الشروق ولا العبور ولا التجمع الخامس ؟

**khaled_yassin** · 30-06-2011 09:01 AM

اسمع منى الخلاصة يا صديقى
سعر التجمع غالى اوى وعلى الفاضى الدنيا لسة قدمها بتاع 5 سنين على ما تقول يا عمار وكمان الدور الاخير دة تبعد عنوا بالمشوار
الشروق انا كل يوم بعدى عليها رايح جاى من 4 سنين ولحد دلوقتى ما فيهاش اى جديد خالص نفس المبانى الفاضيه والفيللات والشقق المهجورة ومش عارف الناس بتشترلى وترميها ولا ايه
العبور هى عروسة المدن الجديدة اكترهم خدمات ومنطقة كبيرة جدا وفيهاا حياه واقرب مكان لشغل حضرتك وموضوع المصانع والعمال بعاد عن المناطق السكنيه يعنى انت فى وادى وهما فى وادى تانى

**محمد محمد** · 30-06-2011 12:52 PM

المشاركة الأصلية كتبت بواسطة elrasy

نشكرك حضرتك على الاختصار الجامد

الحتة بتاعت جوزيف تيتو و بعدين طريق الهايكستب امتى اكسر شمال علشان ارجع لطريق الاسماعيلية تانى؟؟

يا ريت تجاوب بسرعة علشان مش فاضى

ههههههههههههههههههههههههه ه ده ايه الطمع ده
هتخش شمال من مدينة الهايكستب هتلاقي علي شمالك موقف اتوبيسات الهايكستب هتخش تمشي علي طول وفيه دخلة شمال وبعد كده يمين حتة صغيرة وتمشي علي طول هتعدي علي شريط القطر هتلاقي نفسك في موقف العاشر هتخرج منه هتلاقي طريق مصر الأسماعيلية...بس كده .

**محمد محمد** · 30-06-2011 12:57 PM

اللى عايز معلومات عن مدينة العبور يخش الموضوع ده انا شغال في الشركة دي

http://www.nilemotors.net/Nile/229557-2011.html

**eng/muhamad** · 30-06-2011 01:55 PM

العبووووووووووووووور طبعا هايلة ومستقبلها هايل

للاسف الشديد العبور هتبقى شعبية جدا بعد ما دخل فيها التوك توك

**محمد محمد** · 30-06-2011 02:56 PM

المشاركة الأصلية كتبت بواسطة eng/muhamad

للاسف الشديد العبور هتبقى شعبية جدا بعد ما دخل فيها التوك توك

العبور لأنها مدينة كبيرة فيه احياء مينفعش فيها غير مواصلة خاصة فطبعا علشان مافيش تاكسي فالتوكتوك هو الحل .

**dolly13** · 30-06-2011 02:58 PM

مساء الخير
العبور هى اكثر مدينة حية فى الثلاث مدن التى تم ذكرها لما فيها من تنوع فى البيئات ومستويات السكن الاجتماعية
فهى مدينة سكنية زراعية صناعية وده ميزة مش عيب واللى ساكن فيها بيحس بالميزة دى جدا
فيها جميع طبقات المجتمع وده بيخليها مدينة متكاملة الخدمات
بالنسبة لموضوع التوكتوك فهو منتشر فى المكان الشعبى الوحيد فى المدينة فى الحى الاول منطقة المساكن وفى الشباب ولكنه لا يمثل مشكلة لان الشوارع واسعة وممنوع خروجه على الطرق الرئيسية الا طبعا بعد الثورة كان فيه شوية استهتار لكن جهاز المدينة رجع كل شئ الى ماقبل الثورة
ولازم حضرتك تيجى العبور بنفسك وتشوف وتلف فيها كلها عشان تتاكد من الكلام ده وصدقنى هاتحبها من اول مرة
ربنا يوفقك للاختيار السليم

**elrasy** · 30-06-2011 03:07 PM

المشاركة الأصلية كتبت بواسطة eng/muhamad

للاسف الشديد العبور هتبقى شعبية جدا بعد ما دخل فيها التوك توك

كنت فى 6 اكتوبر قريب ولقيت بردة التوكتوك وفى اماكن حيوية كمان

**خالد** · 30-06-2011 07:23 PM

جزاكم الله خير ياأخوان
بس ياريت تدلونى على أحسن الأماكن فى المدينة منطقة هادية وشيك ؟
يعنى أدور فين بالظبط ، علشان ناوى أروح أتفرج بس طبعاً مش ممكن هاأكتشف من أول أو تانى زيارة
ياريت تدلونى وربنا يجازيكم عنى خيراً

**dolly13** · 30-06-2011 09:45 PM

حضرتك لازم تقول عايزها كام متر والثمن التقريبى اللى حضرتك محدده للشقة واكيد هاتلاقى طلبك لانها فيها كل المستويات والمساحات

**خالد** · 30-06-2011 09:55 PM

المشاركة الأصلية كتبت بواسطة dolly13

حضرتك لازم تقول عايزها كام متر والثمن التقريبى اللى حضرتك محدده للشقة واكيد هاتلاقى طلبك لانها فيها كل المستويات والمساحات

من 85- 100 متر
بسعر 85 - 100 ألف جنيه

الموضوع: الشروق ولا العبور ولا التجمع الخامس ؟

LinkBack

أدوات الموضوع

عرض

-

-

-

-

المواضيع المتشابهه

مطلوب شقة في الشروق او العبور

ايهما افضل العبور ام الشروق

شقة فى الشروق او العبور

هو فيه مرور في التجمع الثالث ااقدر اطلع منه رخصه غير التجمع الخامس.. ارجو المساعده

>>> الشروق العبور التجمع زهراء مدينه نصر الواحه <<<

الكلمات الدلالية لهذا الموضوع

المفضلات

المفضلات

ضوابط المشاركة