موضوع اللعيب الي كان واقع
اصلاً اللعب كان واقف و الكورة كانت اصلاً برة و الحكم أشار بتكملة اللعب
يعني بيشاور علشان تكملة اللعب نقوم نطلها برة و بردو يشاور بتكملة اللعب تاني
للتذكرة في وقت سقوط الاعب الكورة اصلاً كانت برة الملعب و اللعب متوقف اصلاً
عرض للطباعة
ما الجهاز الفني هو السبب في اللي فيه فرقة الزمالك دلوقتي .. وفعلاً لو ركزوا في اللعب فقط وسابو أي شيء تاني .. كانوا خدوا الدوري من زمان .. لأن الزمالك كان الأفضل فعلاً بصفة عامة الموسم ده .
عاوزك تتفرج على الزمالك لو حسن شحاته مسك الفرقة .. لأنه راجل مالوش دعوة إلا بشغله وبس .. ولا ليه في القيل والقال والمهازل اللي بنشوفها دلوقتي .
و آدي فيديو تاني صورته اوضح و مبين اكتر ان الهجمة و الكورة كانت في نص الملعب و اللاعب واقع
على الأرض و ماحدش عبره مع انهم ماكانوش عاملين هجمة خطر او عند الـ18 مثلاً.. و بردو كملوا عادي
https://www.youtube.com/watch?v=Ykew...layer_embedded
يا جماعه الماتش 90 دقيقه وانتهى على خير بمساوئه وحسناته بس ماينفعشى نفضل نتكلم على الماتش وتحصل المهازل اللى بتحصل بعد الماتش ونشتم ناس ونسب فى ناس ....... فعلا (كرة القدم هى أصنام العصر الحديث)
بالنسبه لللاعب اللي كان واقع مش هو كان محتاج علاج و محتاج الكورة تقف خلاص دومينيك حلها و جاب جون و وقف الماتش ...إتعالج بقي براحتك أكش تعلق محاليل حتي
و كلمه جد بقي للزمالكاويه ...حسام حسن كان بيكسب ببث الغل في نفوس اللاعيبه مش بالفنيات ...و كانت النتيجه تخبط في صفوف الفريق و كره الرأي العام بأكمله للشخصيه دي بجد و للزمالك بالتبعيه بسببه
مش عارف ليه المرة دى اسلوب الحوار مش عاجبنى والاغلبية من الاهلوية
اول مرة فى حياتى مكنتش عاوز الاهلى يغلب الزمالك كنت عاوز الماتش يطلع كده تعادل
اول مرة مراتى تقولى انت مش فرحان ليه وقت اى جون للاهلى ..بعد ما كنت بمشى على الحيط فى ماتش اللاسماعيلى
لاازم جميعا نتفق ان ماتش امبارح ليه ظروف خاصة جدا جدا احنا كنا بنتكلم عن سمعة مصر وبلد دخلت مرحلة الانهيار ومكنتش حابب
نهائى ان الماتش يتلعب من الاساس .....كنت متوتر جدا مش من الماتش نهائى ولكن خوفى ليحصل حاجه
فى المعلب ...وبالفعل كاد ان يحدث من شخص عديم المسؤلية ولا يهمه غير نفسه فقط لا غير
لدرجة بعد استأنف اللعب وبعد التعادل كنت بدعى ربنا ان الاهلى ميدخلش جون ..واقسم بالله هذا ما حدث
الحمد لله ان الماتش خلص على خير .
طالاما بقه كل الأهلاوية مش شايفين ان الكورة مفروض كانت تطلع بره وعادى اللى حصل وجابوا جون كمان
أنا بقه هكابر برده زيكم :grin54:
وهقول عاااااااااادى خالص وكمان كانت الدقيقة 90 والفريق عايز يكسب ايه المشكلة؟؟؟:grin54:
مساء الفل يا أبو ليلى أبسط ياعم خلاص هتاخدوا الدورى :grin54:
بس هاتلى رد واحد بس من زملكاوى تطاول على حد؟؟ أو اتكلم بطريقة مش كويسة :grin54:
كلهم أهلاوية للأسف ههههههه
ويستمر الزمالك فى تعليم مشجعيه اسمى معانى الصبر و الجلد والبرود
يستمر فى تعليمنا كيف ان نصبر بدون امل او حتى عمر
بس عمرنا ما نشجع الاهلى ولا نشوفه فريق يمكن حتى احترامه او احترام ادارته
وطبعا مش بنحترم ادارة الزمالك ولا اللى عمله الاصلع الفكره انها ادارة فاسده وفاشله والاهلى ادارة فاسده و ناجحه فى فسادها للكورة المصرية كلها
مبروك الدورى ومبروك كل اللعيبه الى هتشتروهم بفلوسنا ومبروك والدورى السنين الجاية
هدف صلاح مارادونا في مبارة المصري و الزمالك في الكاس ومعاه حسام حسن وعايز هو اللي يجيب الجول
عبد الواحد السيد مصاب وواقع على الأرض علشان اتخبط في وائل القباني
فين بأه الفير بلاي هنا
[youtube]http://www.youtube.com/watch?v=SfKIPK-CTwM[/youtube]
يمكن ساعتها مكنش أخترعو الفير بلاي لسه ؟؟؟؟؟؟؟
:)
هو أصلاً إزاى الحكم ميوقفش المباراة..........ده الجول اللى واقع مش لعيب.
عموماً هو حسام و إبراهيم لو حاجة ليهم مفيهاش مشكلة......عليهم يبقى حرام و عيب.
نسى ماتش 3-3......و نسى ماتش طلائع الجيش.
يا باشا ده إبراهيم قال تصريح خطير إمبارح.........قال أن الحكم لما لقى الماتش قرب يخلص كان بيحاول يساعد الأهلى علشان يتعادل.......و الأكتر من كده أن الحكم تلقى إشارة من أحد مساعديه بيقوله خلص الماتش على كده......كفاية.
نسى أن الحكم مطردش هانى سعيد علشان ضرب دومينيك فى وشه من غير كورة.............نسى أن حسين ياسر كان راجع من تسلل لما جاب الجول التانى.........أو يمكن كان بيتفرج على ماتش تانى ؟
بالصدفة وانا بتكلم مع صاحبى (بورسعيدى)عن الماتش
جه الكلام على حكاية جون طلائع الجيش والحدوتة اللى عاملها الإعلام والأهلاوية مصدقينها :Ta_clap[1]:
والزمالك مخرجش الكورة وعمل وعمل وأفلام أتقالت
وبما إنى مش خبير كروى أوى ومعنديش خبرة فى الدورى اللذيذ بتاعنا
والا كنت رديت على حكاية جون الجيش دى لو كنت أعرف
لقيته بيقولى ماتش الجيش ده
لاعيبه الجيش هى اللى كان معاها الكوره. واللاعيب بتاعهم كان واقع ومخرجوش الكورة !!!
عملو الهجمه بتاعتهم وكملوها وكل حاجه . وفى الاخر الزمالك قطع الكوره . وعمل المرتده
أعتقد كده العيب ميوقعش على الزمالك ومش مطالب انه يقطع الكورة عشان يطلعها بره
وكمان الفريق عايز يكسب والدقيقة كانت 93 !!!!!!!!!! :colsmil:
وكان أولى ان لاعيبتهم هما اللى يطلعوها بره :grin54:
واخدين بالكوا يا أهلاوية؟؟ هاااااا ياباشمهندس غازى؟؟؟ ايه رأيك؟؟ :ma:
وكمان فى جون التعادل التانى بتاع الأهلى كان واقع جوه ال 18 بتاع الأهلى ابراهيم صلاح
وكملتوا الهجمة عاااادى خالص ومخرجتوش الكورة !!! يعنى كده واقع أتنين فى الملعب :T_thum1[1]:
وده فيديو كمان بيوضح كلللللل حاجة
وبخصوص حكاية ان بركات بره او جوه الملعب دى انا مش هتلكم عليها عشان مش واضحة عشان بس متتلككوش على حاجة :36_1_1[1]:
أعتقد كده خلص الكلام
YouTube - ‫ط§ظ„ط§ظ‡ظ€ظ€ظ„ظ€ظ ظٹ ظˆط§ظ„ظ€ظ€ط²ظ…ظ€ظ€ط§ظ ظ€ظ€ظƒ ظˆط¯ط§ط¹ط§ ظ„ظ„ط±ظˆط. ط§ظ„ط±ظٹط§ط¶ظٹط©.wmv‬‎
ههههههههههههههههه... والله انت مشكلة يا حمدي :))
انا هرد عليك من وجهة نظري بما انك نكشتني و بعتلي اللينك على الخاص :))
يا راجل يا طيب... كل الاهلاوية اللي اتكلموا استنكروا فكرة ان لازم الفريق اللي معاه
الكوره يطلعها بره في حالة ان لاعب من القريق المنافس وقع على الأرض لاي سبب,
و خاللي بالك من (( لاااازم )) دي... و عن نفسي انا ماكنتش اعرف قوانين الـFair Play
لكن بعد ما رجعنا للقوانين... مافيش ولا قانون من الـ 11 قانون او قاعدة بتوع الـFair Play
فيهم ان لااازم او حتى يفضل ان الفريق اللي معاه الكوره يطلعها بره في حالة سقوط
احد لاعبي الفريق المنافس على الأرض في اي وقت و لأي سبب...!!!!!!
احنا فكرناكوا بالقديم لما انتوا عملتوا الموضوع ده حجه و حسام طالع يقول كلام هو مش فاهمه
عن الـFair Play و ان القانون, و القواعد, و الروح, و الرياضه, و احنا عملنا و سوينا
قلنا نفكر الباشا باللي هو نفسه عمله في الماتش بتاعنا, و في ماتش الجيش, و غيره
النتيجه في الآخر ان الجول بتاع الأهلي مشروع 100%, و انتوا بردو الجول بتاعكوا
في الماتش بتاعنا في السيزون اللي فات كان مشروع, و لو كنتوا جبتوا جول في الطلائع
كان هيبقى مشروع بردو... بس حسام و الزمالكويه بيتكلموا في ان ده مايصحش,
و ان ازاااااي الاهلي يتعادل كده, و هو ده الفريق المحترم يجيب جول كده !!!؟؟؟ ده كلامكوا
الفكره كلها بتتلخص في ان حسام حسن و ابراهيم حسن سبب رئيسي في كره متبادل
بين جماهير الزمالك و كل جماهير مصر اللي بتشجع الفرق التانيه بسلوكهم الغير مسؤول
و الغير طبيعي, و ان الزمالك كل ماتش مع اي فريق لااااااازم يعمل مشكلة و يتخانق مع حد,
و اللاعبين يظهروا بشكل مش كويس و ان ماحدش قادر يسيطر عليهم او على انفعالهم
او على سلوكهم, و نلاقي ان القدوة اللي هو المدرب او المدير الفني بيعمل اسوأ من كده,
طيب لييييييه !!!!!! و هتستفيد ايه يا حساااام لما تكره الناس في الزمالك و جمهوره !!!!!
ليه الزمالك بقى معروف عنه عدم الانضباط !!! و ليه بقى معروف عن مدربه انه ممكن
بدخل في اي لحظه يموتله 2 او يضرب 5 في الملعب علشان هو عصبي !!!!!!!
ده كل الناس بتطبطب على حسام و ابراهيم علشان يلموا الدور و الدنيا تعدى و ماتحصلش مشكلة
و بردو حسام و ابراهيم مش عاجبهم حد و لا حاجه و لا مكبرين حد و لا ليهم كبير اصلاً !!!!!!
ليه حسام عايز يبرر فشله او اخفاقه لاي سبب بالكوسه, و الحكام, و الجو, و الملعب,
و الجمهور, و الأهلي عمل, و جوزيه قال, و اتحاد الكوره, و الاضطهاد, و المؤااااااامره !!!!!!!
بتمنى يمسك الزمالك مدير فني محترم فاهم كوره, و اقسملك هتعرف الفرق ساعتها و هتكره
حسام و ابراهيم و جهازهم, و هتفهم حقيقة المصايب اللي كان بيعملها علشان يداري على فشله...
مش ده نادي الزمالك ابدااااااا... مش ده زمالك حازم امام, و ابوالعلا, اشرف قاسم, مدحت عبد الهادي
و الجيل ده من اللاعيبين... مش عارف ايه اللي حصل في الزمالك من ساعة ما جه حسام !!!!!!؟؟؟
عموماً... انت متخيل ان الأهلي او الادارة بتحاول توهمنا كجمهور بكلام مش حقيقي,
علشان موضوع الجيش و القصة دي... انتوا الجهاز الفني و حسام حسن مفهمكم انه
طوووووووول الوقت مضطهد و مظلوم و بيتحارب من طوب الأرض و في صراع,
و لو اتكعبل في الشارع هيقول ان دي مؤاااامرة عليه من الشارع !!!!!! ده مرض يا باشا
و اسمه (( حسنوفوبيا )) و مش موجود في مصر كلها غير عند حسام و ابراهيم حسن بس !!!
والله يا محمد باشا الأهلي ما محتاج حجج ولا مبررات, لان ببساطه الدوري بتاعه, هيتحجج ليييه !!؟؟؟
لو هتسألني عن رأي... مافيش حاجه اسمها فريق لا يستحق و فريق يستحق بالكلام بس...
في فريق اجتهد و تصدر و حافظ على اللقب و على مركزه و كسب و خد الدوري,
و فيه فريق تصدر الدوري و اتدلع و بدأ يخسر و ماقدرش يحافظ و خسر تصدره ده و الدوري...
الزمالك الموسم ده هو الأحق بالدوري بكل صراحه ( في حالة انه قدر يحافظ على تصدره )
الأهلي هيبقى يستحق الدوري بردو لانه قدر يحول خسارته لمكسب, و قدر يحول فارق
النقاط من نقاط عليه, الى نقاط ليه و لصالحه, و تصدر, و قدر ياخد الدوري.. يبقى اكيد يستحق
ماتلومش الأهلي على انك ماقدرتش تحافظ على الدوري و تصدرك ليه, لكن لوم فريقك و مدربه...
مافيش اي فريق في العالم هيلاقي فرصة انه يكسب الدوري او يخطفه من فريق متخاذل و هيقول لأ...
الأهلي غلط كتيييييييير و مر بأزمات الموسم ده كتيييير و انتوا ماعرفتوش تستغلوا ده للآخر,
الأهلي الحمد لله رجع بشكل جيد, و قدر يصلح غلطه, و يحول الخساره لمكسب, يبقى فريق ناجح
بس انا عايزك تبص للموضوع بشكل مختلف, و تقول لنفسك ليه مابقاش اهلاوي ؟ :ma:
انا شايف فيك بذرة الروح الأهلاويه, و حرااام تشجع الزمالك... ههههههههههههههه
طاوعني بس و شجع الأهلي, و صدقني حياتك هتختلف تماماً للأفضل في كل حاجه :))
حبيبي والله يا محمد... بس لااااااااااازم تبقى اهلاااااوي بردو :B4_611:
ههههههههههههههههههههههههه ههههههههههههه أبداااااااااااا انا زملكاوى حتى البهاريز والبذرة مبتكدبش :grin54: :grin54:
انا معاك فى أغلب كلامك ومؤيدك وربنا ولا انا متحيز لحسام وابراهيم ولا نيلة
ولا عايزهم اصلا فى الفريق وبتمنى يمشوا انهرده قبل بكرة وعارف والله انهم السبب فى اللى الزمالك فيه الاحتقان والفوضى
بس برده فى اضطهاد للزمالك وربنا حتى لو جه مدرب تانى ومحترم هتشوف برده الاضطهاد :angry06:
انا بس كنت بوضحلك حكاية جون الجيش عشان انت اللى قولتلى اننا مطلعناش الكورة والواد واقع بقالوا 5 دقايق كاملين :untitled 1::untitled 1: :grin54:
بس انا مت من الضحك على حسنوفوبيا دى وكمان عند حسام وابراهيم بس هههههههههههههههههههههه والله هى شكلها كده فعلا :grin54: :grin54:
المهم انا اساسا عايز الزمالك يتغلب الماتشين الجايين عشان يمشوا حسام ويتعلموا الأدب شوية ويتربوا
ونجيب حسن شحاته بقه ونقب على وش الدنيا :grin54:
خالص تحياتى ليك ياصديقى الأهلاوى اللدود :))
ده بيقولك الاسماعيلي عايز يجيب حسام و ابراهيم لو هيمشوا من الزمالك !!!!!! و ماتسألنيش مين اللي بيقولك :ma:
يعني من الآخر شكلنا مش هنخلص منهم ابدااااااا, دول عاملين زي مسلسل الدالي كده, مالهوش نهاية...
ههههههههههههههههههه
تحيــاتي ليك يا صديقي العزيز الزملكاوي اللي هيقلب اهلاوي قريباً, و البذرة مابتكدبش :))
ههههههههههههههههههههههههه هههه الناس دى وحشة متصدقهاش بعد كده :grin54:
مفروض يعملوا فى الإنتخابات اللى جاية بند إضافى
- هل تؤيد إستمرار حسام وأخوه ابراهيم حسن مدربين فى الدورى سواء فى الزمالك او أى فريق أخر؟ :ma:
( لإستقرار البلد ) الكلمة اللى وجعت دماغ اللى جابونا دى :grin54:
عن نفسى هقول لالالالالالالالالالالالال الالالالالالا + إنفوهم عند مضيق جبل رامى :Oc_sun1[1]:
وإنسى ياهندسة إنى أنضم ليكوا لو إنت تحب تبقى زملكاوى إملى الاستمارة وبعدين أشوفها وبعدين هرفضها عشان كنت أهلاوى :C_laugh[1]: