| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 91

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي تعالوا نعرف مميزات و عيوب السوزوكي ماروتي - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم و رحمة الله و بركاته


    اقدملكم جزء جديد من سلسلة تعالوا نعرف
    لكن في قسم السوزوكي برده

    و ضميري فاق اخيرا من الكارثة ( الامتحانات ) ( يحرق الحقوق علي كتبها علي امتحاناتها ...اخرس ياض ملكش دعوة بكليتي بدل ما تتعلق )

    سيبكم من التنح ده
    لما نزلت موضوع مميزات و عيوب الالتو ملقتش موضوع بيكلم عن مميزات و عيوب السوزوكي الماروتي بالرغم ان عليها اقبال جامد لكن زي الالتو مفيش موضوع بيكلم عنهم فقولت انزل الاتنين بس معلش بقي نزلت عن الالتو الأول تفرقة عنصرية بقي ههههههه

    فهتكلم انهاردة عن مميزات و عيوب حبيبة الملايين السوزوكي الماروتي 800 سي سي بشكل مفصل شوية من وجهة نظري زي تقرير الالتو عشان اللي عايز يعرف مميزاتها و عيوبها

    و طبعا الكلام مش تجميع معلومات العربية كانت مملوكة لفرد من الاسرة هههههه عاملين امبراطورية السوزوكي و الهوندا ههههههه

    نبتدي ع بركة الله

    اولا :الحجم


    1-خارجيا



    الماروتي تعتبر من العربيات الصغيرة الموجودة بالسوق و هي اقل من الالتو شوية ( قصدك اكبر من الالتو .... بس يا جاهل متلغبطش الناس )
    و طبعا نظرا لحجمها بتاخد غرز وسط العربيات مقولكوش و تقدر تركن في اماكن صغيرة


    2-داخليا



    محتاجة اللي يركبها يكون جسمه و طوله متوسط
    الكنبة ورا تتسع لشخصين او 3 - 4 صغيرين
    لكن لو السواق او اللي جنبه رجعوا ضهر الكراسي اوي اللي ورا ممكن ميعرفش يقعد الا لو قصير و رفيع
    الشنطة تعتبر مش موجودة يعني تشيل حاجات بسيطة مش شنط مصر كلها يعني

    --------------------------------------------------------------------------

    ثانيا : الشكل


    1- خارجيا






    شكل العربية الجديد جميل احلي من القديم لأنهم اضافوا تعديلات عن موديلات الستعينيات اللي تحس ان زواياها حادة
    لكن الجديد فوانيس و دورنات في الصاج و حركات يعني من الاخر شكلها حلو و شبابي اوي ( تناسبني يعني بما اني لسه شباب ..... انت اللي تناسبك الرمسيس و لا كفاية عليك عجلة بعجلة واحدة )

    و ده التصميم اللي خدوه للالتو 2008-2009 بس ع شكل اكبر شوية و شوية حركات

    مكان الاشارات ورا و قدام كويس برده زي الالتو بحيث ان محدش يبقي عنده حجة
    اللي ورا يشوف و اللي في الجنب يشوف و اللي قدام يشوف

    الاكصدامات برده ماشية مع الشكل

    العربية قريبة من الارض شوية لو شالت هتنزل اكتر


    2-داخليا



    -بالنسبة خامات التابلوه و الابواب واحدة تعتبر عادية بالنسبة لفئاتها

    - تقسيمة الطابلوه انا شايف انها محتاجة يتعملها ابدايت كامل و الجزء بتاع العدادات يبقي فيه دمج مع الطابلوه و كله حتة واحدة ع اد ما يقدروا لأنها بارزة لقدام يعني من الاخر ابدايت للتابلوه بالعدادات
    الدريكسيون حجمه كبيير مش متناسق مع التابلوه و العربية في حين ان الالتو الدريكسيون متناسق حجما و شكلها

    زرار الانتظار في مكان غريب ورا الدريكسيون المفروض يكون في متناول الايد عن كده او ميكونش فيه حاجة تعيقه
    لأن الواحد ساعات بيبقي مضطر يدوس انتظار بسرعة فحاجة زي كده ممكن تشقلب الدنيا
    لما كنت بدوس عليه كنت بقول ايه لفة نبات اللبلاب اللي انا بعمله ده ( و ماله شجر التفاح عشان نفسي رايحة ليه ..... يا عم انت هتتوحم شوية شوية هتقولي عايز كابوريا )

    بالنسبة لباقي الزراير مش هتحتاج تمد ايدك في اي حتة انت بس كل اللي عليك انك تلف زي نبات اللبلاب حوالين الدريكسيون عشان توصل هههههههه ( طب ما اخد ميكروباص يوصلني لحد هنا .... يا جماعة سيبكم من التباع اللي بيكلم ده )


    - الكاسيت في الوسط

    - ثم الطفاية و الولاعة تحتيه لزق

    درج الطابلوه حجمه صغير بس رايح للنص شوية و فيه مكان جنبه ملوش لازمة

    توزيع فتحات التهوية 4 متوزعين ع التابلوه
    اتنين في الوسط للورا لكن ممكن يتوجهوا للقاعدين قدام برده

    -ثم مكان يتحط فيه الشرايط

    يعني بصراحة انا شايف ان التابلوه محتاج تجديد من سوزوكي عن كده
    الاستيل متغيرش نهائيا

    الفتيس و الهاند بريك مكانه يعتبر عادي

    مسند الراس في الكراسي برده بيفكرني بالدريكسيون كبيير ع الفاضي كانوا يصغروه شوية و ممكن واحد لو قرفان منه يشيله او يغيره بواحد صغير زي بتاع الالتو

    الرف بتاع الشنطة حجمه صغير

    باب البنزين بيتفتح بالمفتاح ملوش مقبض من جوة

    مقبض فتح الكبوت في التابلوه ع الشمال تحت

    العدادات بحس انها موديل قديم محتاجة تتجدد و ممكن الشخص يركب ورق عدادات و يفنن زي مهو عايز

    الاضاءة بتاعت التابلوه عادية و واطية شوية

    اضاءة العربية ضعيفة شوية

    بالنسبة لحوض العربية كل حاجة ظاهرة و سهل ان اي حد يشتغل فيها برده و العربية عامة شغلها بسيط

    --------------------------------------------------------------------------

    ثالثا : البدن

    كعادة العربيات الجديدة و في نفس الفئة الصاج ضعيف شوية
    و الاكصدمات فبر عادية

    --------------------------------------------------------------------------

    رابعا : الاداء


    العربية تسارعها حلو و بتجيب سرعات تمام
    وصلت بيها لحد 120 علي كوبري اكتوبر بليل و كانت عايزة تجري اكتر
    ( اه و منشف دمي جنبك و الجو كان برد خلقة .... انت اللي جبان بقي اعملك ايه )
    طبعا اللي بيساعدها ع كده حجمها المتناسب مع قوة الموتور

    لكن للأسف الثبات قل و حسيت ان العربية لو حد بس قالي بخ و انا معدي هطير انا و العربية ( طب بخ ..... مبلاش انت ده انت كنت هتموت في جلدك و انا سايق بيها )

    العربية 4 سرعات + المارشدير

    صوت الموتور يعتبر عادي

    الدريكسيون خفيف بس حجمه الكبيير بيحسسني اني بفتح هويس المية ( جواز عتريس من فؤادة باطل ....باطل باطل باطل ومتقلقش هغرقك قريب )

    عفشة العربية بسم الله ما شاء الله حلوة مع النقر و الحفر و التكسيرات البسيطة
    بتاخد المطبات كويس مش وحش لكن متفكرش تحمل اوي و تاخد مطب غلس لازم تستخدم الاسلوب المصري المتبع في اخدان المطب لف حوالين المطب ( يلف لحد ما يدوخه عشان المطب يدوخ و يقع و تعرف تعدي من فوقيه صح ؟ ..... حسبي الله و نعم الوكيل فيك )

    طبعا لازم المتابعة دايما في تربيط العفشة

    الفرامل كويسة

    العربية ثباتها بيقل كل ما السرعة تزيد

    استهلاك البنزين في حدود 10 لتر كل 120-140 كيلو
    --------------------------------------------------------------------------

    خامسا : قطع الغيار و الاصلاحات


    قطع الغيار متوافرة بشدة لدرجة ان حاسس انهم علموا فيضان قطع غيار
    او المقصود انه تكون بديل الــ 128 في مصر
    و طبعا الاسعار رخيصة جدااا
    و اعتقد السبب غير انها مالية المحلات لأن الماروتي موديلاته مش متعددة يعني هو نفس الموديل وا لشكل و قطع الغيار ممكن يكون فيه تعديلات طفيفة لكن الــ95 في المية هي هي فمع السنين انتشرت و رخصت

    الشغل في العربية بسيط اي حد فاهم ميكانيكا كهرباء يشتغل عادي
    ( يعني انا ممكن اشتغل فيها ... احنا بنقول ميكانيكا عربية مش ميكانيكا عجلة )

    العمر الافتراضي للعربية عشان نقول هتفتح بوقها و تطلب 3-4 سنين او 150-200 الف

    --------------------------------------------------------------------------

    سادسا : خلاصة العيوب

    - الصاج ضعيف

    - اسطوانة الدبرياج ضعيفة لو واحد رجليه تقيلة شوية هتفور عالطول

    - العدادات شكلها قديم و التابلوه عامه محتاج تطوير من سوزوكي

    - العربية لا تتمتع باي وسائل رفاهية الا انه مقدور عليه زي تركيب ازاز كهربا او تركيب تكييف
    و ديه تجربة الاستاذ \hm414 لتركيب تكييف للماروتي
    http://www.nilemotors.net/Nile/216353-a.html

    ديه العيوب من وجهة نظري
    و انا شايف انها عيوب لا تقلل من شأن العربية
    و متعتبرش عيوب ع اد انها حاجات محتاجة تتطور و يتم تحديثها

    غير كده هي كعربية حلوة في فئتها و سعرها مناسب الا انه سعرها دلوقتي سمعت انه بقي 38 الف مش عارف ليه شكل التجار عايزين يعوضوا خسارة اليومين اللي فاتوا

    و هي مناسبة لشباب لسه في بداية حياتهم او لسه متجوزين او اسرة مكونة من 4 افراد ( اتنين صغيرين )

    و لازم الصيانة الدائمة

    العربية حلوة في التظبيط و هي شكلها شبابي اساسا

    و اتمني ان يكون التقرير واضح

    و متزعلوش من ضميري بس انتوا عارفينه تنح من يومه و من ساعة ما السلسلة بدأت و هو راشق فيها
    ( مين اللي تنح يا..... مش عايز قلة ادب و تعالي بقي عشان تاخد العلقة المعتادة بتاعت كل موضوع اما خليتك تقول انا ارنب المرة دي)
    عن اذنكم يا جماعة عشان هروح اربيه كالمعتاد


    و بالتوفيق للجميع ان شاء الله

    الموضوع غير منقول
    و هو مجهود شخصي


  2. #2

    الصورة الرمزية hamaza81

    رقم العضوية : 64564

    تاريخ التسجيل : 08Mar2010

    المشاركات : 515

    النوع : ذكر

    الاقامة : Faisal - Giza

    السيارة: Gen 2 - 2013

    السيارة[2]: Suzuki Maruti 2010

    دراجة بخارية: -

    الحالة : hamaza81 غير متواجد حالياً

    افتراضي -

    مشكور على التقرير

    بس هو مين اللي انت رايح تربيه؟


  3. #3

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة hamaza81 مشاهدة المشاركة
    مشكور على التقرير

    بس هو مين اللي انت رايح تربيه؟
    ضميري يا ريس اللي رايح اربيه كالمعتاد هههههههههه شكلك مش متابع السلسلة


  4. #4

    الصورة الرمزية msa142

    رقم العضوية : 72606

    تاريخ التسجيل : 08Jun2010

    المشاركات : 382

    النوع : ذكر

    الاقامة : Suez

    السيارة: Suzuki Maruti

    السيارة[2]: Daewoo Lanos

    الحالة : msa142 غير متواجد حالياً

    افتراضي -

    ههههههههه ضميرك دا زى العسل
    شغل هااايل يا اكسيل .. وتقاريرك كلها ممتازة

    سبحان الله وبحمده .. سبحان الله العظيم


  5. #5

    الصورة الرمزية micromoud

    رقم العضوية : 35609

    تاريخ التسجيل : 15Mar2009

    المشاركات : 986

    النوع : ذكر

    الاقامة : Giza

    السيارة: Hyundai Verna

    السيارة[2]: Suzuki Maruti

    دراجة بخارية: N/A

    الحالة : micromoud غير متواجد حالياً

    افتراضي -

    انا شايف ان صاج العربية مش ضعيف بالمقارنة بعربيات زى الفيرنا والنيسان :))


  6. #6

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة msa142 مشاهدة المشاركة
    ههههههههه ضميرك دا زى العسل
    شغل هااايل يا اكسيل .. وتقاريرك كلها ممتازة

    ضميري ده عايز الحرق ههههههه خده و ريحني ههههه

    و شكرا ليك يا ريس :)


  7. #7

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة micromoud مشاهدة المشاركة
    انا شايف ان صاج العربية مش ضعيف بالمقارنة بعربيات زى الفيرنا والنيسان :))
    يا راجل حرام عليك طب مقارنة بالفيرنا هقولك اه لأن الفيرنا فعلا ضعيف لدرجة ان الشاسية بيفتح بعد فترة بسبب قوة الموتور
    لكن مقارنة بالنيسان لأ النيسان اجمد :)


  8. #8

    الصورة الرمزية josephn

    رقم العضوية : 53722

    تاريخ التسجيل : 23Nov2009

    المشاركات : 207

    النوع : ذكر

    الاقامة : القاهرة الجديدة

    السيارة: ربك يرزق

    السيارة[2]: سوزوكى ماروتى

    دراجة بخارية: لا

    الحالة : josephn غير متواجد حالياً

    افتراضي -

    مشكوررررررررر


  9. #9

    الصورة الرمزية abogogo

    رقم العضوية : 49702

    تاريخ التسجيل : 12Oct2009

    المشاركات : 3,421

    النوع : ذكر

    الاقامة : om el donya

    السيارة: - suzuki maruti - lanos

    السيارة[2]: chevroletspark

    دراجة بخارية: CBR 250 FIRE

    الحالة : abogogo غير متواجد حالياً

    افتراضي -

    مجهود رائع ...

    [mshosh2]http://www7.0zz0.com/2013/05/08/17/903528565.jpg[/mshosh2]


  10. #10

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة axel مشاهدة المشاركة
    بسم الله الرحمن الرحيم
    السلام عليكم و رحمة الله و بركاته


    اقدملكم جزء جديد من سلسلة تعالوا نعرف
    لكن في قسم السوزوكي برده

    و ضميري فاق اخيرا من الكارثة ( الامتحانات ) ( يحرق الحقوق علي كتبها علي امتحاناتها ...اخرس ياض ملكش دعوة بكليتي بدل ما تتعلق )

    سيبكم من التنح ده
    لما نزلت موضوع مميزات و عيوب الالتو ملقتش موضوع بيكلم عن مميزات و عيوب السوزوكي الماروتي بالرغم ان عليها اقبال جامد لكن زي الالتو مفيش موضوع بيكلم عنهم فقولت انزل الاتنين بس معلش بقي نزلت عن الالتو الأول تفرقة عنصرية بقي ههههههه

    فهتكلم انهاردة عن مميزات و عيوب حبيبة الملايين السوزوكي الماروتي 800 سي سي بشكل مفصل شوية من وجهة نظري زي تقرير الالتو عشان اللي عايز يعرف مميزاتها و عيوبها

    و طبعا الكلام مش تجميع معلومات العربية كانت مملوكة لفرد من الاسرة هههههه عاملين امبراطورية السوزوكي و الهوندا ههههههه

    نبتدي ع بركة الله

    اولا :الحجم


    1-خارجيا



    الماروتي تعتبر من العربيات الصغيرة الموجودة بالسوق و هي اقل من الالتو شوية ( قصدك اكبر من الالتو .... بس يا جاهل متلغبطش الناس )
    و طبعا نظرا لحجمها بتاخد غرز وسط العربيات مقولكوش و تقدر تركن في اماكن صغيرة


    2-داخليا



    محتاجة اللي يركبها يكون جسمه و طوله متوسط
    الكنبة ورا تتسع لشخصين او 3 - 4 صغيرين
    لكن لو السواق او اللي جنبه رجعوا ضهر الكراسي اوي اللي ورا ممكن ميعرفش يقعد الا لو قصير و رفيع
    الشنطة تعتبر مش موجودة يعني تشيل حاجات بسيطة مش شنط مصر كلها يعني

    --------------------------------------------------------------------------

    انا طولي 190 سم ووزني 150 كيلو وصدقني راكب مرتاح
    وبرجع الكرسي للآخر وبيركب معايا ورا اتنين وقدام واحد كمان وسافرت بالعربية على كده
    الشنطه لو الرف مش موجود هتلاقي مساحتها حلوة على حجم العربية

    ثانيا : الشكل


    1- خارجيا






    شكل العربية الجديد جميل احلي من القديم لأنهم اضافوا تعديلات عن موديلات الستعينيات اللي تحس ان زواياها حادة
    لكن الجديد فوانيس و دورنات في الصاج و حركات يعني من الاخر شكلها حلو و شبابي اوي ( تناسبني يعني بما اني لسه شباب ..... انت اللي تناسبك الرمسيس و لا كفاية عليك عجلة بعجلة واحدة )

    الشكل الجديد ده للاسف منزلش مصر
    انما الفوانيس الاماميه الجديده دي بتتباع وسعر الفانوس الواحد حوالي 70 -90 جنيه

    و ده التصميم اللي خدوه للالتو 2008-2009 بس ع شكل اكبر شوية و شوية حركات

    مكان الاشارات ورا و قدام كويس برده زي الالتو بحيث ان محدش يبقي عنده حجة
    اللي ورا يشوف و اللي في الجنب يشوف و اللي قدام يشوف

    الاكصدامات برده ماشية مع الشكل

    لو كانت الاكصدامات بلون العربية كانت هتبقى احلى كتيييييييييير

    العربية قريبة من الارض شوية لو شالت هتنزل اكتر


    2-داخليا



    -بالنسبة خامات التابلوه و الابواب واحدة تعتبر عادية بالنسبة لفئاتها

    - تقسيمة الطابلوه انا شايف انها محتاجة يتعملها ابدايت كامل و الجزء بتاع العدادات يبقي فيه دمج مع الطابلوه و كله حتة واحدة ع اد ما يقدروا لأنها بارزة لقدام يعني من الاخر ابدايت للتابلوه بالعدادات

    انت شففت التابلوه في الهند بينزل عامل ازاي؟؟؟
    احنا اللي بينزلنا القديم ده


    الدريكسيون حجمه كبيير مش متناسق مع التابلوه و العربية في حين ان الالتو الدريكسيون متناسق حجما و شكلها

    دي انا مش معاك اطلاقا فيها
    دنا من صغر الدركسيون ركبتله 2 غطا طاره عشان احس اني ماسك دركسيون اصلا


    زرار الانتظار في مكان غريب ورا الدريكسيون المفروض يكون في متناول الايد عن كده او ميكونش فيه حاجة تعيقه
    لأن الواحد ساعات بيبقي مضطر يدوس انتظار بسرعة فحاجة زي كده ممكن تشقلب الدنيا
    لما كنت بدوس عليه كنت بقول ايه لفة نبات اللبلاب اللي انا بعمله ده ( و ماله شجر التفاح عشان نفسي رايحة ليه ..... يا عم انت هتتوحم شوية شوية هتقولي عايز كابوريا )

    زرار الانتظار ده هو نفس مكان زرار الانتظار في كل العربيات الامريكي قبل موديل 2000
    وبالنسبالي بضربه وقت المفاجأه في ثانيه لاني اكيد مش هلف ايد من ورا انما الدركسيون مفتوح قدامه كويس وسهل الوصول ليه....

    بالنسبة لباقي الزراير مش هتحتاج تمد ايدك في اي حتة انت بس كل اللي عليك انك تلف زي نبات اللبلاب حوالين الدريكسيون عشان توصل هههههههه ( طب ما اخد ميكروباص يوصلني لحد هنا .... يا جماعة سيبكم من التباع اللي بيكلم ده )



    - الكاسيت في الوسط

    - ثم الطفاية و الولاعة تحتيه لزق

    درج الطابلوه حجمه صغير بس رايح للنص شوية و فيه مكان جنبه ملوش لازمة

    الدرج في النص ازاي؟؟؟ مهو عاليمين
    الحته الصغيره انا بحط فيها فيوزات وساعات قروش..

    توزيع فتحات التهوية 4 متوزعين ع التابلوه
    اتنين في الوسط للورا لكن ممكن يتوجهوا للقاعدين قدام برده

    -ثم مكان يتحط فيه الشرايط

    يعني بصراحة انا شايف ان التابلوه محتاج تجديد من سوزوكي عن كده
    الاستيل متغيرش نهائيا

    الفتيس و الهاند بريك مكانه يعتبر عادي

    مسند الراس في الكراسي برده بيفكرني بالدريكسيون كبيير ع الفاضي كانوا يصغروه شوية و ممكن واحد لو قرفان منه يشيله او يغيره بواحد صغير زي بتاع الالتو

    الرف بتاع الشنطة حجمه صغير

    باب البنزين بيتفتح بالمفتاح ملوش مقبض من جوة

    مقبض فتح الكبوت في التابلوه ع الشمال تحت

    العدادات بحس انها موديل قديم محتاجة تتجدد و ممكن الشخص يركب ورق عدادات و يفنن زي مهو عايز

    الاضاءة بتاعت التابلوه عادية و واطية شوية

    اضاءة العربية ضعيفة شوية

    بالنسبة لحوض العربية كل حاجة ظاهرة و سهل ان اي حد يشتغل فيها برده و العربية عامة شغلها بسيط

    --------------------------------------------------------------------------

    ثالثا : البدن

    كعادة العربيات الجديدة و في نفس الفئة الصاج ضعيف شوية
    و الاكصدمات فبر عادية

    --------------------------------------------------------------------------

    رابعا : الاداء


    العربية تسارعها حلو و بتجيب سرعات تمام
    وصلت بيها لحد 120 علي كوبري اكتوبر بليل و كانت عايزة تجري اكتر
    ( اه و منشف دمي جنبك و الجو كان برد خلقة .... انت اللي جبان بقي اعملك ايه )
    طبعا اللي بيساعدها ع كده حجمها المتناسب مع قوة الموتور

    لكن للأسف الثبات قل و حسيت ان العربية لو حد بس قالي بخ و انا معدي هطير انا و العربية ( طب بخ ..... مبلاش انت ده انت كنت هتموت في جلدك و انا سايق بيها )

    العربية 4 سرعات + المارشدير

    صوت الموتور يعتبر عادي

    الدريكسيون خفيف بس حجمه الكبيير بيحسسني اني بفتح هويس المية ( جواز عتريس من فؤادة باطل ....باطل باطل باطل ومتقلقش هغرقك قريب )

    عفشة العربية بسم الله ما شاء الله حلوة مع النقر و الحفر و التكسيرات البسيطة
    بتاخد المطبات كويس مش وحش لكن متفكرش تحمل اوي و تاخد مطب غلس لازم تستخدم الاسلوب المصري المتبع في اخدان المطب لف حوالين المطب ( يلف لحد ما يدوخه عشان المطب يدوخ و يقع و تعرف تعدي من فوقيه صح ؟ ..... حسبي الله و نعم الوكيل فيك )

    طبعا لازم المتابعة دايما في تربيط العفشة

    الفرامل كويسة

    العربية ثباتها بيقل كل ما السرعة تزيد

    استهلاك البنزين في حدود 10 لتر كل 120-140 كيلو

    ده كده استهلاك عالي جدا عن المعدل الطبيعي
    الطبيعي بتاعها في ال 10 لتر تعمل مش اقل من 140 كيلو داخل البلد ولن يزيد عن 165 كيلو وده في الطوالي
    --------------------------------------------------------------------------

    خامسا : قطع الغيار و الاصلاحات


    قطع الغيار متوافرة بشدة لدرجة ان حاسس انهم علموا فيضان قطع غيار
    او المقصود انه تكون بديل الــ 128 في مصر
    و طبعا الاسعار رخيصة جدااا
    و اعتقد السبب غير انها مالية المحلات لأن الماروتي موديلاته مش متعددة يعني هو نفس الموديل وا لشكل و قطع الغيار ممكن يكون فيه تعديلات طفيفة لكن الــ95 في المية هي هي فمع السنين انتشرت و رخصت

    الشغل في العربية بسيط اي حد فاهم ميكانيكا كهرباء يشتغل عادي
    ( يعني انا ممكن اشتغل فيها ... احنا بنقول ميكانيكا عربية مش ميكانيكا عجلة )

    العمر الافتراضي للعربية عشان نقول هتفتح بوقها و تطلب 3-4 سنين او 150-200 الف

    --------------------------------------------------------------------------

    سادسا : خلاصة العيوب

    - الصاج ضعيف

    - اسطوانة الدبرياج ضعيفة لو واحد رجليه تقيلة شوية هتفور عالطول

    - العدادات شكلها قديم و التابلوه عامه محتاج تطوير من سوزوكي

    - العربية لا تتمتع باي وسائل رفاهية الا انه مقدور عليه زي تركيب ازاز كهربا او تركيب تكييف
    و ديه تجربة الاستاذ \hm414 لتركيب تكييف للماروتي
    http://www.nilemotors.net/nile/216353-a.html

    ديه العيوب من وجهة نظري
    و انا شايف انها عيوب لا تقلل من شأن العربية
    و متعتبرش عيوب ع اد انها حاجات محتاجة تتطور و يتم تحديثها

    غير كده هي كعربية حلوة في فئتها و سعرها مناسب الا انه سعرها دلوقتي سمعت انه بقي 38 الف مش عارف ليه شكل التجار عايزين يعوضوا خسارة اليومين اللي فاتوا

    و هي مناسبة لشباب لسه في بداية حياتهم او لسه متجوزين او اسرة مكونة من 4 افراد ( اتنين صغيرين )

    و لازم الصيانة الدائمة

    العربية حلوة في التظبيط و هي شكلها شبابي اساسا

    و اتمني ان يكون التقرير واضح

    و متزعلوش من ضميري بس انتوا عارفينه تنح من يومه و من ساعة ما السلسلة بدأت و هو راشق فيها
    ( مين اللي تنح يا..... مش عايز قلة ادب و تعالي بقي عشان تاخد العلقة المعتادة بتاعت كل موضوع اما خليتك تقول انا ارنب المرة دي)
    عن اذنكم يا جماعة عشان هروح اربيه كالمعتاد


    و بالتوفيق للجميع ان شاء الله

    الموضوع غير منقول
    و هو مجهود شخصي

    انا حاولت ارد على بعض النقط اللي حسيتها مش صحيحه قوي
    اما اللي معلقتش عليه فانا موافق عليه تماما

    تحياتي

    don't judge a car unless you have driven it

    hm414 سابقا



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. تعالوا نعرف مميزات و عيوب السوزوكي سيلاريو
    بواسطة Amr Axel في المنتدى سـوزوكى
    مشاركات: 50
    آخر مشاركة: 15-02-2016, 12:40 AM
  2. السوزوكي مش ماروتي وبس!!!!
    بواسطة dr.hazem في المنتدى سـوزوكى
    مشاركات: 4
    آخر مشاركة: 20-03-2012, 05:59 PM
  3. تعالوا نعرف مميزات و عيوب السوزوكي ألتو
    بواسطة Amr Axel في المنتدى سـوزوكى
    مشاركات: 39
    آخر مشاركة: 11-03-2012, 10:16 PM
  4. عيزين نعرف عيوب و مميزات الفكتر cc2000 & cc1600) b).
    بواسطة wael_elbarkoky في المنتدى أوبـــــل
    مشاركات: 56
    آخر مشاركة: 23-08-2010, 05:08 PM
  5. ماهي مميزات و عيوب السوزوكي سويفت
    بواسطة Ahmada في المنتدى سـوزوكى
    مشاركات: 21
    آخر مشاركة: 09-03-2009, 07:18 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2