يا جماعه بعد ازنكو اخوكو معاه قرش محيره و عايز يروح البورصه يطيرو
انا قريت عنها كتير و فهمت كتير
عايز اعرف الطريق امشى ازاى
هبدا ب 2000 جنيه كاتجربه كده
ايه رايكو يا رجاله؟
عرض للطباعة
يا جماعه بعد ازنكو اخوكو معاه قرش محيره و عايز يروح البورصه يطيرو
انا قريت عنها كتير و فهمت كتير
عايز اعرف الطريق امشى ازاى
هبدا ب 2000 جنيه كاتجربه كده
ايه رايكو يا رجاله؟
متدخلش دلوقت طبعا
طيب ليه يا باشا عايز تجارب كتير
المؤشر دلوقت او الاسهم يعنى بتتاثر بالسياسة
النهاردة نازلة 2% تقريبا
فانت كدة تحت رحمة السياسة
ميدخلش ليه دلوقتي على اساس انه داخل ب 200 الف مثلا؟
الراجل حيجرب ب 2000 يعني يوم ما حيخسر حيخسرله 500 جنيه لو خسر جامد
عموما عشان تدخل البورصه لازم تشترك في شركة سمسره وتكون عميل ليها
وبما انك داخل ب 2000 جنيه بس يبقى مقمكش غير المجموعة المالية هيرمس 16900
لو كنت داخل بمبلغ اكبر شويه كنت حرشحلك عربيه اونلاين بس الحد الادنى ليها
5000 جنيه كبدايه وعمولتها في التي بلس تو 2 ونص في الالف اما هيرمس عمولتها 5 في الالف
من الاخر 2000 جنيه ميعملوش اي حاجه نهااااااااااااااااااائي الا لو ناوي تشتري وتنساهم
كبدايه 10 ل 20 الف معقولين وممكن تحس بربح منهم
وارشحلك سهم
العربية للأستثمارات والتنمية سعرها حاليا ب 0.73قرش ايوه تلاته وسبعين قرش فقط
السهم ده اديله اسبوعين او شهر حيطلع جامد بس تنعقد الجمعيه وحتبقى قضيه وحيتوزع ارباح
زي شركة اجواء لما نصحت ناس كتير تدخل في السهم وكان تمنه 2.14 جنيه اتنين جنيه واربعة عشر قرش
قالولي شركة خسرانه قلتلهم بكره المساهمين يكسبوا والسهم يبقى مش اقل من 6 جنيه محدش صدق واهو السهم كل يوم في الطالع لغاية اما وصل ل 5.5 جنيه خمسه جنيه و خمسين قرش يعني لو داخل ب 2000 بقوا 4500 جنيه وهكذا
انصحك بشده بسهم
العربية للأستثمارات والتنمية ارخص سهم في البورصه
وطبعا القرار لك وللأمانه البورصه بتتاثر باي خبر حاليا في مصر
بس بترجع ترد تاني يوم او بعديها بيومين
وايه فايدته يدخل ويخسرهم حتى لو 100 جنيه
استراتيجيتي الشخصية
اني ادخل ب 12 الف علي الاقل
و يتقسموا 3 اجزاء
- جزء مضاربة و مش مضاربة بمعني المقامرة لكن عمليات شراء و بيع في مدة اسبوع او اسبوعين علي الاكثر
- جزء لاسهم الكوبونات و الاحتفاظ و دول ممكن تغير مراكز فيهم كل عدة شهور
- جزء اخير بيظل كسيولة و لا يستخدم الا في حالات الطوارئ فقط
المشكلة في المبالغ الصغيرة انك لما بتشتري في سهم و تبيعه اخر الاسبوع و بعدين تطرح عمولة السمسار بتلاقي نفسك مش كسبان او كسبان مبالغ صغيرة جدا علشان كده افضل ان المبلغ في العملية يكون في حدود 4 -5 الاف جنيه علي الاقل
3 نصايح:
1- شراء سهم سعره الحالي اكبر من قيمته العادلة و في منطقة اعلي من متوسط فترة كبيرة فاتت بيعتبر مقامرة و علي مسئولية المضارب
2- ضرورة تحديد الاهداف قبل الشروع في العملية يعني انا داخل هنا و حخرج في السعر ده
بدون السماع للاشاعات او الطمع لازم اخرج عن الهدف بتاعي او اخرج تدريجي من السهم علي مرتين او تلاتة لو عندي ثقة في ان السهم طالع بقوة
3- فلوس البورصة فلوس اضافية غير اساسية في حياة المضارب او المستثمر لو ضاعت الحمد لله محصلش حاجة و لو كسبت عشر اضعاف يبقي الحمد لله
دي استراتيجيتي الشخصية و ان شاء الله يشارك الاعضاء بافكار مختلفة و مفيدة و اهم شئ تتعلم و تتثقف في البورصة علشان يكون قرارك من دماغك مش من اشاعات السوق لا البورصة المصرية بورصة حيتان بلا قواعد تنظيمية منصفة لصغار المستثمرين
مش عارف اقلقو ايه خلاص هاخليهوم
5 الف بس ممطن يا استاذ gmc تقولى اعمل ايه 123 وانا همشى وراك مترح متقولى
ربنا يبركلكو و انا بطبعى بحب المغامره فا دايس فى البرصه لحاد مزهق و اهو يعتبر مشروع جنب الدراسه ياعنى بجد شكرا
متابع بأهتمام
اليومين دول أسعار شراء ممتازة ... ومعظم الأسهم أسعارها واقعة جدا ..... بس نصيحة خلي فلوسك معاك وبلاش تدخل البورصة لأنها اليومين دول بتتأثر بأي خبر سياسي وتروح واقعة وهاتقرف نفسك كل يوم بأخبار السهم بتاعك سواء طلع ولا نزل ولا لسه ماطلعش .... أنا بقالي 3 شهور في البورصة وخسران مبلغ ضخم ومش عارف ألم الخسارة دي أزاي ومحبوس في السهم بتاعي ... أنا مش بحبطك ولا حاجة بس عايز أقولك كبر دماغك وخلي فلوسك معاك
بص يا سيدي
انا مش خبير في البورصة لكن هأقولك على نصايح شخصية ولو عايز تاخد بيها اتحمل مسئوليتها
أنا لسه داخل من كام شهر و
أنا لي رأي ويمكن يفيدك :
في نوعين من التعامل
المضاربة وده يعني تشتري وتبيع في أجل قريب والشراء والبيع بيكون بناء على جو السهم مش بناء على قيمته الحقيقية أو وضع الشركة المالي
وده في رأيي إنها نوع من المغامرة ولا حد في الدنيا يقدر يقولك هتكسب ولا هتخسر حتى لو هو صانع سهم ( ميكر ) أو حتى معاه مليار بيلعب بيه في السهم الواحد
وممكن تشتري سهم عليه مضاربات وصلته خمس مرات قيمته الحقيقية وبعدين تفاجأ إن الكل اكتفى وبدا يلم المكسب ويبيع والميكرات وقفوا اللعب عليه لأنه وصل للذروة وكل واحد بيرمي ويهرب منه وانت طبعا علشان مش متقبل الخسارة هتنتظر يمكن يرفع شوية وكل يوم تزيد الخسارة ويصعب أخذ قرار البيع
ويستقر السهم عند قيمته الحقيقية أو أقل وتقول ما فيش فايده لازم أبيع وأحاول مع سهم غيره اعوض خسايري
فتبيع وتلاقي نفسك مشتريه بثلاثمائة جنيه وبايعه بخمسة وعشرين
زي سهم هيرمز مثلا
والنوع التاني هو الاستثمار طويل الأجل
يعني تشوف سهم لشركة محترمة ما فيهاش رؤوس الفساد المعروفين وليها مجلس إدارة نزيه وبتوزع أرباح سنوية أو نصف سنوية معقولة
وبعدين سعر السهم بتاعها نازل عن قيمته الحقيقية أو اللي بيسموها العادلة - ويكون سعره صعب ينزل اكتر من كده مهما حصل من أحداث
تروح حضرتك مشتريه وانت مطمن
وبعدين لو نزل شوية نصيحة مني ما تبعيعششششش
لأن اللي بيحصل إنك تخاف وتبيع بالخسارة
وبعدين تيجي تشتريه أو تشتري غيره تلاقي السعر رفع فبدل فتبقى بدأت واشتريت الف سهم بالفين جنيه مثلا فبعتهم بألف وسبعمائة وعلبال ما اخذت قرار بالشراء تاني كان السهم رفع لآخره وانت مستني فتشتري بالفلوس ستمائة سهم فقط ييجي السهم يبدأ ينزل تاني علشان فيه ناس كسبت وهتكتفي وتعمل حاجة اسمها جني أرباح فانت تخاف وتبيع بالخسارة
وتفاجأ في النهاية إن الاسهم اللي معاك لو بعتها بسعر السوق تجيبلك ربع المبلغ اللي دخلت بيه
فتروح جايب مبلغ تاني وتقول لا يعوض البورصة إلا البورصة وانا خلاص فهمت ومش هأغلط تاني
وتستمر مرحلة الخسارة والابتلاع في البورصة
فنصيحتي لو انت عاوز تشتري
اشتري في سهم مضمون نوعا ما وله ميزة تفاضليه تحميه من النزول وسعره نازل أصلا يعني صعب ينهار أكتر من كده ويكون هيوزع أرباح او هيجزأ او هيعمل توسعة للشركة
ولو السهم نزل ما تبيعش لأي سبب طالما انت واثق غنه هيطلع تاني بامر الله أو كان هيوزع ارباح تعوض الخسارة
وابعددددددد عن أسهم المضاربات
او الاسهم اللي سعرها اغلى من قيمتها العااادلة
بصراحه انتو حيرتونى ياعنى اعمل ايه حد يوضاحلى يا جماعه معليش بس كل حاجه فيها خساره و فيها مكسب محدش بيكسب علطول و محدش بيخسر على طول تجارب جميله جدا بس افيدونى العب على ايه اكيد مفيش حد فى البورصه هيكون قلبو عليا فعايز تجربه كامله
رجاله البورصه فين انا قدامى جمعه و سبت لانى هتعاقد الاحد باذن الله
الوقت الحالي أسعاره كويسة جدا للشراء في كل الأسهم ..انك تختار سهم أو سهمين بالكتير ..
لكن الظروف الحالية في البلد مخلية أي خبر صغير سياسي يخسف بالبورصة الأرض ....
المضاربة حاليا خطر جدا ( يعني الشراء و البيع على مدد قصيرة لا تتعدى أسبوع )
أفضل حل من وجهة نظري انك تختار سهم أو سهمين بالكتير نظرا لأنك هتحط 5000 بس و تشتري من قطاعين مختلفين و تصبر عليهم مدة مش اقل من 6 شهور .... لكن ممكن لو سهم منهم خلال شهرين تلاتة عمل مكسب معقول تبيع و تشتري غيره ...
بس أهم حاجة انك تفرا كتير جدا في التحليل الفني و اياك تسمع لأي حد يديك توصية الا لو أقنعك بأسبابه الأول و برضه اسمع منه و بعدين حلل بنفسك تاني بأكتر من طريقة عشان تطمن ...
تسلملى بس انا مش فاهم اعمل ايه
ياعى هروح هيرمس اتعاقد و بعدين
ما شاء الله المنتدى فى خبرات ما شاء الله عليها
ياريت نستفاد من حضراتك فالصفحة دى وهى متابعه اثناء الجلسة وياريت نستفاد من تواجدتكم معانا
https://www.facebook.com/WeloveEgypt4ever
انا منشئ الصفحة .......فأعتبره الصفحة بتاعتكم طبعا
مش هيفرق تعمل تعاقد مع اي شركة سمسرة - انا عامل مع حلوان عشان ليها فرع جنب بيتي في م نصر و في المنيا و في بني سويف - المهم يكون عندهم تداول الكتروني و هوه ده اهم حاجة عشان مش كل ما تكون عايز تبيع او تشتري تروحلهم .
تاني حاجة هتنزل برنامج ميتاستوك عشاتحلل عليه و هتنزله من الصفحة دي :
....stock Pro V10.1 ظ…ظƒطھط¨ط© ط®ط¨ط±ط§ط، ط§ظ„ظ…ط§ظ„ ظ„ظ„ط¨ط±ط§ظ…ط¬ ط§ظ„ظ…ط§ظ„ظٹط©
أو تنزل برنامج ايمي بروكر من الصفحة دي :
برنامج ايمي بروكر في اصداره 4,7 ظ…ظƒطھط¨ط© ط®ط¨ط±ط§ط، ط§ظ„ظ…ط§ظ„ ظ„ظ„ط¨ط±ط§ظ…ط¬ ط§ظ„ظ…ط§ظ„ظٹط©
بعد كده كل يوم من الساعة 4 العصر بتنزل بيانات الأسعار و تقدر تجيبها من الصفحة دي :
ط¨ظٹط§ظ†ط§طھ ط§ظ„ط§ط³ظˆط§ظ‚ ط§ظ„ط¹ط±ط¨ظٹط© | Arab Markets Data
و عشان تقرا شوية ممكن تقلب في الكتب دي :
ظ…ظƒطھط¨ط© ط®ط¨ط±ط§ ط، ط§ظ„ظ…ط§ظ„
[QUOTE=MaZaGAngeE;3873625026]في السوق من 2005
كسبت شوية و لكن من 2008 لحد دلوقتي خسران 90% من الفلوس
نزل البرامج الأول و بعد كده اقولك تستخدم كل واحد ازاي
و عموما هتلاقي في الموقع شرح بالصور للبرامج دي[/QUO
طيب ايه الاخطاء الحضرتك وقغت فيها
[QUOTE=minicooper20;3873626251]
أولا دخلت في وقت السوق كات وصل لنهاية الطلوع و داخل على جني أرباح و الدخلة دي كانت بناء على توصيات مؤكدة و قوية .
ثانيا لما الأسهم نزلت رفضت البيع و احتفظت بيها لأن فيه قانون اسمه دورة السعر ( يعني السعر بيلف في دائرة و لازم يرجع تاني لنفس السعر اللي كان عنده بعد فترة زمنية )
ثالثا عدت عليا اوقات كنت اكتئبت و بعدت خالص عن السوق و ده خلاني اخسر اكتر
رابعا لما كنت بروح شركة السمسرة قبل ما اعمل تداول الكتروني و ببقى رايح و محلل و مظبط نفسي على البيع و الشرا كان المنفذ بياكل دماغي و يشوش عليا و ده كان بيخليني اخسر برضه
خامسا لما بكسب بخاف اكتر على المكسب و رغم اني عارف السعر هيوصل فين بس كنت بخاف و ابيع مع اني لو صبرت يومين او تلاتة كمان كنت هكسب اكتر من اللي كسبته
ايه كمان .....................
انا بتعلم من حضرتك
طيب ممكن تدينى ارقام لمكسب و خساره دفعت كذا خسرت كذا و كسبت كذا
مشكوووووور والله يعطيك الف عافيه
انا انهارده اتعاقدت و هاحكيلكو التجربه اول با اول