و تسمحلي ارد انا ع بعض تعليقات حضرتك
بالنسبة لما قولت حجم اللي يركبها انا قولت انه يكون متوسط و مقولتش انه لو اكتر من المتوسط هيبقي مضايق بس هي بتبقي محتاجة الحجم المتوسط عشان يبقي قاعد براحته
بالنسبة للورا متقنعنيش انك ترجع الكرسي ع الاخر و ترجع الضهر و اللي قاعد ورا ميضايقش لأني قعدت فيها ورا و شوفت و العربيات اللي اكبر منها بمراحل زي الكيا سيراتو مثلا الكرسي لو رجع للاخر اللي ورا هيضايق فتخيل بقي في الماروتي بلاش نقارن ماروتي بسيراتو ..الالتو مثلا تعتير فرق بسيط بينهم و اللي ورا لما الكرسي بيرجع ورا و الضهر بيرج سنة اللي ورا بيضايق شوية
و فعلا لو الرف مش موجود هيوسع المساحة ورا
بالنسبة الشكل لو حضرتك شوفت موديل التسعينيات من دلوقتي هتعرف اقصد ايه
و ديه صورة توصح مثلا الشنطة في الشكل القديم و الجديد و هنا في مصر
طبعا الفرق واضح
بالنسبة للاكصدمات لاحظ اني قولت متناسب كتقسيمة و شكل مش كلون
و انا شوفت واحد راشش الاكصدامات بتاعت ماروتي نفس لون العربية مكنتش لايقة عليها نهائي و ديه وجهة نظري
ع عكس مثلا الالتو الاتنين لايقين بس لو كله نفس اللون هتبقي احلي
بالنسبة للتابلوه فعلا انا معاك التابلوه اللي متغيرش في العربية من ساعة ما نزلت هو هو و ده اللي بيضايقني فيها
بالنسبة للدريكسيون فانا مستغرب جدا من رد حضرتك ان الدريكسيون صغير و صغير لدرجة انك ركبتله طارتين يمكن قصدك ع ان سمك الطارة رفيع لكن الحجم الطارة كقطر الدايرة كبيير و حضرتك مثلا قارنها هي و دريكسيون الالتو و ممكن نسأل اي حد
ده انا عندي من صغر حجم الدريكسيون مش لاقي طارة مقاسه و قولت هعمله واحد عمولة
بالنسبة زرار الانتظار حضرتك قولت بنفسك اهو ان مفتوح قدامه و ده معناه ان الدريكسيون قطره كبيير و انا زي مقولت انا لما اتكلمت اتكلمت عن وجهة نظري افرض بتلف الدريكسيون و عايز تدوس انتظار او و انت بتدوس انتظار اضطريت تحود يمين و لا شمال فساعتها هتبقي محتاج تلف ايدك من ورا الدريكسيون ديه وجهة نظري
و بالنسبة استهلاك البنزين انا قصدت المتوسط وسط البلد و ديه النسبة اللي استهلكتها في الماروتي و اكيد طبعا ع الطرق السريعة او الطوالي بتستهلك اقل ديه حاجة معروفة و خاصة لو العربية مفيهاش اي مشاكل و ماشية ع سرعة واحدة و طريق مفتوح و مفيش وزن كتير في العربية فالاستهلاك هيكون قليل
و انا احترم وجهة نظر حضرتك و كل واحد ليه وجهة نظره
لكن انا شرحت اللي شايفه قدامي
و نورت يا ريس الموضوع :)
المهم بقي ايه اخبار التكييف معاك في السحب و التأثير ؟؟
المفضلات