السلام عليكم
كلكم عارفين الموضوع دا
ايام الفساد الى كان للركب كان بعض اصحاب الاموال و التحايل بيدفعوا رشاوى علشان يسجلوا عربياتهم ال 4*4 اتوبيس خاص بدل عربية جيب علشان يتهرب من دفع 300 او 400 الف جنية
الناس دى عايزين نحاسبهم و ندفعهم الى اتهربوا منه و اكلوا فى بطونهم و الناس التانية بتدفع الى عليها و بتسجل ملاكى
مين هنا محامى يرفع قضية عليهم يجيب حد من حقوق البلد الى اتنهبت و ضاعت و شايفنها لحد دلوقتى قدام عنينا
تفتكر حضرتك كدة ال 300 الف ولا ال400 الف دول من حق البلد؟؟ متنساش ان الجمارك دي اصلا نصب ونهب لفلوسنا
بصراحة انا شايف انهم ناس ناصحة عرفو يعملو حاجة علشان ميدفعوش كتير زي باقي الناس وشايف ان مفيش اصلا قضية ولا حاجة
يا باشا كلنا دفعنا سواء الى اشترى عربيات متجمعة جوة البلد او جية من برة البلد بس ما ينفعش اننا ندفع و غيرنا ما يدفعشاقتباس:
المشاركة الأصلية كتبت بواسطة eng f3lix
كمان الاتوبيس الغرض منه نقل موظفين او توصيل ركاب يوميا لمسار محدد
فولا دا بيحصل ولا دا بيحصل
و لو كل واحد طنش على النصب الدنيا حتخرب زي زمان يبقى كل الى اتعمل راح فى البحر
مش اي حد يقدر يرخص الملاكي اتوبس
علي حد علمي ان ليها شروط زي ان العربيه تكون ديزل و7 راكب تقريبا
وطالما في قانون بيقول كده يبقي مفيش مشكله
لو حد عمل تحايل يبقي الأولي امسك اللي ساعده علي كده
والأولي من ده كله ان السرقه قصدي الجمارك تقل لحجمها الطبيعي
واعتقد موضوع الاوتوبيس ده عشان الترخيص بس مش عشان الجمارك لانه كده كده بيدخل ملاكي
يعني انا ايه اللي يخليني ادفع 32 الف كل سنه في عربيه x5 ونا قدامي طريقه تخليني ادفع اقل من 2000 جنيه تقريبا او حتي لو 5000 برده مش هتبقي مشكله
ومحدش يقولي اللي جايب عربيه بكام مليون مش هتفرق معاه انه يدفع 30 الف كل سنه لان بصراحه انا بحس انه عقاب عليه وانه مش من حقه يركب عربيه نضيفه
ما هو لو جاب عربية زى خلق الله 1600 سى سى مكانش حيدفع كل المبالغ دىاقتباس:
المشاركة الأصلية كتبت بواسطة shaddadfalcon1
بس الى عمل التحايل دا غاوى منظرة و يا ارض اتهدى ما عليكى قدى
و الى عمل القانون دا انتوا عارفينه طبعا شلة وزارة المالية و مجلش الشعب
ماهي العربيه ال 4*4 دي مش رخيصه برده وهو من حقه يركب عربيه نظيفه طالما معاه فلوس وليه يدفع اكتر طالما ممكن يدفع اقل
انا عن نفسي لو ربنا كرمني وبقي معايا فلوس حبيت اشتري حاجه من الحاجات دي هحاول اعمل طل الطرق القانونيه الممكنه اللي تخليني مدفعش القتاوه دي وان شاء الله حتي ارخصها طياره
ياباشا الراجل معاه فلووس وعايز يركب عربية كويسة
ايه المشكلة دلوقتي
مثال :
عربية دودج رام ب 320 الف لو اشترتها وهتترخص ملاكي هتدفع 600 الف ده غير الضريبة لانها 5700 سي سي تيجي تترخص نقل ب 320 الف وترخيص اقل من 1000 جنيه
هل دي فيها مشكلة برده؟
يا باشا الموضوع دا ليه شروط لازم تستوفاها الاول وشروط مغلظه على فكره ولازم تكون مستوفاه وخلى بالك دا بيتعامل معامله النقل يعني ابسط مثال ممنوع يطلع كوبري اكتوبر او يخش الزمالك وكدا يعني الدنيا مش سايبه اوي زي ما انت فاكر
طبعا الموضوع لازم ليه شروط زي شركة او سجل تجاريمش اي حد يدفع فلوسويرخص اتوبيس خاص الكلام ده مش مظبوط ياريت حضرتك تتأكد