رجرجة فى الفتيس بعد الدوارة والعربية باردة

**mohamedbadwy** · 29-06-2011 01:13 PM

السلام عليكم ،

عندى مشكلة بتظهر رجرجة فى الفتيس بعد تشغيل العربية وهى باردة وبتقل بعد المشى . ودى بقالها 3-4 أيام تقريباً . النهاردة الصبح وانا نازل الشغل لقيت بقعة زيت تحت العربية بس مش كبيرة قوى . المهم رحت عند الميكانيكى ( زوغت 1/2 ساعة) رفع العربية لقى ان فى تهريب من ساعة الزيت و قالى 90% الساعة مكسورة . وكمان لقى تنشيع زيت على الجير بوكس وقالى دى غالباً الصوفة بتهرب ( بس مش لازم تغيرها بسرعة عشان هنحتاج نفك الجير بوكس بالكامل و نصيحة خليك ماشى بيها كدة و كل شويه زود الزيت عشان لو اتفك ما يضمنش الجير بوكس يرجع زى الأول ) . انتوا ايه رأيكو فى الكلام ده ؟؟ وهل تنشيع زيت الجير بوكس له علاقة برجرجة الفتيس الصبح .

على فكرة انا عربيتى رينو كليو 2005 1400 سى سى .

**kamal_adly** · 30-06-2011 06:15 PM

++++++

**nodey** · 30-06-2011 06:47 PM

من قال كدا اكيد مش عارف يحل المشكلة فبقولك كدا عشان يخرج نفسه من الاحراج ويرحك وبس
شوف واحد متخصص شوية ويكون فاهم او لو واحد من صحابك حل نفس المشكلة دي عند ميكانيكي فاهم

**mohamedbadwy** · 02-07-2011 03:24 PM

أنا رحت لميكانيكى متخصص رينو . طلعت ساعة زيت الدريكسيون هى اللى مكسورة و بتسرب الزيت . المهم عبيت زيت تانى و مشيت يومين من غير ما أغير الساعة عشان أشوف فى فرق ولا مفيش . المهم لقيت الرجة تكاد تكون منعدمة تماما سواء الصباح أو المساء . السؤال دلوقتى هل لو ما غيرتش الساعة دى ايه هي المشاكل اللى هقابلها اذا كنت هزود الزيت طل شوية مع العلم انه بينقص بمعدل بطئ . أصل انا سألت عليها فى التوكيل طلعت ب 514 ريال يعنى حوالى 750 جنية .

أرجو المشورة ...