الموضوع: عيب خطير!!

ندخل بقية الاقسام و نشوف انا بعمل كدة لازم تلاقى مشاكل و فى عربيات حرام على تمنها يكون فيها مشكلة و لو تافهة حاجات بـ 120 و بـ 150 الف و فيها مشاكل و الامثلة قدامكم فى الموقع و العربية الغالية لو حتى فيها مشكلة واحدة و يمكن مشكلة هايفة ممكن تكلفك اد مشاكل الاسبيرانزا كلها.

المشاركة الأصلية كتبت بواسطة raedegypt

ركبت مع سواق تاكس قال لى غلطه عمرى سمعت كلام الناس واشتريتها تاكسى ياريت الواحد كان جاب الفيرنا ولا اللانوس عندى مشاكل ما حد عارف يصلحها الصينى يغوررر بنفس الكلام دة قال لى والله . هو الصينى اكسسوارات وكماليات بس انت حدد موقعك من الاعراب عايز تشترى كماليات ولا عايز عربيه بجد؟؟؟ جاوب على السؤال ها ترتاح وتتوجه صح

على فكرة سواق التاكسى له منطق مختلف عن سواق الملاكى
سواق التاكسى عايز قطع غيار ببلاش
و لا يعنيه التكنولوجية اللى موجوده فى العربيه زى موضوع الحساسات الكتير اللى موجوده فى الاسبيرانزا هوا عايزها تمشى حتى لو فيها 100 عطل
عايز يصلحها عند اى حد و مش عايز يروح التوكيل حتى فى المشاكل الكبيرة
عايز يمشى بيها طول النهار فى شوارع مكسر و العفشه تطلع سليمه... طب ازاى
كل ده ليه السواق عليه ضغوط من أقساط الى بيت مفتوح فظروفه قاسيه و العربيه بتشتغل فى ظروف شديدة القسوة
ا

شوف الموضوع ده
http://www.nilemotors.net/Nile/226418-516.html

المشاركة الأصلية كتبت بواسطة hzmmmk

على فكرة سواق التاكسى له منطق مختلف عن سواق الملاكى
سواق التاكسى عايز قطع غيار ببلاش
و لا يعنيه التكنولوجية اللى موجوده فى العربيه زى موضوع الحساسات الكتير اللى موجوده فى الاسبيرانزا هوا عايزها تمشى حتى لو فيها 100 عطل
عايز يصلحها عند اى حد و مش عايز يروح التوكيل حتى فى المشاكل الكبيرة
عايز يمشى بيها طول النهار فى شوارع مكسر و العفشه تطلع سليمه... طب ازاى
كل ده ليه السواق عليه ضغوط من أقساط الى بيت مفتوح فظروفه قاسيه و العربيه بتشتغل فى ظروف شديدة القسوة
ا

+111111111111111111

كلام صحيح و منطقى 1000000%

و مش دفاعا عن الاسبيرانزا لكن كمان اللى راكب لانوس او فيرنا او حتى بعض سائقى اللادا الجديدة خاصة الانجيكشن من التكسجية بيلعنوا ابو العربيات الجديدة لانه كان فاهم العربيات دى زى الفيات و اللادا القديم يروح لعم برعى الميكانيكى يقوم مسخن له طقم البوجيهات على النار و يغسلهولوا و ركب يا عم و يستنضف له بقية طقم السرفيس من الخردة اللى فى الورشة عنده و تمشى العربية و تمام التمام صحيح طبعا العربية ماشية نص لبة بس المهم تقضى الغرض و المكنة تدور و خلاص يا اسطى و كام يا عم برعى يقولوا 25 جنيه يقولوا لييييييييييه هما 15 جنيه بس و هعمل بنديريتين و حاجى اديهملك.
و طبعا لما العربيات الجديدة دى نزلت التكسجية اجبروا انهم يغيروا عشان لقمة العيش لكن لو كان عليه هو عايز يشغل العربية اللى منظرها بقى يبعث على الشفقة بقية العمر و طبعا لما بدأوا مشوار الصيانة بالعربيات دى بدأوا يشدوا فى شعرهم لانى صيانة الجديد غير صيانة القديم خالص و لما صاحبنا سواق التاكسى بتاع الاسبيرانزا استنصح و راح لعم برعى الميكانيكى بوظ الدنيا و دخل فى متاهات يحمد ربنا انها انتهت على كدة.
و نقطة تانية انى 3/4 اصحاب التاكسيات جايبين سواقين على الاقل وردية واحدة ان لم تكن ورديتين و السواق عايز يطلع إيجار العربية اللى هيديه لصاحبها و عايز يحط بنزين 80 و غاز و عايز بعد ده كله يكسب و لو صاحبها هو اللى سايقها عليه اقساط و صيانة و مصاريف اد كدة فطبعاً فى كلتا الحالتين العربية بتتفحت و العربيات دى غير الفيات و اللادا حمالة القسية بتاعتنا اللى لو حطيت لها زيت قلية حتدور العربيات دى عايزة المعاملة الكويسة الناعمة فطبيعى عند سؤال اى سواق تاكسى من اصحاب العربيات الجديدة اياً كان نوعها و اللى العربية بقالها معاه مدة انه حيقولك الله يلعن ابو الجديد كله.

طبعاً لا أقصد كل سواقين التاكسى لكن غالبيتهم و نقدر نقول 95% منهم و كنت بتعامل مع ميكانيكى كل ما يجي له سواق تاكسى ايام العربيات القديمة كان يمشيه فقلت له ليه كدة ده رزق و جايلك قال لى حقولك على اللى فيها يا بيه السواق من دول يجى و يتعمل له احلى شغل فى عربيته و تيجى تقوله ادفع يقولك كتييييير لا يا عم انا هدفع كذا و بس و معييش هعمل بنديرتين و حاجى اديلك الفلوس و لما تركب معاه يبقى عايز يقلعك هدومك.

أعتقد المقصود بالاعلان بتاع الاهرام هو وكيل كومود الصينية اللى كانت بتتجمع فى الهيئة و الله اعلم