الحكاية غريبة جداا
احكى ياشهريونيو
المكان : احدى الشوارع القريبة من التحرير
الميعاد :اليوم ظهرا (29-06-2011)
اللى حصل حصل لعديلى بس عيشته معاه بعد الموقف من خلال التليفون
مهنته : عضو فى هيئة قضاء الدولة
نوع السيارة : رينو
ونبتدى الفزورة
ماشى ف امان الله لقى كام واحد لابسين مدنى عادى بس ف جنبهم طبنجات موقفينه بثقة رجال الشرطة الافاضل
المجنى عليه يرفع رأسه ويقول خير ؟
يرد الجانى :رخصك لو سمحت
المجنى عليه : تحت امرك اتفضل
الجانى :ايه العربية مش باسمك واكيد مش معاك توكيل يبقا انتا سارقها
المجنى عليه يتصدم لرده (عربية والدته ) ويقول ياعم دى والدتى
الجانى : بيدى الرخص للشخص الاخر من الناحية الاخرى من السيارة يبص فيها
ويستمر النظر ف امره وهوا واقف مش عارف يعمل ايه
وفجأة يقولوه اركنلى على جنب لو سمحت
المجنى عليه : ركن على جنب ونزل الهواباااااا
ملقاش حد منهم يمين شمال مفيش ايه الهطل ده يولاد هنلعب
طب ايه
كلمنى نصحتو يطلع يعمل محضر اقرب قسم بسرعة ويطلع على نيابة المرور
راح متصل بوالده (دكتور قانون ) يجيله يعنى يبقا معاه
وهنا المفجأة
يدخل القسم يعمل المحضر تقريبا قسم السيدة
يلاقى نفسه مطلوب ومعمول فيه محضر باصطدام ف سيارة واصابة شخص وتلفيات واصول الرخص متدبسة ف المحضر
الغريب ف الامر بقا ان الاشخاص اللى عملو المحضر دول يقال ف القسم انهم مسجلين خطر (طب الزاى ) مسجل خطر ويدخل قسم برجله ويعمل محضر كده وميقبضوش عليه !!!!
علشان مطولش الحوار دخل فيه قصص كتير بلا معنى بس ف النهاية
مع تدخل بعض الاشخاص دفع غرامة 50 ج وافرجو عنه من سرايا النيابة بضمان محل عمله ووظيفته وادوله الرخص ومشى بس مفهمتش بقا هيحصل ايه ف المحضر ده .
الدروس المستفادة :
متديش حد الرخص لمجرد حاطط طبنجة ف جيبه لازم تسأل على الكارنيه لكن لو ثبتك بيها وقالك انزل انزل على طول :B4_611:
بعد ميحصل الموقف ده فيك تسبق المسجلين على القسم علشان تعمل محضر قبلهم جايز تبقا حظك حلو وتلاقيهم داخلين عليك :crying2:
حاجة تجنن فعلا محدش عارف ايه اللى ممكن يتعمل فيه
توقعاتى لما عرفت الفيلم ده ان العنوان ف الرخصة يروحو بقا يخدو العربية او اللوحات او يستخدمو الرخص دى ف اى مصيبة سودا بس معقول يعنى اللى بيحصل ده انا اتجننت خلاص ومش عارف افكر فعلا كل يوم بلاوى جديدةㄝ