نفسى اعمل قضية و حبس لاصحاب ال 4*4 ملاكى اتوبيس خاص

**atamim** · 30-06-2011 11:28 AM

المشاركة الأصلية كتبت بواسطة eng f3lix

ياباشا الراجل معاه فلووس وعايز يركب عربية كويسة
ايه المشكلة دلوقتي

فية الوف العربيات الفارهة الى ممكن يركبها الى فى حدود السيارات الخاصة و مواتيرها مش كبيرة قوىمثلا 2000 سى سى فى المتوسط

لية بقى يجيب حاجات اعلى بكتير قوى و يدفع اقل من الناس الى جابت عربيات خاصة 2000 سى سى و 1600 ؟؟؟؟؟؟

انا مثلا لو اشتريت مرسيدس 2000 سى سى و دفعت مثلا 200 او 300 الف جمارك

و هو جاب عربية 4 او 5 الاف سى سى و دفع اقل منى بكتير مش دا ظلم

و فى الحالتين عمرة ما حيستخدمها اتوبيس خاص دا استخدام شخصى

**shaddadfalcon1** · 30-06-2011 01:14 PM

ياسيدي انت مزعل نفسك ليه
طالما القانون بيسمحله يبقي خلاص

**أبو_حمزة** · 30-06-2011 01:40 PM

اللى عمل كده مش أصحاب العربيات
التوكيلات و تحديدا توكيل تويوتا لما جاب البرادو و عمل افراجها الجمركى اتوبيس خاص عشان تبقى سعرها معقول
و اللى بيشترى بيبقى عارف انه بيدفع أقل شوية فى نظير مشاكل ممكن تواجهه زى ما الناس قالت ما يقدرش يمشى فى طرق مخصصة للملاكى و يتعامل فى المرور معملة السيارات المهنية
اعتقد الموضوع ده كان شوية دفعات فى السابق و أصبح غير موجود

**eng.m7md.ali** · 30-06-2011 04:57 PM

المشاركة الأصلية كتبت بواسطة mhmdalsaadany

يا باشا الموضوع دا ليه شروط لازم تستوفاها الاول وشروط مغلظه على فكره ولازم تكون مستوفاه وخلى بالك دا بيتعامل معامله النقل يعني ابسط مثال ممنوع يطلع كوبري اكتوبر او يخش الزمالك وكدا يعني الدنيا مش سايبه اوي زي ما انت فاكر

لو قصدك على الدودج النقل يبقى كلامك مش دقيق اوي لانه بتاخد تصريح تمشي عادي في الزمالك او على اكتوبر او المحور لان بجد حرام اجيب عربية تحفة زي دي واتحرم من المشي زي باقي العربيات

**البرنس** · 30-06-2011 05:53 PM

المشاركة الأصلية كتبت بواسطة atamim

ما هو لو جاب عربية زى خلق الله 1600 سى سى مكانش حيدفع كل المبالغ دى

بس الى عمل التحايل دا غاوى منظرة و يا ارض اتهدى ما عليكى قدى

و الى عمل القانون دا انتوا عارفينه طبعا شلة وزارة المالية و مجلش الشعب

دا علي اساس إن إحنا عايشين زي خلق الله لمعلوماتك العربيات برة برخص التراب كل الناس برة معاها عربيات و العربيات اللي إحنا هنا ممكن نقول عليها فارهة زي الكمارو و ال ....by gt500. و غيرهم بيبقي تمنها برة بتمن التويوتا كورولا و الانسر في مصر

**MaZaGAngeE** · 30-06-2011 07:40 PM

الورق يسمحله انه يتحايل على القانون و يشتري عربية تمنها600 الف ب 250 بس .....
لو ممكن انا اعملها هعملها بصراحة .... لكن مدام مش قادر يبقى نرفع قضية في المحكمة الدستورية لتغيير القانون اللي بيديهم الميزة دي ..

**mhmdalsaadany** · 30-06-2011 11:12 PM

المشاركة الأصلية كتبت بواسطة eng f3lix

لو قصدك على الدودج النقل يبقى كلامك مش دقيق اوي لانه بتاخد تصريح تمشي عادي في الزمالك او على اكتوبر او المحور لان بجد حرام اجيب عربية تحفة زي دي واتحرم من المشي زي باقي العربيات

بصراحه يا باشا انا فعلا معنديش فكره عن التصريح دا بس لو حضرتك فعلا الكلام دا صحيح دي تبقى هزولت دا احنا بنقول ان المشكله انهم بيرخصوا نقل ويتعملوا زي النقل ولا يقودها إلا مالكها لكن لو هياخد تصريح يعفيه من الكلام دا ويتعامل معامله الملاكي يبقى حراااااااام عليهم بجد