنا من مساعداااتك وتوجهاااتك وخيرك سااابق ..
أنا شايف ناس هنا جابت تريوس .. ياريت حد يقول بصراحة أخبار العربية إيه معاه
وخصوصاً موتورها الـ 1500 سي سي اللي بيقولوا صغير ، واخبار السحب إيه مع تشغيل المكيف
وهل اللي معاكم 7 راكب ولا 5؟
مع الشكر
اقتباس:
المشاركة الأصلية كتبت بواسطة علاء فتح الله
العربية بسم الله ما شاء الله لا قوة الا بالله تحفة بجد وكفاية انها عالية عن الأرض علشان المطبات الحمد لله مش بحس بيهم قوي ... وميزة العلو ده كمان اني والحمد لله بقيت كاشفة الشارع احسن بكتير قوي عن الأول .. بس بالنسبة للتكيف لسة ماستخدمتهوش علشان انا في لسة في مرحلة التليين .. أما حكاية السحب دي فبصراحة انا مش بعرف احكم على العربية اذا كان سحبها حلو ولا لأ لأني بمشي بتأني وأقصى سرعة بمشي عليها 60 :o (علشان انا متعقدة من السرعات اللي اكتر من كدة علشان كنت مرة حقلب على 90 بالهيونداي بتاعة اخويا علشان اتفاجئت ببلاعة مفتوحة وسط الطريق ولما جيت اتفادها كنت حقلب لا محالة والكل اتشاهد على روحه لولا فضل الله علينا وربنا سترها :o فقررت من ساعتها بيني وبين نفسي وعاهدت نفسي مزودش السرعة عن 60 بأي حال من الأحوال في المستقبل إن شاء الله) .. المهم اني مش بعرف السحب ده يعني ايه اساسا :o معلش الجهل خيبة :D
ميزة تانية للعلو انك بتشوف البلاعات دي شوية بدري عن العربيات السيدان :p (مانا اصلي بقيت معقدة من حاجتين السرعة العالية والبلاعات وسبحان الله بقيت تخصص بلاعات ومفيش حد بيقابلهم في الطريق اكتر مني :o)
عيبها في نظري ان للأسف اكتشفت حاجات كتير مش موجودة فيها كنت قريت عنها عالنت على موقع دايهاتسو وده ضايقني خصوصا اني والحمد لله بسم الله ما شاء الله لا قوة الا بالله جبت اعلى فئة فيها يعني الأوبشنز اللي ناقصة دي للأسف مش في ولا تريوس في مصر أساسا :( يعني التوكيل للأسف طلع محدد لينا حاجات معينة بس اللي يتمتع بيها الشعب المصري وحاجات لأ يمكن مش شاف انها من مقامنا :D
زي ايه اواان الورد ؟؟اقتباس:
المشاركة الأصلية كتبت بواسطة اوان الورد
اقتباس:
المشاركة الأصلية كتبت بواسطة اوان الورد
أولا الأسعار كالتالي
الأنذار تقريبا ثلاثمائة جنيه وكسر كام مش فاكر بصراحه
الديفندرات فيه حسب الشكل اللي بتختاره تقريبا برضه الأسعار من 2700 الى 3000 جنيه وشويه
حسب اللي بتختاره
الغطاء مش فاكر بصراحه بالظبط
بس موجود عندهم النيكل وعليه علامة دايهاتسو كمان شكله شيك
اما عن سحب الرخص
فالمفروض ان اي جيب بيبقى مصرح لها بذلك
المشكلة بتبقى في العربيات املاكي بس لأن لا يحق لها تركيبها لعدم حاجتها لذلك
اما بخوص ان فيه حاجات مش موجوده في العربيه موجوده بالخارج فده سببه السعر والجمارك على الأوبشن دي
يعني عندك الأنذار الأصلي بتاع العربيه مثلا
وهو تقريبا بيفرق كتير في الجمارك وثمن العربيه وهو بيبقى مقييم اسعار السوق المصري ومحدد لنفسه سعر معين ميقدرش يتعداه علشان مبيعاته
اقتباس:
المشاركة الأصلية كتبت بواسطة asdasdasd
زي مثلا الانذار والريموت ومفتاح فصل وتشغيل ال Air Bags عن المقعد الامامي للي جنبك لو مش حد قاعد جنبك ومفتاحي ال DAC وال HAC ... كل دول مطلعوش موجودين ده :( بس بصراحة انا كنت شايفاهم مهمين قوي :(
غير شوية حاجات في شاشة الكمبيوتر برده مش موجودين بس بصراحة ملهومش لازمة قوي زي الارتفاع عن سطح البحر ومعدل حرق البنزين الحالي لكن موجود متوسط حرق البنزين وعداد المسافات ودرجة الحرارة ومتوسط الكيلو مترات المتبقية حسب كمية الوقود المتبقي والساعة ... ده اللي انا فاكراه دلوقت :rolleyes: بس ممكن ابقى اقولك عاللي موجود في الشاشة بالتفصيل فيما بعد عموما همل بس 5 شاشات
بمعنى أخر اعلى فئة دي طلع فيها زيادة بس فرامل ال ABS و 2 Air bags و CD player Audio ومش mp3 للأسف :(
شكرا اخي أبو عبدالله على سرعة الإجابة
اقتباس:
المشاركة الأصلية كتبت بواسطة أبو عبدالله
معلش يا أستاذ أبوعبدالله يعني في حالتي دي التريوس ال 4×4 دي تعتبر جيب يعني ممكن اركب ديفندر ؟؟ ولا مش مصرح ليا ؟؟
ومعلش كمان واسفة لو سوء فهمي بسبب الجهل :o يعني ايه المشكلة بتبقى في الملاكي؟؟ اصل التريوس بتاعتي رخصتها ملاكي القاهرة يعني كدة متعتبرش جيب 4×4 ؟؟؟ ولا قصد حضرتك ان المشكلة في السيدان ؟؟ والهاتش باك ؟؟ هل التيريوس دي هاتش باك ؟؟ :confused:
بجد مش فاهمة ولو سمحت ياريت توضيح اكتر :confused::confused::confused:
ايوه الديفندر مصرح له بأي عربيه جيب
يعني في حالتك المفروض مصرح لك به
وانا اسف لأني اقصد بالملاكي انه السيدان يعني
لأن الديفندر ده للعربيات اللي المفروض انها بتدخل في الرمال العاليه والصحراء علشان تحمى العربيه من الصخور والرمال العاليه
اقتباس:
المشاركة الأصلية كتبت بواسطة أبو عبدالله
شكرا أبو عبدالله على سرعة إجابتك جزاك الله خيرا عني بجد فرحتني ربنا يدخل على قلبك السرور ويفرحك قول امين :)
إن شاء الله حركبهم خلاص في اول فرصة من االتوكيل والله الموفق :D
ياريت يا أستاذ أسد تبقى تقوللي عمليت ايه مع نسيبك وقالك ايه بليز متنساش علشان زيادة الاطمئنان بس وربنا الموفق :)