اقتباس المشاركة الأصلية كتبت بواسطة edeson مشاهدة المشاركة
انا شارى عربية ماروتى موديل 2007 من شهر العربية فيها رجه او هزة وبتبان اكتر وانت طالع من العربية والسحب مكانش حلو الميكانيكى اخرلى الكهربا بس الرجة فضلت موجودة والدبرياج واطى فلما روحت لميكانيكى تانى قاللى قاعدة الموتور مقطوعة والديسك والاسطوانة غيرتهم وما زالت قاللى القاعدة التانية مقطوعة فغيرتها وبعد لما غيرها قاللى القاعدة التالتة وحشة فغيرتها برده وما زالت الرجة موجودة وسحب العربية مش حلو والرجة فى الموتور والعربية واقفة ما زالت موجودة وغيرت ترموستات ريدياتير وجوان وش وظبطت تاكيهات الميكانيكى اخر حاجة قاللى دى شغالة اتنين سلندر عاوزة فريزة وروديه وصباب هو اللى عامل الرجة وانا زهقت بصراحة عمال اصرف فلوس ومش عارف السبب ايه هل فى احتمال الرجة تكون من البوبينة دى نصيحة واحد برده ملحوظة كمان لما العربية بتدور الشكمان من وراه من الرجه بحسه بيتهز برده على حسب الرجة مش الهزة الطبيعية بتاعته افيدونا افادكم الله

معلش إذا كان ردى متأخر أوى. أكيد بإذن الله المشكلة اتحلت بس الميكانيكى اللى حضرتك بتروحله ده زياط - آسف - عشان مستحيل كل العيوب دي تطلع مرة واحدة. ده واحد بيجرب معاك يعنى زيه زى حضرتك مش عارف و بيجرب

أهم حاجة فى أى مشكلة تسأل نفسك: هوه إيه آخر حاجة حصلت أو محصلتش قبل المشكلة ما تحصل؟ يعنى أنا مثلا الرجة اللى بتحكى عنها دى ظهرت مع مطب غدر اتركب بالليل فى التجمع الخامس و الميكانيكى اللى غيرلى قاعدة الموتور محدش من ورشته عرف يظبط القاعدة غيره. يعنى ممكن تكون جبت القاعدة صحيح بس البعيد مبيعرفش يركبها و يريح الموتور فى مكانه.

و تمنياتى لك بالسلامة و التوفيق