السلام عليكم
الموضوع و ما فيه ان انا نفسي اغير عربيتي لأوتوماتيك هي m11
و بما ان مفيش اتوماتيك منها في مصر من هنا بدأت الحيرة
في ناس غيرت ال 516 لاوتوماتيك بمحرك ميتسوبيشي بوما و شغال معاها كويس و هما في ابو الفتوح قالولي ان الحوض نفس ال m11 و هو موتور واحد نازل في ال m11 و ال 516 و التيجو 1600 نفس الموتور و الحوض نفس المقاس
فقلت بيني و بين نفسي طيب ماهو ممكن حوار ال ميتسوبيشي ده ينفع عندي بس بعدين ممكن تطلع مشكلة في المرور و لو حصلت حاجة في العربية مش هبقى خالص
فلاقيت ان التيجو اللي هي نفس حوض و موتور ال m11 نازل منها موتور 2000 اوتوماتيك و سألت قالولي نفس موتور ال 620
يعني كدة هل انا ممكن لو جبت موتور اسبيرانزا 2000 اللي هو في ال 620 و التيجو بالفتيس بالضفيرة و العدادات و كله يشتغل معايا ؟ خصوصا ان ليا زمايلي كانوا في روسيا قالولي العربية نازل منها هناك اوتوماتيك 2000 سي سي انا مش عارف هل هو نفس ال 2000 اللي في ال 620 و التيجو وللا لأ الصراحة
احب اعرف آراء و تعليقات حضراتكم و شكرا جزيلا