محتاااااااااااااااااااااا اااااااااااااااار
:crying2:
عرض للطباعة
محتاااااااااااااااااااااا اااااااااااااااار
:crying2:
نفس السؤال والله
بس تقريباً اللى فهمته أنه بيبقى حر جداً وفى الشتاء مياه الأمطار بتنشع فى السقف
غير أنها أسهل شقة فى السرقة علشان منط من السطوح ، وحتى من داخل العمارة الحرامىة بيوقفوا واحد فى بير السلم بيكشف كل اللى طالع من تحت وهو بيكون ضامن أنه مفيش حد جاى من فوق لأنه فى الدور الأخير !!!
مستنيين بقى رأى أصحاب الدور الأخير نفسهم وخبراتهم
جزاكم الله عنا كل خير
ياريت ياجماعة حد يرد عليا
أيه مشكلة السكن فى الدور الأخير ؟
[mouseover=مثل شرح او رساله او تعليق الخ]لحسن كل اللى معروض عليا من الشقق دلوقتى أما أرضى وأما دور أخير ، حاسس أن كل الملاك بيخلصوا من الشقق دى ، ولا هية صدفة بس ؟
ياريت الأخوة يردوا عليا
جزاكم الله كل خير[/mouseover]
إحنا واخدين شقة الدور الأخير فى العبور .. بس الأخير ده هو التالت.
التانى بصراحة حسيناه مجروح حتى من الشارع ممكن يتشاف جوه ... مفكرتش فى موضوع منط ده .. ممكن بقى نأمن الأبواب و الشبابيك بشركة أنظمة أمان كويسة هتوفى بالغرض.
أولا الدورالأرضي :
منط للحرامية - البياعن و بتوع البوتاجاز هتلاقيهم بيعدوا من فوقيك و انت نايم - لو فيه جنينة أو مقلب زبالة قريب هتعيش مع الحشرات و الفيران - تراب بالهبل من الشارع - صوت العربيات - اللي رايح و اللي جاي زي ما يكون بيعدي من الصالة عندك .
ثانيا الدور الأخير :
الشمس بتضرب في الحيطة من كل ناحية و هتعيش في صهد زي ما تكون ساكن في فرن بلدي - السلم متعب و مقرف ليك لو بتتعب في الشغل - السلم هيخلي والدك ووالدتك ميزوروكش كتير عشان الم المفاصل و الخشونة ( هيه مصلحة عشان ترتاح من حماتك ) - في بعض الاحياء بتكون فيه مشاكل في الميه و انها متطلعش للدور الأخير غير في وقت متأخر - ايه كمان .... مش فاكر بس فيه حاجات تاني
و متقولش انا شاب و دي رياضة عشان لو مروح متأخر و ابنك نايم شيل بقى و لا طالع بأنبوبة بوتوجاز هتبقى عايز تولع في اللي كان السبب انك خدت الشقة دي و يمكن مخك يوديك انك تولع في ناس تانية فضت الانبوبة و لا جابت الواد ...
من رأيي انك تشوف افضل دور في الدنيا كلها وهو الأول أو التاني ( أول أو تاني بلكونة ) و لا فوقيهم و لا تحتيهم همه دول و بس غير كده لأ
الشروق مميزاتها الهدوء والخضرة واسعار الشقق المعقولة وكمان تقسيمتها كويسة من جوا ، فيه ركنات كتير جدا انت حتى ممكن تركن تحت البيت وده اغلب سكان الشروق بيعملوه والمدارس النموذجية مستواها كويس وفيه مستشفى نظيفة وباسعار رخيصة وكمان حايفتح هناك كارفور وهايبر من ناحية طريق الاسماعلية الاتنين بوزهم فى بوز بعض وفيه مدينة ترفيهية شغالين فيها وده حايخلى المنطقة فيها رجل جامدة وحايحيى المنطقة ، تقدر تدخل الشروق من طريق السويس أو الاسماعلية ولكل واحد منهم مدخلين أو تلاتة .
عيوبها بعد المسافة عن القاهرة ، لو معكش عربية ممكن تتعب شوية فى المواصلات ، قلة الخدمات نوعا ما ، المناطق اللى عند الجهاز معمية عمال شغالين فى مدينتى ودول استغفر الله العظيم منهم حاجة اخر قرف بس فيه مناطق تانية مرحومة منهم فحاول تجيب شقة بعيد عن أول الشروق ، الذباب هناك كتير وعايز الحرق لازم تقفل بشيش احسن حاجة ، كل يومين بيكسروا فى الشوارع علشان حاجة شكل يعنى اليومين دول شغالين فى توصيل الغاز ومبهدلين الشوارع ده غير المطبات من كل شكل ونوع وعيون القطط .
الله يبارك فيكم كلكم
والله أنا ماعارف أقولكم أيه على نصايحكم وخبراتكم الجميلة دى
فعلاً الدور الأرضى وحش جداً إزعاج وحشرات وريحة وتراب :crying2:
الدور الأخير فعلاً تعب - مياه - صهد وولعة - نشع أمطار فى الشتاء
بمناسبة الشروق !!!!
أنا خدت المدام والأولاد أمبارح ورحنا نتفرج على الشقة الهايلة 86 متر بــ 86 ألف (بعد الفصال ونزلتها من 100 إلى 86 ألف)
كانوا قايلين الشقة فى الحى التانى المتميز !
طلعت الشقة مش فى المتميز ولا حاجة وطلعت فى الحى التانى بس وشكله مساكن وحشة ( الشارع اللى فيه بنك الإسكان والتعمير) والشقة فى الجهة المقابلة للبنك والمستشفى الناحية التانية
المهم ماعجبتنيش خااااااااااالص ، والمنطقة كلها عمال ساكنين فى الشقق دى ، وحسيت أنه لسه بدرى جامد على الشروق على الأقل 4-5 سنوات
المهم من العكننة رحنا على القاهرة الجديدة وعجبت الأولاد جداً طبعاً وأتفسحوا وأتبسطوا فيها جداً
وقررت بأمر الله أستبعاد الشروق نهائياً ، والبحث أما فى القاهرة الجديدة أو العبور
أدعولى ربنا يوفقنى ويصلح لكم وليا الأحوال ويرزقنا من حيث لانحتسب
آمين
ربنا ييسرلك الخير و يصلح لك الأحوال
أنا ساكن في العبور و شايف القاهرة الجديدة تتميز عن العبور في نقطة سهولة الوصول اليها يعني العبور لو طريق مصر اسماعيلية واقف هيبقى قدامك حلين ياما تخرج من الشروق على طريق السويس و من هناك على الدائري أو مصر الجديدة يأما تدخل من مدينة السلام للدائري لكن التجمع بدايل الطرق اللي بتوصل ليه أحسن