الموضوع: ايه رأيك فى ماتش الزمالك والأهلى...؟؟

المشاركة الأصلية كتبت بواسطة m7amd_7amdy

انا هتكلم من منطلق انى مشجع زملكاوى
أهلاوي ولا زملكاوي .. على العين والراس يا باشا

مش عاجبنى اولا اللى حصل والهرجلة وحسام حسن واللى عمله
من حسام بس !! أمال فيه إبراهيم الأبيض وشيكا .. وبعدين ما لازم يعمل هيصة وزمبليطة .. أمال حيداري خيبته ازاي علشان ميديش حد فرصة يهاجم أخطائه ويوهم الزملكاوية بالظروف الخارجية والسحر والأعمال .... إلخ

مش عاجبنى التغير اللى عمله ومفروض شيكابالا مكنش يطلع خالص
هو حاول يدافع ويعمل زون دفنس .. بس صدقني مكنش حيستحمل كتير

مش عاجبنى اللى حصل فى جون التعادل التانى للأهلى لما كانوا شايفين لاعب الزمالك مرمى على الأرض وكملوا عادى
وده اللى سبب الهرجلة والفوضى
مرمي على الأرض علشان مصاب اصابة خطيرة ولا مجرد شد عضلي وبيضيع وقت .. وعلى فكرة كان واضح جداً أنه بيضيع وقت بالرغم أنه ممكن يكون عنده شد عضلي فعلاً .. واللي أدي الانطباع ده للحكم شيكا قبل ما يتغير حب يعمل نفس التمثيلية .

مش عاجبنى الحكم لما مكملش الوقت بدل الضايع ال 10 دقايق وصفر على الدقيقة 7
في دي عند حق
فى المجمل مبروك للأهلى الدورى وربنا يتولانا على حسام حسن اللى جاب الزمالك ورا ولسه كمان الموسم الجاى ربنا يصبرنا عليه
ربنا يتولي جماهير مصر كلها .. مش الزمالك بس .. على مدرب بيعلق أخطائه على شماعة الظروف
حد عنده كلام؟
هارد لك للزمالك .. والدوري يتعوض في مواسم قادمة

المشاركة الأصلية كتبت بواسطة funnymickey

هوا انا شايف انها حركه واطيه انهم يكملوا لعب واللعيب واقع خصوصا انه كان علي خط الاوت
لا يا باشا الحركة الواطية هي تضييع الوقت .. زي لاعيبة المغرب العربي
بس بردو لازم نعرف انه كان فاضل 3 دقايق
والفرقه مغلوبه
يعني الطبيعي انهم يكملوا اصلا
ومودرن سبورت جابوا جون عبد الشافي السيسوزن الاول دلوقتي
والجون ابتدا بردو بخبطه في وش بركات وكملوا وجت جون

بس استغربت اوي من رد فعل حسام حسن
يعني هوا ماله جوزيه
الجون اتحسب ياعم الحج
بتجري عالراجل تزقه ليه
:)
هوا مدرب كويس بس عيبه انه عصبي اوي اوي
هو مين اللي مدرب كويس .. الميزة الوحيدة في حسام هي الشحن المعنوي .. بس ساعات بتقلب ضده من كترها .. لأن الحمية لازم يبقى ليها حدود وإلا تفقدك التركيز .
ومعتقدش انه حيعمر في فرقه بسبب عصبيته دي
وبردو الدوري لسه في الملعب يارجاله
انا مش عارف الناس بتقول الدوري للاهلي ليه
مش لسه فاضل 3 ماتشات باين ولا 4
فعلاً فيه احتمال الزمالك ياخد الدوري .. بس احتمال ضعيف شوية عملياً .

المشاركة الأصلية كتبت بواسطة hm414

انا مش شايف ان لو اي لاعب رمى نفسه علارض او حتى جاله شد عضلي لازم المتش يقف الا لو اللاعب ده حارس المرمى
وحسام حسن تطاول جدا وحق جوزيه يقاضيه
حسام حسن تصرف بصبيانيه واللعيبه مش مقدره وضع البلد وقد ايه لازم يهدو الاوضاع مش يولعوها
تغيير شيكابالا خاطئ ووضع احمد فتحي في الشمال كان غلط

بغض النظر عن المتش بعد جول التعادل
لحد لحظة التعادل كان المتش جميل جدا...


مش فاهم حسام عاشور اتطرد ليه؟؟؟ انا مشفتش الحقيقه

المشاركة الأصلية كتبت بواسطة eng.geo

الفرقتين ملعبوش قد المستوي
الزمالك كان بيهاجم حلو شوية وشوية كتير مبيعملش حاجة خالص
الأهلي عمل عرضيات حلوة بس كان في كور من نص الملعب وحشة جدا
جون الأهلي التاني : كان من الزوق ان الورة تطلع برة عشان اللعيب اللي واقع .. ( مش مبرر للتكملة ) لاعيبة الزمالك كبسوا
جون الزمالك التاني .. أوف سايد
أوف سايد .. مش أوف سايد .. الأهلوية مبيتكلموش على لعبة في وسط الماتش أخطأ فيها الحكم .. لأن أخطاء الحكام واردة .. سواء ليك أو عليك .. المهم بقى عدم التشدق بيها وتبقي دي الشماعة والاحساس بالظلم والكلام اللي أنت عارفه ده .


حسام حسن : انسان مش محترم وميستحق اسم مدرب
وأيه الجديد اللي حضرتك أضافته !! وهو حسام لوحده بس ؟!!
وحرام انه يترشح لمنتخب مصر
ده أقل كلام يتقال عن اللي عمله

المشاركة الأصلية كتبت بواسطة ghazy12

يعني يبقى للأهلي هجمه و عند الـ 18 بتاع الزمالك, و عاشور الأدهم يتدلع و يقع على الأرض بدون
سبب علشان يضيع وقت و يبوظ الهجمه على الأهلي... و المطلوب مننا نطلع الكوره بره علشان خاطر سعادته !!!

مين يقول كده !!!!!!!!!!!! لو حد فاكر ان ده fair play او لأ يبقى فاهم غلط لان ده مالهوش علاقه اصلاً
لا يا باشا ما الفير بلاي .. بيتفسر على حسب الموقف اللي هما فيه .. لو ضدك يبقى فين الفير بلاي والأخلاق تظهر والقيم الحميدة ...إلخ .. لو عليك يبقى مفيش مشكلة وكمل الماتش يا عم .
ده غير ان الجوووول التاني بتاع حسين ياسر اووف سااايد لانه راجع من اوف سايد واضح زي الشمس

ماحدش مننا اتكلم عن التحكيم او قال الحكم بيجامل و بيحابي و الكلام ده... مع ان الحكم يعتبر
اهدى الزمالك جووول غير مستحق, و بردو مش عاجب, و بردو ماحدش اتكلم عن الموضوع ده

الحكم كان المفروض يطرد هاني سعيد لانه ضرب دومينيك بدون كوره, و ادى لكل واحد انذار و خلاص

و طرد حسام عاشور علشان اتضرب الاول, و لما زق لاعيب الزمالك, الحكم طرده... و طلع بكل احترام !!!
ومن أمتى الأهلوية بيتكلموا على أخطاء الحكام .. لأنهم بشر وأخطائهم واردة .. ومبنعلقش أخطائنا على شماعة اخطاء الحكام والظلم التحكيمي .
حسام حسن و شيكابالا اتهجموا على جوزيه و الجهاز الفني... و ماحدش كلمهم و لا حتى حسام اتطرد من الملعب !!!!

حسام حسن بيدافع من أول الشوط التاني كله (45 دقيقه) دفاااااع تاااام, و كان عايز يكسب... طيب ازاي !!!!!!


باختصار... جوزيه كان حاتط تشكيل سئ, قدر يتدارك نفسه و يعدل التشكيل الشوط التاني, و الأهلي
كان أفضل الشوط التاني... و الزمالك كان افضل الشوط الأول, حسام حسن غلط في انه دافع زون ديفينس
بدري جداااااا جدااااااااااا جداااااااااااا, و كان ممكن الأهلي بعد التعادل يخطف جوول تاني و الماتش كله,
بس الهرجله و التوتر و التشتيت اللي عمله حسام و ابراهيم و شيكابالا خوفاً من ان الماتش يضيع منه خرجه متعادل...

عموماً مبروووك على الزمالك و على الأهلي التعادل الايجابي... و الماتش خلص و خلص معاه الكلام

بالتوفيق لكل الفرق في الماتشات المتبقيه, و ان شاء الله الدوري للأهلي بردو :))

تحياتي يا محمد بك...